KRKଙ୍କ ଟାର୍ଗେଟ୍‌ରେ କରଣ ଜୋହର; ଫ୍ଲପ୍ ହେବ କି 'ବ୍ରହ୍ମାସ୍ତ୍ର'

ଚଳଚ୍ଚିତ୍ର ସମାଲୋଚକ କମଲ ଆର୍‌ ଖାନ୍‌ ଉର୍ଫ KRK ଚଳଚ୍ଚିତ୍ର ନିର୍ମାତା କରଣ ଜୋହରଙ୍କୁ ଘେରିବାର ଗୋଟିଏ ସୁଯୋଗ ମଧ୍ୟ ହାତ ଛଡା କରି ନାହାନ୍ତି। ଆଜିକାଲି ସମସ୍ତ ଧ୍ୟାନ କରଣ ଜୋହରଙ୍କ ଧର୍ମା ପ୍ରଡକ୍ସନ୍ ବ୍ୟାନରରେ ନିର୍ମିତ ଚଳଚ୍ଚିତ୍ର 'ବ୍ରହ୍ମାସ୍ତ୍ର' ଉପରେ ରହିଛି, ଯେଉଁଥିରେ ଆଲିଆ ଭଟ୍ଟ ଏବଂ ରଣବୀର କପୁରଙ୍କ ବ୍ୟତୀତ ଅନେକ ବଡ ତାରକାମାନଙ୍କୁ ଏକାଠି ଦେଖିବାକୁ ମିଳିବ। ଏହି ଫିଲ୍ମ ସେପ୍ଟେମ୍ବର ୯ରେ ମୁକ୍ତିଲାଭ କରିବ। କିନ୍ତୁ ଆଜିଠାରୁ ଏହି ଚଳଚ୍ଚିତ୍ରର ବାହାନା କରି KRK କରଣ ଜୋହରଙ୍କୁ ଘେରିଛନ୍ତି। ସେ ଟ୍ୱିଟ୍ କରି 'ବ୍ରହ୍ମାସ୍ତ୍ର'କୁ ଫ୍ଲପ୍ ଫିଲ୍ମ ତାଲିକାରେ ରଖିଛନ୍ତି।
KRK ତାଙ୍କର ଏହି ଟ୍ୱିଟ୍‌ରେ ଏକ ମୀମ୍ ମଧ୍ୟ ଶେୟାର୍ କରିଛନ୍ତି ଯେଉଁଥିରେ ସେ ୨୦୨୨ ମସିହାରେ ରିଲିଜ୍ ହୋଇ ଫ୍ଲପ୍ ହୋଇଥିବା ସମସ୍ତ ଚଳଚ୍ଚିତ୍ରର ନାମ ଲେଖିଛନ୍ତି। ଏହି ଚଳଚ୍ଚିତ୍ରଗୁଡ଼ିକର ସମୀକ୍ଷା ମଧ୍ୟ ପୂର୍ବରୁ KRKଙ୍କ ଦ୍ୱାରା ନକାରାତ୍ମକଭାବେ ଦିଆଯାଇଥିଲା। ଏହି ଟ୍ୱିଟ୍‌ର ସବୁଠାରୁ ମଜାଦାର କଥା ହେଲା ଯେଉଁ ଉପାୟରେ ପ୍ଲପ୍ ଫିଲ୍ମଗୁଡିକୁ କୁହାଯାଇଛି। ଏହି ମୀମ୍‌ରେ ଅନେକ କବାଟ ଖୋଲାଯାଇଛି ଏବଂ ସେଗୁଡିକ ଉପରେ ୨୦୨୨ର ଫ୍ଲପ୍ ଚଳଚ୍ଚିତ୍ରର ନାମ ଲେଖାଯାଇଛି।

