Astrospeak
  • Live TV
  • Read In English

ବଲିଉଡ୍‌ରୁ ଦୂରରେ ରହି ବି କୋଟି କୋଟି କମଉଛନ୍ତି ଗୋବିନ୍ଦା

ବଲିଉଡ୍‌ରୁ ଦୂରରେ ରହି ମଧ୍ୟ କୋଟି କୋଟି ଟଙ୍କା ରୋଜଗାର କରୁଛନ୍ତି ଗୋବିନ୍ଦା। ସେ ଅନେକ ରିଅଲ୍ ଇଷ୍ଟେଟ୍ ପ୍ରୋଜେକ୍ଟରେ ତାଙ୍କ ଅର୍ଥ ବିନିଯୋଗ କରିଛନ୍ତି । ଏହା ବ୍ୟତୀତ, ସେ ବ୍ରାଣ୍ଡ୍‌ ଏଣ୍ଡୋର୍ସମେଣ୍ଟରୁ ଭଲ ଟଙ୍କା ମଧ୍ୟ ରୋଜଗାର କରନ୍ତି ।

Govinda
କୋଟି କୋଟି କମଉଛନ୍ତି ଗୋବିନ୍ଦା

News Summary

ବଲିଉଡ୍‌ରୁ ଦୂରରେ ଗୋବିନ୍ଦା।

ତଥାପି କୋଟି କୋଟି ରୋଜଗାର।

ବିଭିନ୍ନ ବିଜ୍ଞାପନରୁ ଆସୁଛି ଟଙ୍କା।

ନୂଆଦିଲ୍ଲୀ: ସମୟ ଥିଲା ଯେତେବେଳେ ଗୋବିନ୍ଦାଙ୍କ ନାମରେ ଚଳଚ୍ଚିତ୍ର ଚାଲୁଥିଲା। ଯେତେବେଳେ ସମୟ ସହିତ ସବୁକିଛି ବଦଳିଗଲା, ଗୋବିନ୍ଦା ପଛରେ ରହିଗଲେ। ଆଜି ଯେତେବେଳେ ତାଙ୍କ ସମୟର ସାଥୀମାନେ ଚଳଚ୍ଚିତ୍ରରେ ନିଜର ନାମ କମେଇ ପାରୁଛନ୍ତି, ସେତେବେଳେ ଗୋବିନ୍ଦା ଚଳଚ୍ଚିତ୍ରଠାରୁ ଦୂରରେ ଅଛନ୍ତି। ଯଦିଓ, ସେ କିଛି ଚଳଚ୍ଚିତ୍ରରେ ମଧ୍ୟ ଅଭିନୟ କରିଥିଲେ, କିନ୍ତୁ ପୂର୍ବ ପରି ଦର୍ଶକଙ୍କ ଉପରେ ପୂର୍ବ ଭଳି ଯାଦୁ ପକାଇ ପାରି ନ ଥିଲେ। ସେ ହୁଏତ ଆଜି ତାଙ୍କ ସାଥୀମାନଙ୍କ ପରି ସଫଳ ହୋଇପାରି ନାହାନ୍ତି କିନ୍ତୁ ଏହା ତାଙ୍କର ରୋଜଗାରକୁ ହ୍ରାସ କରି ନାହିଁ। ବଲିଉଡର ଏହି ରୋମାଣ୍ଟିକ୍ ଅଭିନେତା ଆଜି ବି କୋଟି ଟଙ୍କା ରୋଜଗାର କରୁଛନ୍ତି।

