କଙ୍ଗନାଙ୍କ ଟାର୍ଗେଟ୍‌ରେ ପୁଣି କରଣ ଜୋହର; କହିଲେ କେଉଁ ଧାତୁରେ ଗଢା

ଫିଲ୍ମ 'ବ୍ରହ୍ମାସ୍ତ୍ର'ର ବକ୍ସ ଅଫିସ୍‌ରେ ସଫଳତାକୁ ନେଇ କରଣ ଜୋହରଙ୍କ ଟିମ୍ ଉତ୍ସାହିତ ଥିବାବେଳେ କଙ୍ଗନା ରାଣାୱତ ପୁଣି ଥରେ କରଣଙ୍କୁ ଟାର୍ଗେଟ୍ କରିଛନ୍ତି। ଗୋଟିଏ କିମ୍ବା ଦୁଇଟି ନୁହେଁ ତିନୋଟି ଇନଷ୍ଟା ପୋଷ୍ଟ୍‌ କରି ସେ ଫିଲ୍ମ ଏବଂ ଫିଲ୍ମ ନିର୍ମାତାଙ୍କୁ ପରିହାସ କରିଛନ୍ତି। ବିବେକ ଅଗ୍ନିହୋତ୍ରୀଙ୍କ ଟ୍ୱିଟ୍‌କୁ ଶେୟାର୍ କରି ବକ୍ସ ଅଫିସରେ ଫିଲ୍ମର ସଫଳତାକୁ ନେଇ ସେ ପ୍ରଶ୍ନ କରିଛନ୍ତି।

ମଙ୍ଗଳବାର କଙ୍ଗନା ଗୋଟିଏ ପରେ ଗୋଟିଏ ଇନଷ୍ଟା ପୋଷ୍ଟ୍‌ କରି 'ବ୍ରହ୍ମାସ୍ତ୍ର' ର ସଫଳତାକୁ ନେଇ କରଣ ଜୋହର ଙ୍କ ଦାବିକୁ ଉପହାସ କରିଥିଲେ। ବିବେକ ଅଗ୍ନିହୋତ୍ରୀଙ୍କ ଟ୍ୱିଟ୍ ଶେୟାର କରି ସେ 'କାଶ୍ମୀର ଫାଇଲ୍ସ’ ତୁଳନାରେ ‘ବ୍ରହ୍ମାସ୍ତ୍ର’କୁ ନିଚ୍ଚା କରିବାର ସାହସ କରିଛି।

କଙ୍ଗନା ଲେଖିଛନ୍ତି ଯେ “କାଶ୍ମୀର ପଣ୍ଡିତଙ୍କ ଉପରେ ନିର୍ମିତ ଫିଲ୍ମ ‘କାଶ୍ମୀର ଫାଇଲ୍ସ’ ୧୦କୋଟି ବଜେଟ୍‌ରେ ତିଆରି ହୋଇଥିଲା ଏବଂ କରଣ ଜୋହର ଜୀ ତାଙ୍କ ଫିଲ୍ମ ସହିତ ଏହାକୁ ତୁଳନା କରି ଏହାକୁ ପଛରେ ପକେଇଦେଇଛନ୍ତି ବୋଲି କହୁଛନ୍ତି। କରଣ ଜୋହର ଜୀ, ଆପଣ କେଉଁ ଧାତୁରେ ଗଢା?”

କରଣ ଜୋହର୍‌ଙ୍କ ଉପରେ ଖୁବ୍ ବର୍ଷିଲେ କଙ୍ଗନା ରାଣାୱତ୍

ଅଭିନେତ୍ରୀ ଅନ୍ୟ ଏକ ରିପୋର୍ଟ ଶେୟାର କରିଛନ୍ତି ଯେଉଁଥିରେ ‘ବ୍ରହ୍ମାସ୍ତ୍ର’ର ରୋଜଗାରକୁ କମ୍ କୁହାଯାଉଛି। ଏହାର ସ୍କ୍ରିନ୍‌ସଟ୍‌ ଶେୟାର କରି କଙ୍ଗନା ଲେଖିଛନ୍ତି, "କରଣ ଜୋହର ଜୀ ‘ବ୍ରହ୍ମାସ୍ତ୍ର’ର ସଫଳତାକୁ ନେଇ ପାର୍ଟି ଯୋଜନା କରିବା ଏବଂ ‘ବ୍ରହ୍ମାସ୍ତ୍ର ୨’ ପାଇଁ ସୁଟିଂ କରିବାରେ ଏତେ ବ୍ୟସ୍ତ ଅଛନ୍ତି ଯେ ଏହାକୁ ଟଙ୍କା ପଠାଇବାକୁ ଭୁଲିଯାଇଛନ୍ତି। ତେଣୁ ସେ ସମସ୍ତ ପୋଲ ଖୋଲିଲେ। ଏହାକୁ କୁହାଯାଏ କମେଡି ଅଫ ଏରର୍।"

