କିୟାରା ଆଡଭାନୀ ପ୍ରକାଶ କଲେ କିଭଳି ପୁଅ ଚାହାନ୍ତି

ନୂଆଦିଲ୍ଲୀ : ବଲିଉଡର ସଫଳ ଅଭିନେତ୍ରୀ ତାଲିକାରେ କିୟାରା ଆଡଭାନୀ ସାମିଲ୍ ହୋଇଯାଇଛନ୍ତି। ଫିଲ୍ମ୍ ‘କବୀର୍ ସିଂହ’ରୁ କିୟାରାଙ୍କ କେରିୟରକୁ ଏକ ନୂଆ ଦିଗ ମିଳିଛି। ଆଜିକାଲି କିୟାରା ତାଙ୍କ ଫିଲ୍ମ ‘ଶେରଶାହ’ର ସଫଳତାକୁ ଉପଭୋଗ କରୁଛନ୍ତି। ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ଏହା ରିଲିଜ୍ ହୋଇଥିଲା। ଦର୍ଶକ ଏହାକୁ ଖୁବ୍ ପସନ୍ଦ ମଧ୍ୟ କରିଛନ୍ତି। ନିକଟରେ କିୟାରା ଆଡଭାନୀ ଓ ସିଦ୍ଧାର୍ଥ ମଲହୋତ୍ରା ଦ କପିଲ ଶର୍ମା ଶୋରେ ଗେଷ୍ଟ ସେଲିବ୍ରିଟି ଭାବେ ନଜର ଆସିଥିଲେ। ଉଭୟ ଶୋରେ ବହୁତ ମଜ୍ଜା ମସ୍ତି କରିଥିଲେ।

କିଆରା ଆଡଭାନୀ

କପିଲ ଶର୍ମା ଓ ତାଙ୍କ ଟିମ୍‌ର ଜୋକ୍ସକୁ ନେଇ ସିଦ୍ଧାର୍ଥ ଓ କିୟାରା ଖୁବ୍ ହସିଥିଲେ। କିୟାର ଏକ ଧଳା ରଙ୍ଗର ଲେହେଙ୍ଗା ପିନ୍ଧିଥିବା ବେଳେ ଏକ ହଳିଦିଆ ରଙ୍ଗର ଦୁପାଟା ପକେଇଥିଲେ। ସେ ଖୁବ୍ ସୁନ୍ଦର ଦେଖାଯାଉଥିଲେ। ଶୋ ସମୟରେ କପିଲ କିୟାରାଙ୍କୁ ପଚାରିଥିଲେ ଯେ ସେ କିପରି ପୁଅ ଚାହାନ୍ତି? କପିଲ ତାଙ୍କୁ ଆହୁରି ମଧ୍ୟ ପଚାରିଥିଲେ ଯେ ରିଏଲ୍ ଲାଇଫ୍‌ରେ ସେ କ’ଣ ପୁଅର ପ୍ରଫେସନକୁ ଚେକ୍ କରିବେ କି?

କିଆରା ଆଡଭାନୀ

କପିଲଙ୍କ ଏହି ପ୍ରଶ୍ନର ଉତ୍ତରରେ କିୟାରା କୌଣସି ଫିଲ୍ମ ଡାଇରେକ୍ଟର କି କ୍ରିକେଟର୍‌ଙ୍କ ନା ନେଇ ନଥିଲେ। ବରଂ ସେ କହିଥିଲେ ଯେ “ଅଭିନେତା ହେଲେ ତ ଖୁବ୍ ଭଲ, ସବୁ ଏକାଭଳି।” ତେବେ କିୟାରାଙ୍କ ଏଭଳି ଉତ୍ତର ଶୁଣି କପିଲ ଶର୍ମା ଟିକେ ଦ୍ୱନ୍ଦ୍ୱରେ ପଡିଯାଇଥିଲେ।

Also Read

ବିଷ ପିଇ ପୁଣି ଜଣେ ଚାଷୀଙ୍କ ଆତ୍ମହତ୍ୟା !

ପୁତ୍ର ହତ୍ୟା ଘଟଣା : ବାପା ଓ ସାବତ ମାଙ୍କୁ ଆଜୀବନ ଜେଲ୍ ଦଣ୍ଡ

ବିଦ୍ୟୁତ୍ ଜାମୱାଲାଙ୍କ ନିର୍ବନ୍ଧ ଶେଷ; ଜାଣନ୍ତୁ କିଏ ସେ ସୌଭାଗ୍ୟବତୀ

ପ୍ରକାଶଥାଉ ଯେ କିୟାରା ଆଡଭାନୀ ଓ ସିଦ୍ଧାର୍ଥ ମଲ୍‌ହୋତ୍ରାଙ୍କ ସହିତ ଦୀର୍ଘ ଦିନ ହେବ ଡେଟିଂ ଚାଲିବା ଖବର ଚର୍ଚ୍ଚାରେ ରହିଛି। ଉଭୟଙ୍କୁ ପ୍ରାୟ ସମୟରେ ଏକାଠି ହେବାର ଦେଖାଯାଏ। ତେବେ ସଂପର୍କକୁ ନେଇ ସେମାନେ ସବୁବେଳେ ଭଲ ସାଙ୍ଗ ବୋଲି କହିଥାନ୍ତି। ସେମାନେ କେବେ ବି ସେମାନଙ୍କ ପ୍ରେମ ସଂପର୍କକୁ ସ୍ୱୀକାର କରି ନାହାନ୍ତି କି କେବେ ବି ଏହାକୁ ମନାକରି ନାହାନ୍ତି।

କିଆରା ଓ ସିଦ୍ଧାର୍ଥ

ପ୍ରକାଶଥାଉ ଯେ ଫିଲ୍ମ ‘ଶେର୍‌ଶାହ’ରେ ସିଦ୍ଧାର୍ଥ ଓ କିୟାରାଙ୍କ ଯୋଡିକୁ ଦର୍ଶକେ ଖୁବ ପ୍ରଶଂସା କରିଛନ୍ତି। ଏହି ଫିଲ୍ମ ଅଗଷ୍ଟ ୧୨ରେ ରିଲିଜ୍ ହୋଇଥିଲା। ଏହି ଫିଲ୍ମରେ ସିଦ୍ଧାର୍ଥ ମଲହୋତ୍ରା କାରଗିଲ୍ ହୀରୋ କ୍ୟାପ୍ଟେନ୍ ବିକ୍ରମ ବତ୍ରାଙ୍କ ଭୂମିକାରେ ଆସିଥିଲେ।