ଅମ୍ବାନୀ ପରିବାରର ବିବାହ ସମାରୋହରେ ଜଷ୍ଟିନ୍ ବିବର୍, ରିହାନାଙ୍କୁ ପଛରେ ପକାଇ ନେଲେ ସର୍ବାଧିକ ପାଉଣା

ନିଜର ବହୁ ଖର୍ଚ୍ଚ ଏବଂ ମହାନ ଇଭେଣ୍ଟ ପାଇଁ ପ୍ରସିଦ୍ଧ ଅମ୍ବାନୀ ପରିବାର ପୁଣି ଥରେ ଚର୍ଚ୍ଚାରେ ଅଛନ୍ତି। ଜୁଲାଇ ୧୨ରେ ଶିଳପତି ମୁକେଶ ଅମ୍ବାନୀଙ୍କ ପୁଅ ଅନନ୍ତ ଅମ୍ବାନୀ ଏବଂ ବ୍ୟବସାୟୀ ବିରେନ ମର୍ଚାଣ୍ଟଙ୍କ ଝିଅ ରାଧିକା ମର୍ଚାଣ୍ଟ ହାତରୁ ଦି’ ହାତ ହେବାକୁ ଯାଉଛନ୍ତି। ଏହି ବିବାହ ମୁମ୍ବାଇର ବାନ୍ଦ୍ରା-କୁର୍ଲା କମ୍ପ୍ଲେକ୍ସ (ବି.କେ.ସି) ର ଜିଓ ୱାର୍ଲ୍ଡ କନ୍‌ଭେନ୍‌ସନ୍ ସେଣ୍ଟରରେ ହେବ। ବିବାହ ସମାରୋହଟି ଖୁବ ବଡ ହେବ ବୋଲି ଆଶା କରାଯାଉଛି।

ଏହି ଯୋଡିଙ୍କର ପ୍ରଥମ ପ୍ରି-ୱେଡିଂ ଉତ୍ସବ ଚଳିତ ବର୍ଷ ମାର୍ଚ୍ଚରେ ଜାମନଗରରେ ଆୟୋଜିତ ହୋଇଥିଲା। ଏହା ଭାରତର ଅନେକ ବରିଷ୍ଠ ସେଲିବ୍ରିଟିଙ୍କୁ ଆକର୍ଷିତ କରିଥିଲା ​​ଏବଂ ସାରା ବିଶ୍ୱରେ ଚର୍ଚ୍ଚା ସୃଷ୍ଟି କରିଥିଲା। ଏହି ଉତ୍ସବ ଅମ୍ବାନୀ ପରିବାରର ଭବ୍ୟତାକୁ ବଢେଇ ଦେଇଥିଲା ଯାହା ପାଇଁ ସେ ଜଣାଶୁଣା।

ଏଥର ଅନ୍ୟାନ୍ୟ ସମାରୋହ ପରେ ଅନନ୍ତ ଏବଂ ରାଧିକାଙ୍କ ସଂଗୀତ ସମାରୋହ ଅନୁଷ୍ଠିତ ହୋଇଥିଲା। ଏଥିରେ ବଡ ବଡ ଅନ୍ତର୍ଜାତୀୟ ଗାୟକ-ଗାୟିକା ସାମିଲ୍ ହୋଇଥିଲେ। ଅନନ୍ତ ଏବଂ ରାଧିକାଙ୍କ ସଂଗୀତ ସମାରୋହରେ ଜଷ୍ଟିନ ବିବର କନସର୍ଟ ଦେଇଥିଲେ। ତେବେ ଆସନ୍ତୁ ଏଥିରେ ସାମିଲ ହୋଇଥିବା ଏହିସବୁ ଅନ୍ତର୍ଜାତୀୟ ଗାୟକ-ଗାୟିକା କେତେ ଫିସ୍ ନେଇଛନ୍ତି ଜାଣିବା।

ଜଷ୍ଟିନ ବିବର:

ଜଷ୍ଟିନ ବିବର

ରିପୋର୍ଟ ଅନୁଯାୟୀ, ସଂଗୀତ ସମାରୋହରେ ପରିବେଷଣ ପାଇଁ ଜଷ୍ଟିନ ବିବରଙ୍କୁ ୮୩ କୋଟି ଟଙ୍କା ପ୍ରଦାନ କରାଯାଇଛି। ଏହି ସମାରୋହରେ ତାଙ୍କର ଦମଦାର ପରଫର୍ମାନ୍ସଙ୍କୁ ଦର୍ଶକ ଖୁବ ଉପଭୋଗ କରିଥିଲେ।

ଶକୀରା:

ଶକୀରା

ଅନନ୍ତ ଏବଂ ରାଧିକାଙ୍କ ସଂଗୀତ ସମାରୋହରେ ଗ୍ଲୋବାଲ୍ ପପ୍ ସେନ୍ସେସନ ଶକୀରା ଦମଦାର ପ୍ରଦର୍ଶନ କରିଥିଲେ। ରିପୋର୍ଟ ଅନୁଯାୟୀ ତାଙ୍କ ତାଙ୍କ ପ୍ରଦର୍ଶନ ସେ ୧୫ କୋଟି ଟଙ୍କା ନେଇଛନ୍ତି ବୋଲି ଜଣାଯାଇଛି।

