Independence Day 2023: ଏମିତି ଢଙ୍ଗରେ ସ୍ୱାଧୀନତା ଦିବସକୁ ପାଳନ କଲେ ବଲିଉଡ ତାରକା

ଆଜି ଅଗଷ୍ଟ ୧୫ରେ ଦେଶ ଏହାର ୭୭ତମ ସ୍ୱାଧୀନତା ଦିବସ ପାଳନ କରୁଛି। ଆଜି, ଆମେ ବ୍ରିଟିଶ ଶାସନରୁ ମୁକ୍ତି ହେବାର ୭୬ ବର୍ଷ ଅତିକ୍ରମ କରିଛୁ। ଆମକୁ ବ୍ରିଟିଶ ଶାସନରୁ ମୁକ୍ତି କରିଥିବା, ଆମର ସ୍ୱାଧୀନତା ସଂଗ୍ରାମୀମାନଙ୍କ ଦ୍ୱାରା ଦିଆଯାଇଥିବା ବଳିଦାନ, ସ୍ୱାଧୀନତାକୁ ପାଇବା ପାଇଁ ପ୍ରାଣ ହରାଇଥିବା ଲୋକମାନଙ୍କୁ ସମ୍ମାନ ଦେବାନେଇ ଏହି ଦିବସକୁ ପାଳନ କରାଯାଉଛି।

ଲୋକମାନେ ସାଂସ୍କୃତିକ କାର୍ଯ୍ୟକ୍ରମରେ ଅଂଶଗ୍ରହଣ କରି, ପତାକା ଉତ୍ତୋଳନ ସମାରୋହରେ ଯୋଗଦେଇ, ଗୁଡି ଉଡ଼ାଇ, ତ୍ରିରଙ୍ଗା ପୋଷାକ ପିନ୍ଧି ଏହି ଦିନକୁ ସ୍ମରଣ କରିଛନ୍ତି । ସେଲିବ୍ରେଟିମାନେ ମଧ୍ୟ ଏହି ସୁଯୋଗକୁ ହାତଛଡା କରି ନାହାନ୍ତି। ସେମାନେ ମଧ୍ୟ ଏହି ଦିନକୁ ସ୍ମରଣ କରି ସୋସିଆଲ୍ ମିଡିଆରେ ବିଭିନ୍ନ ଫଟୋ ଓ ଭିଡିଓ ପୋଷ୍ଟ କରିଛନ୍ତି। ଆଜି ସେଲିବ୍ରିଟିମାନେ କିପରି ସେମାନଙ୍କ ପ୍ରଶଂସକମାନଙ୍କୁ ସ୍ୱାଧୀନତା ଦିବସର କାମନା କରିଛନ୍ତି ତାହା ଦେଖିବା ପାଇଁ ସ୍କ୍ରୋଲ୍ କରନ୍ତୁ।

ଶିଳ୍ପା ଶେଟ୍ଟୀ ଇନଷ୍ଟାଗ୍ରାମରେ ପତାକା ଉତ୍ତୋଳନ କରୁଥିବା ଭିଡିଓ ପୋଷ୍ଟ କରି କ୍ୟାପ୍‌ସନ୍‌ରେ ଲେଖିଛନ୍ତି, "ବନ୍ଦେ ମାତରଂ"। ଏଥିରେ ଅଭିନେତ୍ରୀ ଏବଂ ତାଙ୍କ ପୁଅ ନିଜ ଘରେ ତ୍ରିରଙ୍ଗା ଉଡଉଥିବାର ଦେଖାଯାଏ।

ଆଲିଆ ଭଟ୍ଟ ତାଙ୍କ ଇନ୍‌ଷ୍ଟାଗ୍ରାମ୍‌ ଷ୍ଟୋରୀରେ ‘ସାରେ ଜାହାଁ ସେ ଆଛା’ର ବ୍ୟାକ୍‌ଗ୍ରାଉଣ୍ଡ୍ ଥିବା ଏକ ଭିଡିଓ ଶେୟାର କରି ତାଙ୍କ ପ୍ରଶଂସକମାନଙ୍କୁ ସ୍ୱାଧୀନତା ଦିବସର ଶୁଭେଚ୍ଛା ଜଣାଇଛନ୍ତି। ଏଥିରେ ସେ ପ୍ରକୃତିକୁ ନେଇ ତ୍ରିରଙ୍ଗାର ରୂପ ଦେଇଛନ୍ତି। ଆକାଶରେ ସୂର୍ଯ୍ୟ, ପର୍ବତ ଏବଂ ସବୁଜ ଭୂମିକୁ ନେଇ ସେ ତ୍ରିରଙ୍ଗାକୁ ସଜେଇଛନ୍ତି।

କରୀନା କପୁର ୭୭ ତମ ସ୍ୱାଧୀନତା ଦିବସକୁ ସ୍ମରଣ କରିବା ନେଇ ଭାରତୀୟ ତ୍ରିରଙ୍ଗା ଫଟୋ ପୋଷ୍ଟ କରି କ୍ୟାପ୍‌ସନ୍‌ରେ ଲେଖିଛନ୍ତି, "ଶୁଭ ସ୍ୱାଧୀନତା ଦିବସ"। ସେହିପରି ଅନୁଷ୍କା ଶର୍ମା ତାଙ୍କ ଅନୁଗାମୀମାନଙ୍କୁ ବନ୍ଦେ ମାତରଂ ମେଲୋଡି ଟ୍ୟୁନ୍‌ର ଏକ କ୍ଲିପ୍ ପୋଷ୍ଟ କରି ସ୍ୱାଧୀନତା ଦିବସର ଶୁଭେଚ୍ଛା ଜଣାଇଛନ୍ତି।

