ବିବାଦୀୟ ବଲିଉଡ ଏବଂ ଭୋଜପୁରୀ ଅଭିନେତା-ନିର୍ମାତା କମଲ ରସିଦ ଖାନ(KRK) ସୋମବାର ଦୁବାଇ ଅଭିମୁଖେ ଯାତ୍ରା କରୁଥିବା ବେଳେ ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନବନ୍ଦରରୁ ତାଙ୍କୁ ଗିରଫ କରାଯାଇଛି।
ନିଜର ଭୁଲ୍ ପାଇଁ କମଲ ଆର ଖାନ ଅନେକ ସମୟରେ ଖବରରେ ରହିଥା’ନ୍ତି। ସେ ବିବାଦୀୟ ବିବୃତ୍ତି ଦେଇ ଅନେକ ଚଳଚ୍ଚିତ୍ର ତାରକା ତଥା ସେମାନଙ୍କ ପ୍ରଶଂସକଙ୍କ କ୍ରୋଧର କାରଣ ହୋଇଛନ୍ତି। ସେ ବର୍ତ୍ତମାନ 'ଏକ୍ସ' ପ୍ଲାଟଫର୍ମକୁ ଆସି କହିଛନ୍ତି ଯେ ୨୦୧୬ ମାମଲା ପାଇଁ ତାଙ୍କୁ ମୁମ୍ବାଇ ପୋଲିସ ଗିରଫ କରିଛି। ସେ କହିଛନ୍ତି ଯେ “ଯଦି ସେ ଜେଲ କିମ୍ବା ପୋଲିସ ଷ୍ଟେସନରେ ମୃତ୍ୟୁବରଣ କରନ୍ତି, ତେବେ ଏହା ହତ୍ୟା ହେବ।
Also Read
କମଲ୍ ଆର୍ ଖାନ୍ ତାଙ୍କ ବିବୃତ୍ତିରେ କହିଛନ୍ତି ଯେ ଯେତେବେଳେ ସେ ଦୁବାଇ ଯାଉଥିଲେ ପୋଲିସ ତାଙ୍କୁ ଗିରଫ କରିଥିଲା। ସେ ଲେଖିଛନ୍ତି, “ମୁଁ ଗତ ଏକ ବର୍ଷ ହେଲା ମୁମ୍ବାଇରେ ଅଛି। ମୁଁ ବେଳେ ବେଳେ କୋର୍ଟରେ ହାଜର ହୁଏ। ମୁଁ ନୂଆ ବର୍ଷ ପାଳନ କରିବାକୁ ଦୁବାଇ ଯାଉଥିଲି, କିନ୍ତୁ ମୁମ୍ବାଇ ପୋଲିସ ମୋତେ ବିମାନବନ୍ଦରରେ ଗିରଫ କରିଛି। ପୋଲିସର କହିବାନୁସାରେ, ସେମାନେ ୨୦୧୬ ମାମଲା ପାଇଁ ମୋତେ ଖୋଜୁଥିଲେ।”
ସଲମାନ ଖାନଙ୍କୁ ନେଇ ସେ ଆହୁରି ଲେଖିଛନ୍ତି ଯେ “ସଲମାନ ଖାନ କହୁଛନ୍ତି ଯେ ମୋ ପାଇଁ 'ଟାଇଗର ୩' ଫ୍ଲପ୍ ହୋଇଛି। ଯଦି ପୋଲିସ ଷ୍ଟେସନ କିମ୍ବା ଜେଲ୍ରେ କୌଣସି ପରିସ୍ଥିତିରେ ମୋର ମୃତ୍ୟୁ ହୁଏ, ତେବେ ଆପଣମାନେ ଏହାକୁ ହତ୍ୟା ବୋଲି ଭାବିବେ। ଆପଣ ସମସ୍ତେ ଜାଣନ୍ତି ଏଥିପାଇଁ କିଏ ଦାୟୀ।”
ପୂର୍ବରୁ ମଧ୍ୟ KRK କୁ ଗିରଫ କରାଯାଇଛି। ୨୦୨୨ ମସିହାରେ ତାଙ୍କୁ ଦୁଇଥର ଗିରଫ କରାଯାଇଥିଲା। ଦିବଂଗତ ଅଭିନେତା ଋଷି କପୁର ଏବଂ ଇରଫାନ୍ ଖାନଙ୍କ ବିଷୟରେ ବିବାଦୀୟ ଟ୍ୱିଟ୍ କରିଥିବାରୁ ତାଙ୍କୁ ଗିରଫ କରାଯାଇଥିଲା। ଏହାର କିଛି ଦିନ ପରେ ତାଙ୍କ ଫିଟନେସ୍ ପ୍ରଶିକ୍ଷକଙ୍କ ସହ ଅସଦାଚରଣ ଅଭିଯୋଗରେ ତାଙ୍କୁ ଗିରଫ କରାଯାଇଥିଲା।