ଏହି ପ୍ରଶ୍ନ ଗୋବିନ୍ଦାଙ୍କ ପ୍ରଶଂସକଙ୍କ ମନରେ ନିଶ୍ଚୟ ଆସିଛି ଯେ ଯଦି ସେ ଚଳଚ୍ଚିତ୍ରଠାରୁ ଦୂରରେ ଅଛନ୍ତି, ତେବେ ସେ କିପରି କୋଟି କୋଟି ଟଙ୍କା ରୋଜଗାର କରୁଛନ୍ତି। ଗୋବିନ୍ଦା ହୁଏତ ବଲିଉଡ୍‌ରେ ତାଙ୍କର ଦ୍ୱିତୀୟ ଇନିଂସରେ ସଫଳ ହୋଇ ନାହାନ୍ତି, କିନ୍ତୁ ଏହା ତାଙ୍କ ପ୍ରଶଂସକଙ୍କୁ ହ୍ରାସ କରି ନାହିଁ। ଆଜି ବି ଲକ୍ଷ ଲକ୍ଷ ଲୋକ ତାଙ୍କୁ ଅନୁସରଣ କରୁଛନ୍ତି। ଏହି କାରଣରୁ ସେ ଅନେକ ପ୍ରକାରର ବିଜ୍ଞାପନ ଏବଂ ଡ୍ୟାନ୍ସ ରିଆଲିଟି ସୋ’ରେ ଦେଖାଯାଉଛନ୍ତି। ସେ ଯୁଆଡେ ବି ଯାଆନ୍ତି ତାଙ୍କ ଚାରିପଟେ ପ୍ରବଳ ଜନସମାଗମ ହୋଇଯାଏ।

ସୂଚନା ଅନୁଯାୟୀ, ଗୋବିନ୍ଦାଙ୍କର ତିନୋଟି ବଙ୍ଗଳା ଅଛି, ଯାହା ମୁମ୍ବାଇ ଏବଂ ଏହାର ଆଖପାଖରେ ରହିଛି। ସେ ବର୍ଷକୁ ୧୬ କୋଟିରୁ ଅଧିକ ଟଙ୍କା ରୋଜଗାର କରନ୍ତି। ସେ ତାଙ୍କ ପରିବାର ସହିତ ଜୁହୁରେ ଥିବା ତାଙ୍କ ବଙ୍ଗଳାରେ ରୁହନ୍ତି। ଏହା ବ୍ୟତୀତ ତାଙ୍କର ମର୍ସିଡିଜ୍ ବେଞ୍ଜ୍ ପରି ମହଙ୍ଗା କାର୍ ଅଛି। ଅଭିନେତାଙ୍କ ମୋଟ୍‌ ସମ୍ପତ୍ତିର ମୂଲ୍ୟ ପ୍ରାୟ ୧୫୧ କୋଟି ଟଙ୍କା ହେବ ବୋଲି କୁହାଯାଉଛି। ଗୋବିନ୍ଦା ଅନେକ ରିଅଲ୍ ଇଷ୍ଟେଟ୍ ପ୍ରୋଜେକ୍ଟରେ ତାଙ୍କ ଅର୍ଥ ବିନିଯୋଗ କରିଛନ୍ତି । ଏହା ବ୍ୟତୀତ, ସେ ବ୍ରାଣ୍ଡ୍‌ ଏଣ୍ଡୋର୍ସମେଣ୍ଟରୁ ଭଲ ଟଙ୍କା ମଧ୍ୟ ରୋଜଗାର କରନ୍ତି । ସେ ବିଭିନ୍ନ ପ୍ରକାର ବିଜ୍ଞାପନରେ ମଧ୍ୟ କାମ କରନ୍ତି। ଏହା ମାଧ୍ୟମରେ ସେ ମଧ୍ୟ  କୋଟି କୋଟି ଟଙ୍କା କମେଇ ପାରନ୍ତି।

ପ୍ରକାଶଥାଉ ଯେ ତାଙ୍କ କ୍ୟାରିୟର ଆରମ୍ଭରେ ଗୋବିନ୍ଦା ଏକ ଆକ୍ସନ୍ ଏବଂ ଡ୍ୟାନ୍ସ ହିରୋ ଭାବରେ ଜଣାଶୁଣା ଥିଲେ। ପରେ ସେ କମେଡି ଦୁନିଆକୁ ପ୍ରବେଶ କରିଥିଲେ, ଯେଉଁଥିରେ ସେ ବହୁତ ସଫଳ ମଧ୍ୟ ହୋଇଥିଲେ। ସେ 'କୁଲି ନମ୍ବର ୧' , 'ରାଜା ବାବୁ' ଏବଂ 'ହିରୋ ନମ୍ବର ୧' ଭଳି ଅନେକ ସଫଳ ଚଳଚ୍ଚିତ୍ରରେ ନିଜର ଅଭିନୟର ଯାଦୁ ଦେଖେଇଛନ୍ତି।