ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରିର ପ୍ରସିଦ୍ଧ ଅଭିନେତା ଅଲୁ ଅର୍ଜୁନ ଅତୀତରେ ତାଙ୍କ ଚଳଚ୍ଚିତ୍ର ପୁଷ୍ପା ପାଇଁ ଦିନେ ଚର୍ଚ୍ଚାରେ ଥିଲେ। ଏହି ଅଭିନେତାଙ୍କ ଏହି ଫିଲ୍ମ ସାରା ଦେଶରେ ପ୍ରଶଂସିତ ହୋଇଥିଲା। ଏହି ଚଳଚ୍ଚିତ୍ରରେ ଆଲୁଙ୍କ ଅଭିନୟ ଏବଂ ଦମଦାର ଡ୍ୟାନ୍ସ ମୁଭ୍ସ୍ ସମସ୍ତଙ୍କୁ ଆକର୍ଷଣ କରିଥିଲା। ତେବେ ଚଳଚ୍ଚିତ୍ରର ପ୍ରଥମ ଭାଗର ସଫଳତା ପରେ, ପ୍ରଶଂସକମାନେ ଉତ୍ସାହର ସହିତ ଏହାର ଦ୍ୱିତୀୟ ଭାଗକୁ ଅପେକ୍ଷା କରିଛନ୍ତି। ଠିକ୍ ଏତିକି ବେଳେ ତାଙ୍କ ସହ ଜଡିତ ଏକ ବଡ ଖବର ସାମ୍ନାକୁ ଆସିଛି।
ଗଣମାଧ୍ୟମ ରିପୋର୍ଟ ଅନୁଯାୟୀ, ଏକ ଶିକ୍ଷାନୁଷ୍ଠାନକୁ ସମର୍ଥନ କରି ଏହି ସାଉଥ୍ ସୁପରଷ୍ଟାର ସମାଲୋଚନାର ଶିକାର ହୋଇଛନ୍ତି। ସାମାଜିକ କାର୍ଯ୍ୟକର୍ତ୍ତା କୋଠା ଉପେନ୍ଦ୍ର ରେଡ୍ଡୀ ଦାବି କରିଛନ୍ତି ଯେ ଅନୁଷ୍ଠାନର ସ୍ୱତନ୍ତ୍ର ବିଜ୍ଞାପନ, ଯେଉଁଥିରେ ଆଲୁ ଅର୍ଜୁନଙ୍କ ଚେହେରା ବ୍ୟବହାର କରାଯାଇଥିଲା, ତାହା ବିଭ୍ରାନ୍ତିକର ଏବଂ ମିଥ୍ୟା ତଥ୍ୟ ଦେଉଛି। ଏଭଳି ପରିସ୍ଥିତିରେ ସାମାଜିକ କର୍ମୀ ଏଭଳି ବିଭ୍ରାନ୍ତିକର ବିଜ୍ଞାପନ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି।
ବିଜ୍ଞାପନରେ ଆସିବା ଏବଂ ଶ୍ରୀ ଚୈତନ୍ୟ ଶିକ୍ଷାନୁଷ୍ଠାନ ବିରୁଦ୍ଧରେ ମିଥ୍ୟା ତଥ୍ୟ ପ୍ରଦାନ କରିଥିବାରୁ ସେ ଅଲୁ ଅର୍ଜୁନଙ୍କ ବିରୋଧରେ ଅମ୍ବରପେଟ ପୋଲିସ ପାଖରେ ଅଭିଯୋଗ କରିଛନ୍ତି। କୋଠା ଉପେନ୍ଦ୍ର ରେଡ୍ଡୀ ମଧ୍ୟ କହିଛନ୍ତି ଯେ ଲୋକଙ୍କୁ ପ୍ରତାରଣା କରି ଅଲୁ ଅର୍ଜୁନ ଏବଂ ଶ୍ରୀ ଚୈତନ୍ୟ ଶିକ୍ଷାନୁଷ୍ଠାନ ଉପରେ କାର୍ଯ୍ୟାନୁଷ୍ଠାନ ହେଉ। ତେବେ ବିଜ୍ଞାପନ ପାଇଁ ଏହି ଅଭିନେତା ସମାଲୋଚନାର ଶିକାର ହେବା ପ୍ରଥମ ଘଟଣା ନୁହେଁ।
ଏହାପୂର୍ବରୁ, ଅଲୁ ଅର୍ଜୁନ ଏକ ଫୁଡ୍ ଡେଲିଭରୀ ଆପ୍ ମାର୍କେଟିଂ ପାଇଁ ସମାଲୋଚନାର ସମ୍ମୁଖୀନ ହୋଇଥିଲେ। କେବଳ ଏତିକି ନୁହେଁ ସରକାରୀ ପରିବହନ ସେବାକୁ ଅବମାନନା କରି ଏକ ବାଇକ୍ ଆପ୍କୁ ପ୍ରୋତ୍ସାହନ କରିବା ମାମଲାରେ ତାଙ୍କୁ ଚେତାବନୀ ମଧ୍ୟ ଦିଆଯାଇଛି।
କାମର କଥା କହିଲେ ସାଉଥ୍ ସୁପର୍ଷ୍ଟାର୍ଙ୍କୁ ତାଙ୍କ ଫିଲ୍ମ ‘ପୁଷ୍ପା ଦି ରାଇଜ’ରେ ଶେଷ ଥର ପାଇଁ ଦେଖିବାକୁ ମିଳିଥିଲା। ଅନ୍ୟପକ୍ଷରେ, ତାଙ୍କର ଆଗାମୀ ଚଳଚ୍ଚିତ୍ର ବିଷୟରେ କହିବାକୁ ଗଲେ ଆଲୁ ଅର୍ଜୁନ ଖୁବ୍ ଶୀଘ୍ର ଏହି ଫିଲ୍ମର ଦ୍ୱିତୀୟ ଭାଗ ‘ପୁଷ୍ପା: ଦି ରୁଲ୍’ ପାଇଁ ସୁଟିଂ ଆରମ୍ଭ କରିବେ। ଏହା ବ୍ୟତୀତ ତାଙ୍କ ହାତରେ ବେଣୁ ଶ୍ରୀରାମଙ୍କ ସହ ଆଇକନ୍ ଏବଂ କୋରାଟାଲା ଶିବ, ଆର୍ ମୁରୁଗାଦାସ୍, ବୋୟାପତି ଶ୍ରୀନୁ ଏବଂ ପ୍ରଶାନ୍ତ ନୀଲଙ୍କ ସହିତ ମଧ୍ୟ ଫିଲ୍ମ ଅଛି।