ଆରମ୍ଭରେ ରଣବୀର ସିଂହଙ୍କ ଫିଲ୍ମ '୮୩' ରହିଥିବା ବେଳେ ମଝିରେ 'ଜୁଗ୍ ଜୁଗ୍ ଜିୟୋ', 'ଶମଶେରା', 'ଏକ ଭିଲେନ୍ ରିଟର୍ଣ୍ଣ୍ସ' ଓ ‘ଲାଲ୍‌ ସିଂହ ଚଡ୍‌ଢା' ଲେଖାଯାଇଛି। ଏହି ଫଟୋ ସାମ୍ନାରେ ରକ୍ତର ଧାର ବୋହୁଛି। ଏଥି ସହିତ ଶେଷ ଦ୍ୱାରରେ 'ବ୍ରହ୍ମାସ୍ତ୍ର' ରହିଛି, ଯାହାର କବାଟ ବନ୍ଦ ରହିଛି।

ଏହି ମୀମ୍‌ରେ KRK ନିଜକୁ ଏକ ଭୂତ ସହିତ ତୁଳନା କରିଛନ୍ତି, ଯିଏ ବର୍ତ୍ତମାନ ସମସ୍ତଙ୍କୁ ହତ୍ୟା କରିବା ପରେ 'ବ୍ରହ୍ମାସ୍ତ୍ର' ଆଡକୁ ଯାଉଛନ୍ତି। ଏହି ଟ୍ୱିଟ୍ ମାଧ୍ୟମରେ KRK ଲେଖିଛନ୍ତି, 'ଶୁଭ ସକାଳ କରଣ ଜୋହର। ଶୀଘ୍ର ଆମର ଦେଖାହେବ।' ଏହି ଟ୍ୱିଟ୍‌ରୁ ଏହା ସ୍ପଷ୍ଟ ହୋଇଛି ଯେ ଫିଲ୍ମ 'ବ୍ରହ୍ମାସ୍ତ୍ର'ର କାହାଣୀ ସେତେ ଦମଦାର ହେବ ନାହିଁ ଏବଂ କୋଟି କୋଟି ବଜେଟ୍‌ରେ ନିର୍ମିତ ଏହି ଚଳଚ୍ଚିତ୍ର ବକ୍ସ ଅଫିସରେ ମଧ୍ୟ ଫ୍ଲପ୍ ହେବ।

'ବ୍ରହ୍ମାସ୍ତ୍ର' ବିଷୟରେ କହିବାକୁ ଗଲେ ଆୟାନ୍ ମୁଖାର୍ଜୀଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ତିନି ଭାଗରେ ମୁକ୍ତିଲାଭ କରିବ, ଯାହାର ପ୍ରଥମ ଭାଗ ସେପ୍ଟେମ୍ବର ୯ ରେ ହିନ୍ଦୀ, ତାମିଲ, ତେଲୁଗୁ, ମାଲାୟାଲମ୍ ଏବଂ କନ୍ନଡ ଭାଷାରେ ପ୍ରେକ୍ଷାଳୟକୁ ଆସିବ। ଏହି ଚଳଚ୍ଚିତ୍ରରେ ରଣବୀର କପୁର ଏବଂ ଆଲିଆ ଭଟ୍ଟଙ୍କ ବ୍ୟତୀତ ଶାହରୁଖ ଖାନ, ଅମିତାଭ ବଚ୍ଚନ, ନାଗାର୍ଜୁନ ଏବଂ ମୁନି ରାୟ ମଧ୍ୟ ଅଭିନୟ କରିଛନ୍ତି।

ନିକଟରେ ଏହି ଚଳଚ୍ଚିତ୍ରରୁ ଶାହରୁଖ ଖାନଙ୍କ ଲୁକ୍ ଲିକ୍ ହୋଇଛି, ଯାହା ବହୁତ ଦମଦାର ହୋଇଛି। ଶାହାରୁଖଙ୍କୁ ଫିଲ୍ମରେ ଏକ କ୍ୟାମିଓରେ ଦେଖିବାକୁ ମିଳିବ। ସେ ବାନର ଅସ୍ତ୍ର ଭୂମିକାରେ ନଜର ଆସିବେ।