ମୋ ଗୋରାପଣ ମୋ ପାଇଁ କାଳ ହୋଇଛି; ମତେ କାଷ୍ଟିଙ୍ଗ୍ କାଉଚର ଶିକାର ହେବାକୁ ପଡିଛି; କଲ୍‌କୀ

କଲ୍‌କୀ କୋଏଚ୍‌ଲୀନ୍ 'ଦେବ ଡି' ଏବଂ 'ୟେ ଜୱାନୀ ହୈ ଦିୱାନୀ' ପରି ବଲିଉଡ ଚଳଚ୍ଚିତ୍ରରେ ନିଜର ଅଭିନୟର ଚକ୍‌ମା ଦେଖେଇଛନ୍ତି। ଏବେ ସେ ପ୍ରକାଶ କରିଛନ୍ତି ଯେ ଅତ୍ୟଧିକ ଗୋରାପଣ ତାଙ୍କ ପାଇଁ ଏକ ସମସ୍ୟା ହୋଇଯାଇଛି। କେବଳ ଏତିକି ନୁହେଁ ତାଙ୍କୁ କାଷ୍ଟିଂ କାଉଚ୍‌ର ମଧ୍ୟ ଶିକାର ହେବାକୁ ପଡିଛି। ଅନେକ ବର୍ଷ ପରେ ଅଭିନେତ୍ରୀ ନିଜର ଏହି ଯନ୍ତ୍ରଣା ପ୍ରକାଶ କରିଛନ୍ତି।

ବହୁ ପ୍ରତୀକ୍ଷିତ ୱେବ୍ ସିରିଜ୍ 'ମେଡ୍ ଇନ୍ ହେଭେନ୍ ୨'ରେ କଲ୍‌କୀ କୋଏଚ୍‌ଲୀନ୍ ପୁଣି ଥରେ 'ଫୈଜା' ଚରିତ୍ରରେ ନଜର ଆସିବେ। ଏହି ସିରିଜ୍ ପାଇଁ କେବଳ ପ୍ରଶଂସକମାନେ ନୁହଁନ୍ତି, ତାଙ୍କ ଅଭିନେତ୍ରୀମାନେ ମଧ୍ୟ ବହୁତ ଉତ୍ସାହିତ ଅଛନ୍ତି। ବଲିଉଡ୍‌ରେ କ୍ୟାରିୟର କରିବା ପାଇଁ କଲ୍‌କୀଙ୍କୁ ବହୁ ସଂଘର୍ଷ କରିବାକୁ ପଡିଛି। ତାଙ୍କର ଗୋରାପଣ ଯୋଗୁଁ ତାଙ୍କୁ ଅନେକ କଥା ଶୁଣିବାକୁ ପଡିଛି। ବର୍ତ୍ତମାନ ଏହି ଅଭିନେତ୍ରୀ ତାଙ୍କ ଅସନ୍ତୋଷ ପ୍ରକାଶ କରିଛନ୍ତି ଆଉ ଲୋକେ ତାଙ୍କୁ କିପରି ଦୃଷ୍ଟିରେ ଦେଖୁଥିଲେ କହିଛନ୍ତି।

କଲ୍‌କୀ କୋଏଚ୍‌ଲୀନ୍ ପଣ୍ଡିଚେରୀର ଏକ ଫରାସୀ ପରିବାରରେ ଜନ୍ମଗ୍ରହଣ କରିଥିଲେ। ତାଙ୍କ ବାପାମାଆ ଫ୍ରେଞ୍ଚ୍‌ ମୂଳ ହୋଇଥାଇ ପାରନ୍ତି, କିନ୍ତୁ ତାଙ୍କ ଭାଷା ଭାରତୀୟ। ଏହା ପରେ ମଧ୍ୟ ତାଙ୍କୁ ଅନେକ ଭେଦଭାବର ସମ୍ମୁଖୀନ ହେବାକୁ ପଡିଛି। ନିକଟରେ ଏକ ଶୋ 'ଦି ମେଲ୍ ଫେମିନିଷ୍ଟ୍'ରେ ସିଦ୍ଧାର୍ଥ ଆଲାମବାୟନଙ୍କୁ ଦିଆଯାଇଥିବା ଏକ ସାକ୍ଷାତକାରରେ ସେ ତାଙ୍କ ଜୀବନର ଅନୁଭୂତି କହିଛନ୍ତି।

