ଆମେରିକାରେ ରେକର୍ଡ କରୁଛି 'କଲ୍‌କୀ ୨୮୯୮ ଏଡି'; ଏବେଠୁ କଲାଣି ଏତେ ରୋଜଗାର

ଫିଲ୍ମ 'କଲ୍‌କୀ ୨୮୯୮ ଏଡି'କୁ ନେଇ ଉତ୍ତର ଆମେରିକାରେ ଅତ୍ୟଧିକ ଉତ୍ସାହ ଦେଖିବାକୁ ମିଳୁଛି। ପ୍ରି-ବୁକିଂ ଦୃଷ୍ଟିରୁ ଫିଲ୍ମ ପ୍ରତିଦିନ ନୂଆ ରେକର୍ଡ ସୃଷ୍ଟି କରୁଛି। ନିକଟରେ ଖବର ଆସିଛି ​​ଯେ ଏହି ଫିଲ୍ମ ଉତ୍ତର ଆମେରିକାରେ ରିଲିଜ୍ ହେବା ପୂର୍ବରୁ ମୋଟା ଅଙ୍କର ରୋଜଗାର କରିସାରିଲାଣି।

ତାଜା ଖବର ହେଉଛି ଯେ 'କଲ୍‌କୀ ୨୮୯୮ ଏଡି' ବର୍ତ୍ତମାନ ଉତ୍ତର ଆମେରିକାରେ ୨.୫ ମିଲିୟନ୍ ଡଲାରରୁ ଅଧିକ (ଭାରତୀୟ ମୁଦ୍ରାରେ ୨୦.୮୯ କୋଟି ଟଙ୍କା) ଆୟ କରିଛି। ଏହି ଆକଳନରୁ ଏହା ସ୍ପଷ୍ଟ ଯେ ସେଠାରେ ଫିଲ୍ମ ଟିକେଟ୍ ଖୁବ୍ ବିକ୍ରି ହେଉଛି ଏବଂ ଦର୍ଶକମାନେ ଏହି ସାଇନ୍ସ-ଫିକ୍ସନ୍ ଚଳଚ୍ଚିତ୍ର ଦେଖିବାକୁ ବହୁତ ଆଗ୍ରହୀ। ଏହି ପ୍ରି-ବୁକିଂ ଫିଗରକୁ ନେଇ ଫିଲ୍ମର ନିର୍ମାତା ମଧ୍ୟ ବହୁତ ଉତ୍ସାହିତ ଅଛନ୍ତି।

ଶୁକ୍ରବାର (ଜୁନ୍ ୨୧), 'କଲ୍‌କୀ ୨୮୯୮ ଏଡି'ର ଦ୍ୱିତୀୟ ଟ୍ରେଲର ରିଲିଜ୍ ହୋଇଥିଲା, ଯାହାକୁ ଲୋକମାନେ ବହୁତ ପସନ୍ଦ କରନଛନ୍ତି। ନୂଆ ଟ୍ରେଲରରେ ମାଳଭିକା ନାୟାରଙ୍କୁ ମଧ୍ୟ ଦେଖିବାକୁ ମିଳିଥିଲା। ତାଙ୍କ ଚରିତ୍ରକୁ ନେଇ କୁହାଯାଉଛି ଯେ ସେ ମହାଭାରତର ଉତ୍ତରା ଭୂମିକାରେ ଅଭିନୟ କରୁଛନ୍ତି। ଫିଲ୍ମ ରିଲିଜ୍ ହେବାକୁ ବହୁତ କମ୍ ଦିନ ବାକି ଅଛି। ଏହି ଫିଲ୍ମ ୨୭ ଜୁନ୍ ୨୦୨୪ରେ ମୁକ୍ତିଲାଭ କରିବ।

ଫିଲ୍ମ 'କଲ୍‌କୀ ୨୮୯୮ ଏଡି'ରେ ପ୍ରଭାସ, ଦୀପିକା ପାଦୁକୋନ୍, ଅମିତାଭ ବଚ୍ଚନ, ଦିଶା ପାଟନୀ ଏବଂ କମଲ ହାସନଙ୍କୁ ଦେଖିବାକୁ ମିଳିବ। ଅନ୍ୟାନ୍ୟ କଳାକାରମାନଙ୍କ ମଧ୍ୟରେ ଶ୍ରୀନାଲ ଠାକୁର, ମାଳଭିକା ନାୟର, ଶୋଭନା, ପଶୁପତି, ରାଜେନ୍ଦ୍ର ପ୍ରସାଦ, ଆନ୍ନା ବେନ୍ ଏବଂ ବ୍ରାହ୍ମାନନ୍ଦମ ମଧ୍ୟ ଅଛନ୍ତି। ଏହାର ବୈଜୟନ୍ତୀ ମୁଭିଜ୍ ଦ୍ୱାରା ହୋଇଛି। ଏହାର ସଙ୍ଗୀତ ସନ୍ତୋଷ ନାରାୟଣନଙ୍କ ଦ୍ୱାରା ରଚିତ। ଚଳଚ୍ଚିତ୍ରର ସମୟ ହେଉଛି ୩ ଘଣ୍ଟା ୫୬ ସେକେଣ୍ଡ।