କ୍ୟାଟି ପେରୀ:

କ୍ୟାଟି ପେରୀ

ଏହି କାର୍ଯ୍ୟକ୍ରମରେ ଅନ୍ୟ ଜଣେ ଆନ୍ତର୍ଜାତୀୟ ସୁପରଷ୍ଟାର କ୍ୟାଟି ପେରୀଙ୍କୁ ଦେଖିବାକୁ ମିଳିଥିଲା। ସେ ତାଙ୍କ ପ୍ରଦର୍ଶନ ପାଇଁ ୧୨ କୋଟି ଟଙ୍କା ନେଇଛନ୍ତି ବୋଲି କୁହାଯାଉଛି।

ବ୍ୟାକ୍‌ଷ୍ଟ୍ରିଟ୍ ବୟସ୍:

ବ୍ୟାକ୍‌ଷ୍ଟ୍ରିଟ୍ ବୟସ୍

ଆମେରିକାର ପ୍ରସିଦ୍ଧ ବ୍ୟାଣ୍ଡ୍‌ ପାର୍ଟି ମଧ୍ୟ ଏହି ଇଭେଣ୍ଟ୍‌ରେ ସାମିଲ ଥିଲେ। ଏହି ବ୍ୟାଣ୍ଡ୍‌ ପାର୍ଟି ସେମାନଙ୍କ ପ୍ରଦର୍ଶନ ପାଇଁ ୭ କୋଟି ଟଙ୍କା ନେଇଥିବା ଜଣାଯାଏ।

ରିହାନା:

ରିହାନା

ରିହାନା ଏହା ପୂର୍ବରୁ ଜାମନଗରର ପ୍ରି-ୱେଡିଂ କାର୍ଯ୍ୟକ୍ରମରେ ଅଭିନୟ କରିଥିଲେ ଏବଂ ତାଙ୍କ ଅଭିନୟ ପାଇଁ ୭୪ କୋଟି ଟଙ୍କା ନେଇଥିବା ଜଣାଯାଏ।

ବିୟୋନ୍ସେ:

ବିୟୋନ୍ସେ

୨୦୧୯ରେ ଉଦୟପୁରରେ ଈଶା ଅମ୍ବାନୀ ଏବଂ ଆନନ୍ଦ ପିରାମଲଙ୍କ ସଂଗୀତ ସମାରୋହରେ ବିୟୋନ୍ସେ ଯୋଗ ଦେଇଥିଲେ ଏବଂ ତାଙ୍କର ଚମତ୍କାର ପ୍ରଦର୍ଶନ ସହିତ ସେ ମଞ୍ଚକୁ ଦୋହଲେଇ ଦେଇଥିଲେ। ଖବର ଅନୁଯାୟୀ ସେ ପ୍ରାୟ ୩୩ କୋଟି ଟଙ୍କା ନେଇଥିଲେ।

କ୍ରିସ୍ ମାର୍ଟିନ୍:

କ୍ରିସ୍ ମାର୍ଟିନ୍

ଆକାଶ ଅମ୍ବାନୀ ଏବଂ ଶ୍ଲୋକା ମେହେଟ୍ଟାଙ୍କ ପ୍ରି-ୱେଡିଂ ଉତ୍ସବରେ ଲୋକପ୍ରିୟ ଇଂରାଜୀ ଗାୟକ, ଗୀତିକାର ଏବଂ ସଂଗୀତଜ୍ଞ ଯୋଗ ଦେଇ ତାଙ୍କ ପ୍ରଦର୍ଶନ ପାଇଁ ୮ କୋଟି ଟଙ୍କା ନେଇଥିବା ଜଣାଯାଏ।

ମାରୁନ୍ ୫:

ମାରୁନ୍ ୫

ମୁମ୍ବାଇରେ ଆକାଶ ଅମ୍ବାନୀ ଏବଂ ଶ୍ଲୋକା ମେହେଟ୍ଟାଙ୍କ ମଙ୍ଗଳ ପର୍ବ ଇଭେଣ୍ଟରେ ତାଙ୍କର ଚମତ୍କାର ପ୍ରଦର୍ଶନ ପାଇଁ ୮ କୋଟି ଟଙ୍କା ନେଇଥିବ ଜଣାଯାଇଛି।

ଜନ୍ ଲିଜେଣ୍ଡ୍:

ଜନ୍ ଲିଜେଣ୍ଡ୍

ଇଟାଲୀର ଲେକ୍ କୋମୋରେ ଈଶା ଅମ୍ବାନୀ ଏବଂ ଆନନ୍ଦ ପିରାମଲଙ୍କ ବିବାହ ସମାରୋହରେ ଜନ୍ ଲିଜେଣ୍ଡ୍ ଏକ ଚମତ୍କାର ପ୍ରଦର୍ଶନ କରିଥିଲେ। ଯଦିଓ, ତାଙ୍କର ପ୍ରକୃତ ଫିସ୍ ପ୍ରକାଶ କରାଯାଇ ନାହିଁ, କିନ୍ତୁ ଏହି ପ୍ରସିଦ୍ଧ ଗାୟକ ସାଧାରଣତଃ ୮ ରୁ ୧୨ କୋଟି ଟଙ୍କା ଆଦାୟ କରନ୍ତି।