ଅଭିନେତ୍ରୀ କହିଛନ୍ତି ଯେ “ମୁଁ ପିଲାଦିନରୁ ହିଁ ଭେଦଭାବ ଦେଖିଛି। ଲୋକମାନେ ଭାବୁଥିଲେ ମୁଁ ଡ୍ରଗ୍ସ ନେଉଛି, କାରଣ ଆମ ଗୋଷ୍ଠୀରେ ମୁଁ ଏକମାତ୍ର ଅତି ଗୋରା ଝିଅ ଥିଲି। ଏଥିରେ ମୋର ବା ଦୋଷ କ’ଣ ରହିଲା।”

ସେ ଆହୁରି କହିଛନ୍ତି ଯେ “ଅଧିକ ଗୋରା ଥିବାରୁ ଲୋକମାନେ ମୋ ଚରିତ୍ର ଉପରେ ସନ୍ଦେହ କରୁଥିଲେ। କିନ୍ତୁ ଯେତେବେଳେ ମୁଁ ତାମିଲରେ ଉତ୍ତର ଦିଏ ଲୋକମାନେ ମୋତେ ଆକ୍କା ଏବଂ ଭଉଣୀ ବୋଲି ଡାକିବାକୁ ଲାଗନ୍ତି। ମୋ ଭାଷା ଶୁଣିବା ପରେ ସେମାନଙ୍କ ଚିନ୍ତାଧାରା ବଦଳି ଯାଉଥିଲା।”

କଲ୍‌କୀ କୋଏଚ୍‌ଲୀନ୍ କାଷ୍ଟିଂ କାଉଚ୍‌କୁ ନେଇ ମଧ୍ୟ ଖୁଲାସା କରିଛନ୍ତି। ସେ କହିଛନ୍ତି ଯେ “ମୁଁ ଏକ ଫିଲ୍ମ ପାଇଁ ଅଡିସନ ଦେଇଥିଲି। ଏହା ପରେ ମୋତେ କୁହାଗଲା ଯେ ଆପଣଙ୍କୁ ନିର୍ମାତାଙ୍କୁ ଭେଟିବାକୁ ପଡିବ। ଯେତେବେଳେ ମୁଁ ଅଫିସ୍‌ରେ ନିର୍ମାତାଙ୍କୁ ଭେଟିବାକୁ ଯାଇଥିଲି, ସେ କହିଥିଲେ, ଦେଖନ୍ତୁ... ଏହା ଆପଣଙ୍କ ପାଇଁ ଏକ ବଡ଼ ସୁଯୋଗ। ମୁଁ ତୁମକୁ ଟିକେ ଭଲ ଭାବରେ ଜାଣିବାକୁ ଚାହୁଁଛି। ତୁମେ ମୋ ସହିତ ଡିନର୍ କରିବାକୁ ଯିବ କି?”

କଲ୍‌କୀ କୋଏଚ୍‌ଲୀନ୍ କହିଛନ୍ତି ଯେ “ଏତେ କଥା ଶୁଣିବା ପରେ ମୁଁ ବୁଝିଯାଇଥିଲି ଯେ ସେ କିଛି ଭୁଲ କରିବାକୁ ଚାହୁଁଛନ୍ତି। ତା’ପରେ ମୁଁ ତାଙ୍କୁ କହିଥିଲି, ଦେଖନ୍ତୁ, ମୁଁ ସେ ପ୍ରକାରର ଝିଅ ନୁହେଁ।”

ଅଭିନେତ୍ରୀ କହିଛନ୍ତି ଯେ “ଲୋକମାନେ ମୋ ବିଷୟରେ ସୋସିଆଲ ମିଡିଆରେ ବହୁତ କମେଣ୍ଟ କରୁଥିଲେ ଯେ ଅଧିକ ହସନ୍ତୁ ନାହିଁ, ତୁମର ଦାନ୍ତ ବହୁତ ବଡ। ମୋର ମନେ ଅଛି ଯେତେବେଳେ ମତେ ୩୬ ବର୍ଷ ହୋଇଥିଲା, ଜଣେ ମେକ୍‌ଅପ୍ କଳାକାର ମୋତେ କହିଥିଲେ ଯେ ସେ ମୋ ଆଖିରେ ଆଇଲାଇନର୍ ଲଗାଇ ପାରିବେ ନାହିଁ, କାରଣ ମୋ ଆଖି ପାଖରେ ବହୁତ କୁଞ୍ଚନ ଅଛି।