କ୍ୟାଟ୍ରିନା କୈଫ୍ ଏବଂ ଭିକି କୌଶଲଙ୍କ ସମ୍ପର୍କ ବିଷୟରେ ଜାଣିବା ପାଇଁ ପ୍ରଶଂସକଙ୍କ ମଧ୍ୟରେ ସର୍ବଦା କୌତୁହଳ ରହିଥାଏ। ସେମାନେ ଜାଣିବାକୁ ଚାହାଁନ୍ତି ଯେ ଦୁହେଁ କିପରି ଭେଟିଲେ ଏବଂ ସେମାନେ କିପରି ସମ୍ପର୍କ ସ୍ଥାପନ କଲେ। କ୍ୟାଟ୍ରିନା କୈଫ୍ ‘କଫି ୱିଥ୍ କରନ ସିଜନ ୭’ ରେ ଭିକି କୌଶଲ ଙ୍କୁ ନେଇ ତାଙ୍କ ସମ୍ପର୍କ ଏବଂ ଭେଟ ବିଷୟରେ ସବୁକିଛି ପ୍ରକାଶ କରିଛନ୍ତି। ଶୋ’ର ଦଶମ ଏପିସୋଡ୍ରେ କ୍ୟାଟ୍ରିନା କୈଫ୍ଙ୍କୁ ଦେଖିବାକୁ ମିଳିବ। ତାଙ୍କ ସହ ତାଙ୍କ 'ଫୋନ୍ ଭୁତ୍'ର ସହ-ତାରକା ଇଶାନ ଖଟ୍ଟର ଏବଂ ସିଦ୍ଧାନ୍ତ ଚତୁର୍ବେଦୀ ମଧ୍ୟ ରହିବେ। ସେ ଏହି ଏପିସୋଡ୍ରେ ସବୁ ମଜ୍ଜାଳିଆ କଥାର ଖୁଲାସା କରିବେ।
କ୍ୟାଟ୍ରିନା କୈଫ୍ ଶେଷରେ କରଣ ଜୋହର ଙ୍କ ଚାଟ୍ ସୋ’ରେ ଭିକି କୌଶଲଙ୍କ ସହ ତାଙ୍କ ସମ୍ପର୍କକୁ ନେଇ କିଛି ତଥ୍ୟ ଶେୟାର କରିଥିଲେ। କ୍ୟାଟ୍ରିନା କହିଥିଲେ ଯେ ତାଙ୍କ ସ୍ୱାମୀ ଭିକି ତାଙ୍କ 'ରାଡର'ରେ ନଥିଲେ। କ୍ୟାଟ୍ରିନା କହିଛନ୍ତି, “ମୁଁ ତାଙ୍କ ବିଷୟରେ ଅଧିକ ଜାଣି ନଥିଲି। ସେ କେବଳ ମୋ ପାଇଁ ଗୋଟିଏ ନାମ ଥିଲେ ଯାହା ମୁଁ ଶୁଣିଥିଲି କିନ୍ତୁ କେବେବି ଜଡିତ ନଥିଲି। କିନ୍ତୁ ଯେତେବେଳେ ମୁଁ ତାଙ୍କୁ ଭେଟିଲି, ସେତେବେଳେ ତାଙ୍କ ପ୍ରତି ଆକର୍ଷିତ ହୋଇଥିଲି।” କ୍ୟାଟ୍ରିନା ଏହା ମଧ୍ୟ କହିଛନ୍ତି ଯେ ଯେଉଁ ବ୍ୟକ୍ତିଙ୍କ ସହ ଭିକିଙ୍କ ବିଷୟରେ ସେ ଶେୟାର କରିଥିଲେ ସେ ହେଉଛନ୍ତି ନିର୍ଦ୍ଦେଶକ ଜୋୟା ଅଖ୍ତର।
'କଫି ୱିଥ୍ କରନ'ର ପୂର୍ବ ସିଜନ’ରେ ଅଭିନେତା କ୍ୟାଟ୍ରିନା କୈଫ୍ କହିଥିଲେ ଯେ ସେ ବିକି କୌଶଲଙ୍କ ସହ ଖୁବ ଭଲ ଲାଗିବେ, ଏହାର ଉତ୍ତରରେ ୟୁରି ଅଭିନେତା ଏକ ଆଶ୍ଚର୍ଯ୍ୟଜନକ ପ୍ରତିକ୍ରିୟା ଦେଇଥିଲେ। ଏହି ଶୋ’ରେ ଥିବା ଅଭିନେତା ଆୟୁଶ୍ମାନ ଖୁରାନା ଏହା ଜାଣି ଆଶ୍ଚର୍ଯ୍ୟ ହୋଇଯାଇଥିଲେ ଯେ କ୍ୟାଟ୍ରିନା ତାଙ୍କ ନାମ ମଧ୍ୟ ଜାଣିଥିଲେ।
ନିକଟରେ, ଭିକି ଯେତେବେଳେ ସିଦ୍ଧାର୍ଥ ମଲହୋତ୍ରାଙ୍କ ସହ ଏହି ସିଜନରେ ଦେଖାଦେଇଥିଲେ, କରନ ତାଙ୍କୁ ଆହୁରି ପଚାରିଥିଲେ ଯେ ସେ କ୍ୟାଟ୍ରିନାଙ୍କୁ ବିବାହ କରିବାକୁ ଭାବିଥିଲେ କି? ଏହାର ଉତ୍ତରରେ ସେ କହିଥିଲେ, "ଗତ ସିଜନରେ ଯାହା ଘଟିଥିଲା - ଏହା ଜାଣିବା ମୋ ପାଇଁ ଆଶ୍ଚର୍ଯ୍ୟଜନକ ଥିଲା ଯେ ସେ ମୋ ବିଷୟରେ ଜାଣନ୍ତି। ଏହାପୂର୍ବରୁ ଆମେ କେବେ ସାକ୍ଷାତ କରି ନ ଥିଲୁ।"
ଏମିତିରେ ବି ଭିକିଙ୍କ ସହ ତାଙ୍କ ସମ୍ପର୍କକୁ ଅଚାନକ ଏବଂ ଆଉଟ୍ ଅଫ୍ ବ୍ଲୁ ବୋଲି କହି କ୍ୟାଟ୍ରିନା ଶେୟାର କରିଛନ୍ତି ଯେ “ଏହା ମୋର ସୌଭାଗ୍ୟ ଏବଂ ଏହା ହିଁ ହେବାର ଥିଲା। ଏତେ ସାରା ସଂଯୋଗ ଥାଇ ବି ଗୋଟିଏ ସମୟରେ ଏସବୁ ଅବାସ୍ତବ ମନେ ହେଉଥିଲା।