ସଞ୍ଜୟ ଲୀଲା ଭନ୍‌ସାଲୀଙ୍କ ଡ୍ରିମ୍ ପ୍ରୋଜେକ୍ଟ 'ହୀରା ମଣ୍ଡି'ର ପ୍ରଥମ ପୋଷ୍ଟର ରିଲିଜ୍

ମୁମ୍ବାଇ: ବଲିଉଡକୁ ସୁପରହିଟ୍ ଫିଲ୍ମ ଦେଇଥିବା ପ୍ରସିଦ୍ଧ ଚଳଚ୍ଚିତ୍ର ନିର୍ମାତାଙ୍କ ମଧ୍ୟରେ ସଞ୍ଜୟ ଲୀଲା ଭନସାଲୀ ଅନ୍ୟତମ। ଭନ୍‌ସାଲୀ ବଲିଉଡ୍‌କୁ 'ଦେବଦାସ', 'ବାଜିରାଓ ମସ୍ତାନୀ' ଓ 'ପଦ୍ମାବତ' ଭଳି ସୁପରହିଟ୍ ଚଳଚ୍ଚିତ୍ର ଦେବା ପରେ ସେ ଏବେ ଓଟିଟି ଡେବ୍ୟୁ ଆରମ୍ଭ କରୁଛନ୍ତି। ନିର୍ଦ୍ଦେଶକ ତାଙ୍କର ପରବର୍ତ୍ତୀ ପ୍ରୋଜେକ୍ଟ ପାଇଁ ନେଟ୍‌ଫ୍ଲିକ୍ସ ସହିତ ହାତ ମିଳାଇଛନ୍ତି। ନିକଟରେ ସେ ବଲିଉଡ୍‌ରେ ୨୫ ବର୍ଷ ପୂରଣ କରିଥିଲେ। ଭନ୍‌ସାଲୀ ବର୍ତ୍ତମାନ ତାଙ୍କ ଡ୍ରିମ୍ ପ୍ରୋଜେକ୍ଟ 'ହୀରା ମଣ୍ଡି'ରେ ବ୍ୟସ୍ତ ଅଛନ୍ତି। ନିକଟରେ ସେ ଏହାର ପ୍ରଥମ ପୋଷ୍ଟର ମଧ୍ୟ ରିଲିଜ୍ କରିଛନ୍ତି।

ହିନ୍ଦୁସ୍ତାନ ଟାଇମ୍ସ ଅନୁଯାୟୀ ଭନ୍‌ସାଲୀଙ୍କ ଡେବ୍ୟୁ ୱେବ୍ ସିରିଜ୍ 'ହେରା ମାଣ୍ଡି'ରେ ଋଚା ଚଡ୍ଡା କାମ କରିବାକୁ ଯାଉଛନ୍ତି। ନିକଟରେ ଏହି ପ୍ରୋଜେକ୍ଟକୁ ନେଇ ସଂପର୍କରେ ଚଡ୍ଡା ସଞ୍ଜୟ ଲୀଲା ଭନ୍‌ସାଲୀଙ୍କ ସହିତ ସାକ୍ଷାତ କରିଥିଲେ। ଏହାକୁ ଭନ୍‌ସାଲୀଙ୍କ ସ୍ୱପ୍ନର ପ୍ରୋଜେକ୍ଟ କୁହାଯାଉଛି, ଯାହା ସେ ଗତ ୧୨ ବର୍ଷ ଧରି ସଂପୂର୍ଣ୍ଣ କରିବାକୁ ଚେଷ୍ଟା କରୁଛନ୍ତି। ପ୍ରେମ, ପ୍ରତାରଣା, ଉତ୍ତରାଧିକାରୀ ଏବଂ ରାଜନୀତିର ପ୍ରତ୍ୟେକ ଦିଗ ଏହି ୱେବ୍ ସିରିଜ୍‌ରେ ପ୍ରଦର୍ଶିତ ହେବ। ଭନ୍‌ସାଲୀ ଏହି ଫିଲ୍ମକୁ ଏପର୍ଯ୍ୟନ୍ତ ତାଙ୍କ କ୍ୟାରିୟର ଭିତରେ ଏକ ମାଇଲଖୁଣ୍ଟ ବୋଲି ବିବେଚନା କରନ୍ତି।

ଏହି ସିରିଜ୍‌କୁ ନେଇ ସଞ୍ଜୟ ଲୀଲା ଭନ୍‌ସାଲୀ କୁହନ୍ତି ଯେ “ଏହା ଏକ ମହାକାବ୍ୟ, ଯାହା ଲାହୋରର ଦରବାରୀ ଉପରେ ଆଧାରିତ ପ୍ରଥମ ସିରିଜ୍। ମୁଁ ଏହାକୁ ପ୍ରସ୍ତୁତ କରିବାକୁ ବହୁତ ନର୍ଭସ୍ ଅଛି ତା’ ସହିତ ଉତ୍ସାହିତ ମଧ୍ୟ। ମୁଁ ନେଟ୍‌ଫ୍ଲିକ୍ସ ସହିତ ମୋର ସହଭାଗୀତା ଏବଂ ହୀରା ମଣ୍ଡିଙ୍କୁ ସାରା ବିଶ୍ୱରେ ଦର୍ଶକଙ୍କ ପାଖକୁ ଆଣିବା ପାଇଁ ଉତ୍ସାହିତ ଅଛି।” ଭନ୍‌ସାଲୀଙ୍କ ଏହି ପ୍ରୋଜେକ୍ଟକୁ ନେଇ ଏକ ସୂତ୍ର କହିଛି ଯେ' ଏହି ୱେବ୍ ସିରିଜ୍ ଭନସାଲୀଙ୍କ ତତ୍ତ୍ୱାବଧାନରେ ପ୍ରସ୍ତୁତ ହେବ ଏବଂ ସେ ପ୍ରାରମ୍ଭରେ କିଛି ଏପିସୋଡ୍‌ଗୁଡିକୁ ନିଜେ ନିର୍ଦ୍ଦେଶନା ଦେବେ। କିନ୍ତୁ ପରବର୍ତ୍ତୀ ଏପିସୋଡ୍‌ଗୁଡିକ ଅନ୍ୟ ନିର୍ଦ୍ଦେଶକଙ୍କ ଦ୍ୱାରା ନିର୍ଦ୍ଦେଶିତ ହେବ।

ମିଡିଆ ରିପୋର୍ଟ ଅନୁଯାୟୀ, ଏହି ୱେବ୍ ସିରିଜରେ ଉଭୟ ହୁମା କୁରେଶି ଏବଂ ସୋନାକ୍ଷୀ ସିହ୍ନା ସେକ୍ସ କର୍ମୀ ଭୂମିକାରେ ଅଭିନୟ କରିବେ। ଏହାର କାହାଣୀ ଭାରତ ଏବଂ ପାକିସ୍ଥାନ ବିଭାଜନ ସମୟରେ ବେଶ୍ୟାମାନଙ୍କ ଜୀବନ ଏବଂ ସେମାନଙ୍କ ଧନୀ ଗ୍ରାହକଙ୍କ ଜୀବନ ଉପରେ ଆଧାରିତ। ସେମାନଙ୍କ ବ୍ୟତୀତ ଏଥିରେ ଆହୁରି ଅନେକ କଳାକାର ମଧ୍ୟ ଅଭିନୟ କରିବେ।