Dunki Teaser: ଜନ୍ମଦିନରେ ଲୋକଙ୍କୁ ଚମକେଇଲେ ଶାହରୁଖ; ଆସିଲା 'ଡଙ୍କି'ର ଝଲକ୍‌

ଶାହରୁଖ ଖାନ ଆଜି ତାଙ୍କ ଜନ୍ମଦିନ ପାଳନ କରୁଛନ୍ତି। ପ୍ରଶଂସକଙ୍କ ଠାରୁ ଆରମ୍ଭ କରି ସେଲିବ୍ରେଟ୍ ପର୍ଯ୍ୟନ୍ତ ସମସ୍ତେ ତାଙ୍କୁ ଏକ ଭିନ୍ନ ଭିନ୍ନ ଢଙ୍ଗରେ ଶୁଭ କାମନା ଜଣାଉଛନ୍ତି। ଏହି ଧାରାରେ ନିର୍ଦ୍ଦେଶକ ରାଜକୁମାର ହିରାନୀ ମଧ୍ୟ ଶାହାରୁଖଙ୍କ ପ୍ରଶଂସକଙ୍କୁ ଚକ୍‌ମା ଦେଇଛନ୍ତି। 'ଡଙ୍କି' ଚଳଚ୍ଚିତ୍ରର ଟିଜର ରିଲିଜ କରି ସେ ଶାହାରୁଖଙ୍କ ପ୍ରଶଂସକଙ୍କୁ ଏକ ଟ୍ରିଟ୍ ଦେଇଛନ୍ତି।

ଫିଲ୍ମ 'ଡଙ୍କି' ଡିସେମ୍ବର ୨୨ରେ ମୁକ୍ତିଲାଭ କରିବ ଏବଂ ଏହାପୂର୍ବରୁ ଶାହରୁଖଙ୍କ ଜନ୍ମଦିନରେ ନିର୍ମାତା ଫିଲ୍ମର ପ୍ରଥମ ଝଲକ ଦେଇଛନ୍ତି। ଏହି ଟିଜରର ନାଁ ‘ଡଙ୍କି ଡ୍ରପ୍’ ରଖାଯାଇଛି। ଟିଜର ବାହାରିବା ମାତ୍ରେ ଏହା ସୋସିଆଲ ମିଡିଆରେ ଭାଇରାଲ ହେବା ସହ ଶାହରୁଖଙ୍କ ହାସ୍ୟାତ୍ମକ ଶୈଳୀ ଲୋକଙ୍କୁ ଖୁବ୍ ଆକର୍ଷିତ କରୁଛି। ଟିଜରରେ ଏକ ସର୍‌ପ୍ରାଇଜ୍ ପ୍ୟାକେଜ୍ ମଧ୍ୟ ଅଛି।

ଶାହରୁଖ ଖାନ ଏବଂ ନିର୍ଦ୍ଦେଶକ ରାଜକୁମାର ହିରାନୀ ଫିଲ୍ମ 'ଡଙ୍କି' ମାଧ୍ୟମରେ ପ୍ରଥମ ଥର ପାଇଁ ହାତ ମିଳାଇଛନ୍ତି। ସବୁବେଳେ ଏକ ଭିନ୍ନ ପ୍ରକାରର ସିନେମା ତିଆରି ପାଇଁ ହିରାନୀ ଜଣାଶୁଣା ଏବଂ ଏହା ପ୍ରଥମ ଥର ଯେତେବେଳେ ସେ ଶାହରୁଖଙ୍କୁ ତାଙ୍କ ଦୁନିଆରେ ସାମିଲ କରିଛନ୍ତି। ଫିଲ୍ମର ଟିଜର ରିଲିଜ ହେବା ପରେ ଚର୍ଚ୍ଚା ଆରମ୍ଭ ହୋଇଯାଇଛି। ସୋସିଆଲ ମିଡିଆରେ ଶାହରୁଖଙ୍କ ନୂଆ ଅବତାରକୁ ପ୍ରଶଂସକମାନେ ପ୍ରଶଂସା କରୁଛନ୍ତି।