କିଆରା ଆଡଭାନୀ ବିଏସ୍‌ଏଫ୍‌ ସହିତ ନିଜର ଏକ ଭିଡିଓ ଶେୟାର କରି ସ୍ୱାଧୀନତା ଦିବସକୁ ପାଳନ କରିଛନ୍ତି। “ମୋର ସାଥୀ ଦେଶବାସୀ ସ୍ୱାଧୀନତା ଦିବସର ଶୁଭେଚ୍ଛା। ପ୍ରତିବର୍ଷ ଆମ ହୃଦୟ ଗର୍ବର ସହିତ ଭାରତର ସମସ୍ତ ବୀର ହୃଦୟକୁ ମନେ ପକାଉଥିବାବେଳେ ଏହି ବର୍ଷ ମୋର ଅଭିଜ୍ଞତା ବ୍ୟକ୍ତିଗତ ଥିଲା ଏବଂ ମୁଁ ଏହାକୁ ଚିରଦିନ ପାଇଁ ମନେ ରଖିବି” ବୋଲି ସେ ଏହି କ୍ଲିପ୍‌ରେ କ୍ୟାପ୍‌ସନ୍ ଦେଇଛନ୍ତି।

ଅନୁପମ ଖେର ଭାରତୀୟ ଜାତୀୟ ପତାକାର ଏକ ଭିଡିଓ ପୋଷ୍ଟ କରି ତ୍ରିରଙ୍ଗାର ଇତିହାସ ବର୍ଣ୍ଣନା କରିଛନ୍ତି। ସେ ଟ୍ୱିଟ୍ କରି ଲେଖିଛନ୍ତି, "ମୁଁ ତ୍ରିରଙ୍ଗା... ମୁଁ ପ୍ରାୟତଃ ଭାବେ ଯେ ଯଦି ଆମ ତ୍ରିରଙ୍ଗା ଦେଶବାସୀଙ୍କୁ ନିଜର ଭାବନା ପ୍ରକାଶ କରିବାର ସୁଯୋଗ ପାଏ, ତେବେ ତ୍ରିରଙ୍ଗା ଆମକୁ କ’ଣ କହିବ?... ସବୁ ଭାରତୀୟମାନଙ୍କୁ ସ୍ୱାଧୀନତା ଦିବସର ଶୁଭେଚ୍ଛା।”

ମଲାଇକା ଅରୋରା ତାଙ୍କ ଇନଷ୍ଟାଗ୍ରାମ ଷ୍ଟୋତୀରେ ଭାରତୀୟ ତ୍ରିରଙ୍ଗାର ଏକ ଫଟୋ ଶେୟାର କରି ସ୍ୱାଧୀନତା ଦିବସର ଶୁଭେଚ୍ଛା ଜଣେଇଛନ୍ତି।

ସେହିପରି ଅନନ୍ୟା ପାଣ୍ଡେ ଇନଷ୍ଟାଗ୍ରାମରେ ବନ୍ଦେ ମାତରଂ ଗୀତ ସହିତ ଏକ ଭିଡିଓ ଶେୟାର କରିଛନ୍ତି। ଏଥିରେ "ସ୍ୱତନ୍ତ୍ରତା ଦିବସର ହାର୍ଦ୍ଦିକ ଶୁବକାମନା। ଜୟ ହିନ୍ଦ" ଲେଖାଅଛି।

ଦୀପିକା ପାଦୁକୋନ, ହ୍ରିତିକ ରୋଶନ ଏବଂ ଅନିଲ କପୁର ମଧ୍ୟ ୭୭ତମ ସ୍ୱାଧୀନତା ଦିବସକୁ ଏକ ବିଶେଷ ଢଙ୍ଗରେ ପାଳନ କରିଥିଲେ। ସ୍ୱାଧୀନତା ଦିବସ ପାଳନ କରିବାକୁ, ସେମାନେ ଫିଲ୍ମ ‘ଫାଇଟର’ର ଟିଜର ରିଲିଜ କରିଛନ୍ତି ଏବଂ ପ୍ରଶଂସକମାନଙ୍କୁ "ସ୍ୱାଧୀନତା ଦିବସ" ଶୁଭେଚ୍ଛା ଜଣାଇଛନ୍ତି। ସିଦ୍ଧାର୍ଥ ଆନନ୍ଦଙ୍କ ଏହି ଚଳଚ୍ଚିତ୍ର ୨୫ ଜାନୁୟାରୀ ୨୦୨୪ ରେ ମୁକ୍ତିଲାଭ କରିବ।

ରବୀନା ଟଣ୍ଡନ୍ ଟ୍ୱିଟରରେ ନିଜର ଏକ ଫଟୋ ଟ୍ୱିଟ୍ କରି ଲେଖିଛନ୍ତି, "ଦିଲ୍ ହେ ହିନ୍ଦୁସ୍ତାନୀ।" ଫଟୋରେ ରବୀନା ଏକ ହଳଦିଆ ରଙ୍ଗର ପୋଷାକ ପରିଧାନ କରି ଅଭିବାଦନ କରୁଥିବା ପୋଜ୍ ଦେଇଛନ୍ତି।