କଙ୍ଗନା ‘ରେସ୍ ୩’ ଓ ‘ବ୍ରହ୍ମାସ୍ତ୍ର’ର ରୋଜଗାରକୁ ତୁଳନା କରି ଲେଖିଛନ୍ତି, " ‘ରେସ୍ ୩’ ୧୮୦ କୋଟି ବଜେଟ୍‌ରେ ତିଆରି ହୋଇଥିଲା ଏବଂ ସାରା ବିଶ୍ୱରେ ୩୦୦ କୋଟି ରୋଜଗାର କରିଥିଲା। ‘ବ୍ରହ୍ମାସ୍ତ୍ର’ ୧୨ ବର୍ଷରେ ଦକ୍ଷିଣ ଏବଂ ଉତ୍ତରର ତାରକାମାନଙ୍କୁ ନେଇ ୬୦୦ କୋଟି ବଜେଟ୍‌ରେ ତିଆରି ହୋଇଛି। କିନ୍ତୁ କରଣ ଜୋହର ଜୀଙ୍କୁ ବିଶେଷାଧିକାରୀର ମୋହ ଲାଗିଯାଇଛି, ତେଣୁ ସେ ନିଜ ପାଇଁ ଏକ ସ୍ୱତନ୍ତ୍ର ମଡେଲ୍‌ ଆବିଷ୍କାର କରିଛନ୍ତି।"

ତାଙ୍କ ପରବର୍ତ୍ତୀ ଟ୍ୱିଟ୍‌ରେ କଙ୍ଗନା ପୁନର୍ବାର ଆକ୍ରମଣ କରି ଲେଖିଛନ୍ତି, “ମହାମାରୀ ପରେ ଏହା ବିଶେଷ କରି କରଣ ଜୋହରଙ୍କ ଫିଲ୍ମ ପାଇଁ ଏକ ନୂଆ ଭର୍ଡିକ୍ଟ ମଡେଲ୍‌ ହୋଇପାରିଛି। ମୁଁ ଆପଣଙ୍କୁ କହିବି ଯେ 'ଠଗ୍ସ ଅଫ୍ ହିନ୍ଦୁସ୍ତାନ' ସାରା ଦୁନିଆରେ ୨୮୦ କୋଟି ରୋଜଗାର କରିଥିଲା ​​ଏବଂ ଏହାର ବଜେଟ୍ ମଧ୍ୟ ୨୮୦କୋଟି ଥିଲା। କିନ୍ତୁ ସେ ତାଙ୍କର PR ଯନ୍ତ୍ରପାତି ବ୍ୟବହାର କରିନାହାଁନ୍ତି ଅନ୍ୟଥା କରଣ ଜୋହରଙ୍କ ନୂଆ ମଡେଲ ଅନୁଯାୟୀ କୌଣସି ଫିଲ୍ମ ଫ୍ଲପ୍ ହେବ ନାହିଁ, ମୁଁ ଏହା କହୁଛି।”

ଏହା ନୁହେଁ ଯେ କଙ୍ଗନା ରାଣାୱତ ପ୍ରଥମ ଥର ପାଇଁ କରଣ ଜୋହର ଏବଂ ଟିମକୁ ଟାର୍ଗେଟ୍‌ କରିଛନ୍ତି, ଏହା ପୂର୍ବରୁ ମଧ୍ୟ ସେ କ୍ରମାଗତ ଭାବରେ ଏମିତି କରିଆସୁଛନ୍ତି। 'ବ୍ରହ୍ମାସ୍ତ୍ର'କୁ ଏକ ସଫଳ ଫିଲ୍ମ ବୋଲି କହିବାକୁ ତାଙ୍କର ଆପତ୍ତି ରହିଛି।