ମନୋରଂଜନ ଜଗତରେ ପୁଣି ଶୋକ; ଚାଲିଗଲେ ଏହି ପ୍ରସିଦ୍ଧ ସିଙ୍ଗର୍

ହରିୟାଣାର ପ୍ରସିଦ୍ଧ ଗାୟକ ରାଜୁ ପଞ୍ଜାବୀଙ୍କ ମଙ୍ଗଳବାର ସକାଳେ ଦେହାନ୍ତ ହୋଇଛି। ଦୀର୍ଘ ଦିନ ଧରି ଅସୁସ୍ଥ ଥିବା ରାଜୁଙ୍କୁ ହିସାରର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସୂଚନା ଅନୁଯାୟୀ, ଗାୟକ ସକାଳ ପ୍ରାୟ ୪ଟା ସମୟରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ତାଙ୍କ ଦେହାନ୍ତ ଖବର ମନୋରଞ୍ଜନ ଜଗତରେ ସମସ୍ତଙ୍କୁ ସ୍ତବ୍ଦ କରିଦେଇଛି।

ହରିୟାଣୀ ଗାୟକ ରାଜୁ ପଞ୍ଜାବୀଙ୍କୁ ମୃତ୍ୟୁ ୪୦ ବର୍ଷ ବୟସ ହୋଇଥିଲା। ଜଣ୍ଡିସ କାରଣରୁ ତାଙ୍କୁ ପ୍ରାୟ ୧୦ ଦିନ ହସ୍ପିଟାଲରେ ଭର୍ତ୍ତି କରାଯାଇଥିଲା। କୁହାଯାଉଛି ଯେ ତାଙ୍କ ଯକୃତ ଏବଂ ଫୁସ୍‌ଫୁସ୍‌ରେ ସଂକ୍ରମଣ ହୋଇଥିଲା, ଯେଉଁ କାରଣରୁ ତାଙ୍କ ଅବସ୍ଥା କ୍ରମାଗତ ଭାବରେ ଖରାପ ହେଉଥିଲା। ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା କିନ୍ତୁ ମଙ୍ଗଳବାର ସକାଳେ ସେ ସମସ୍ତଙ୍କ ଠାରୁ ବିଦାୟ ନେଇଛନ୍ତି।

ରାଜୁଙ୍କ ହଠାତ୍ ମୃତ୍ୟୁ ଖବର ତାଙ୍କ ପ୍ରଶଂସକଙ୍କୁ ନିରାଶ କରିଛି। ହରିୟାଣା ସଙ୍ଗୀତ ଶିଳ୍ପରେ ଶୋକର ଲହରୀ ଖେଳିଯାଇଛି ଏବଂ ରାଜୁଙ୍କ ମୃତ୍ୟୁରେ ସେଲିବ୍ରେଟିମାନେ ସେମାନଙ୍କ ଶୋକ ପ୍ରକାଶ କରୁଛନ୍ତି। ରାଜୁଙ୍କ ଅନ୍ତିମ ସଂସ୍କାର ତାଙ୍କ ପୈତୃକ ଗ୍ରାମ ରାୱତସର ଖେଡାଠାରେ ଅନୁଷ୍ଠିତ ହେବ। ସେ ହିସାରର ଆଜାଦନଗରରେ ରହୁଥିଲେ। ବର୍ତ୍ତମାନ ବହୁ ସଂଖ୍ୟାରେ ପ୍ରଶଂସକ ଏବଂ ସମ୍ପର୍କୀୟ ତାଙ୍କ ଘରେ ପହଞ୍ଚିବା ଆରମ୍ଭ କରିଛନ୍ତି।

ରାଜୁ କେବଳ ହରିୟାଣାରେ ନୁହେଁ ପଞ୍ଜାବରେ ମଧ୍ୟ ବେଶ୍ ଲୋକପ୍ରିୟ ହୋଇଥିଲେ। ତାଙ୍କର ଗୀତଗୁଡ଼ିକ ଯୁବପିଢିଙ୍କୁ ଖୁବ ପ୍ରଭାବିତ କରେ ଏବଂ ତାଙ୍କର ଯୋଡି ସ୍ୱପ୍ନା ଚୌଧୁରୀଙ୍କ ସହ ବହୁତ ପ୍ରସିଦ୍ଧ ଥିଲା। ହରିୟାଣା ଗୀତ 'ଦେଶୀ ଦେଶୀ ନ ବୋଲ୍ୟା କର…' ପାଇଁ ଖୁବ ପ୍ରସିଦ୍ଧ ଥିଲେ। ଏହା ବ୍ୟତୀତ ତାଙ୍କର 'ସ୍ୟାଣ୍ଡାଲ', 'ସଲିଡ୍ ବଡି', 'ତୁ ଚିଜ୍ ଲାଜବାବ୍', ‘ଠାଡା ଭରତାର','ସ୍ୱିଟୀ' ଭଳି ଗୀତ ମଧ୍ୟ ବହୁତ ଲୋକପ୍ରିୟ।