ଫିଲ୍ମର ଟିଜର ମରୁଭୂମିରୁ ଆରମ୍ଭ ହେଉଛି। କିଛି ଲୋକ ମରୁଭୂମିରେ ଯିବାର ଦେଖିବାକୁ ମିଳେ। ଏଥିରେ ଶାହରୁଖ ମଧ୍ୟ ନଜର ଆସିଛନ୍ତି। ପରବର୍ତ୍ତୀ ମୁହୂର୍ତ୍ତରେ ଜଣେ ବ୍ୟକ୍ତି ସେମାନଙ୍କ ଉପରକୁ ଗୁଳି ଚଳାଇବାର ନଜର ଆସିଛନ୍ତି। କିନ୍ତୁ ଏହା ପରେ ଏକ ହାସ୍ୟ ଦୃଶ୍ୟ ଆରମ୍ଭ ହୁଏ। ହାସ୍ୟରସର ହାଲ୍‌କା ଛିଟା ମଧ୍ୟରେ ଶାହରୁଖଙ୍କୁ 'ହାର୍ଡି' ଭାବରେ ପରିଚିତ କରାଯାଇଛି।

ଏଥି ସହିତ, ଶାହରୁଖଙ୍କ ସହ ଏହି ଟିଜରରେ ଆଉ ଜଣେ ଅଭିନେତାଙ୍କୁ ଦେଖିବାକୁ ମିଳେ ଯିଏ ଦର୍ଶକଙ୍କୁ ଆଶ୍ଚର୍ଯ୍ୟ କରିଛନ୍ତି ଏବଂ ସେ ହେଉଛନ୍ତି ଭିକି କୌଶଲ। ଏହି ଫିଲ୍ମରେ ସେ 'ସୁଖୀ' ଚରିତ୍ରରେ ଅଭିନୟ କରୁଛନ୍ତି ଏବଂ ପ୍ରଶଂସକମାନେ ତାଙ୍କର ଭିନ୍ନ ଲୁକ୍‌କୁ ପସନ୍ଦ କରୁଛନ୍ତି। ଏହା ସହିତ, ତାପସୀ ପନ୍ନୁ ମଧ୍ୟ ତାଙ୍କ ଚରିତ୍ର 'ମନୁ'କୁ ଖୁବ୍ ଉପଭୋଗ କରୁଛନ୍ତି। ପୂରା ଟିଜରେ ଲଣ୍ଡନ ଗସ୍ତର ଦ୍ୱନ୍ଦ୍ୱ ଦେଖାଯାଇଛି। ଏଥି ସହିତ ପିଲାର ନାମକରଣ କରିବାର ଦୃଶ୍ୟ ମଧ୍ୟ ଲୋକଙ୍କୁ ଖୁବ୍ ହସଉଛି।

ତେବେ ଏହା ଶାହରୁଖ ଖାନଙ୍କ ଚଳିତ ବର୍ଷର ତୃତୀୟ ଚଳଚ୍ଚିତ୍ର ହେବ। ଏହାପୂର୍ବରୁ ସେ 'ପଠାନ' ଏବଂ 'ଜବାନ' ମାଧ୍ୟମରେ ଦର୍ଶକଙ୍କୁ ଖୁବ୍ ମନୋରଂଜନ କରିଛନ୍ତି। ଏବେ ସେ ‘ଡଙ୍କି’ ମାଧ୍ୟମରେ ଏକ ନୂଆ ଅବତାରରେ ଲୋକଙ୍କ ସାମ୍ନାରେ ନଜର ଆସିବେ। ଫିଲ୍ମର ଟିଜରକୁ ଦେଖିଲେ ଏହା ଲାଗୁଛି ଯେ ଏହା ଏକ ଆକ୍ସନ୍ ଫିଲ୍ମ ନୁହେଁ ବରଂ ଏକ କାହାଣୀକୁ ହାଲୁକା ଭାବରେ କୁହାଯାଇଛି। ଏହି ଚଳଚ୍ଚିତ୍ର ପ୍ରଶାନ୍ତ ନୀଲଙ୍କ ଫିଲ୍ମ 'ସାଲାର' ସହିତ ସଂଘର୍ଷ କରିବ ଯେଉଁଥିରେ ପ୍ରଭାସ ମୁଖ୍ୟ ଭୂମିକାରେ ଅଛନ୍ତି।