Dunki: ଆରମ୍ଭ ହୋଇଛି ‘ଡଙ୍କି’ର ଆଡଭାନ୍ସ ବୁକିଂ; ନିରାଶ କରୁଛି ପ୍ରଥମ ଦିନ

ଚଳିତ ବର୍ଷ ଦୁଇଟି ବ୍ଲକ୍‌ ବ୍ଲଷ୍ଟର ଫିଲ୍ମ ଦେଇଥିବା ଶାହରୁଖ ଖାନଙ୍କ ଫିଲ୍ମ ‘ଡଙ୍କି’ ୨୧ ଡିସେମ୍ବରରେ ରିଲିଜ ହେବାକୁ ଯାଉଛି। ବର୍ତ୍ତମାନ ରିଲିଜ୍ ପାଇଁ ଆଉ କିଛି ଦିନ ବାକି ଅଛି ଏବଂ ଫିଲ୍ମର ଆଡଭାନ୍ସ ବୁକିଂ ଆରମ୍ଭ ହୋଇଯାଇଛି। ପ୍ରଥମେ ଏହି ଫିଲ୍ମର ଆଡଭାନ୍ସ ବୁକିଂ ବିଦେଶ ବଜାରରେ ଖୋଲିଥିବା ବେଳେ ଏଠାରୁ ମିଳୁଥିବା ପ୍ରତିକ୍ରିୟା ବର୍ତ୍ତମାନ ଉତ୍ସାହଜନକ ନୁହେଁ।

ରିପୋର୍ଟକୁ ଦେଖିଲେ ଜଣାପଡେ ଯେ ଯଦି ଏହିପରି ଜାରି ରହେ ତେବେ ବିଦେଶ ବଜାରରେ ଫିଲ୍ମ ଆୟ ଥଣ୍ଡା ପଡିଯାଇପାରେ। କିନ୍ତୁ ଏତେ ଶୀଘ୍ର ଆଶା ଛାଡିବା ବି ଠିକ୍ ନୁହେଁ। ୫ ଡିସେମ୍ବରରେ ଫିଲ୍ମର ଏକ ଟ୍ରେଲର ରିଲିଜ ହୋଇଥିଲା ଏବଂ ଏହା ପରେ ଆଡଭାନ୍ସ ବୁକିଂ ଉପରେ ସକାରାତ୍ମକ ପ୍ରଭାବ ପଡିପାରେ।

ସୋସିଆଲ ମିଡିଆ ଏବଂ ଇଣ୍ଟରନେଟ୍‌ରେ ବର୍ତ୍ତମାନ ଏକ ଚର୍ଚ୍ଚା ଜୋର ଧରିଛି ଯେ ଦୀର୍ଘ ଦିନ ପରେ ଏମିତି ଏକ ଫିଲ୍ମ ଆସୁଛି ଯେଉଁଥିରେ ଜବରଦସ୍ତ ଆକ୍ସନ୍, ଡ୍ରାମା ଏବଂ ରୋମାନ୍ସର ସ୍ଥାନ ନାହିଁ। ଲୋକମାନେ ଏହାକୁ ଏକ ପାରିପାରିକ ମନୋରଞ୍ଜନ ଏବଂ ଭାବପ୍ରବଣ କାହାଣୀ ବୋଲି କହୁଛନ୍ତି।

ସର୍ବଶେଷ ରିପୋର୍ଟ ଅନୁଯାୟୀ ଏହି ଫିଲ୍ମ ୧୨୫ ଟି ସ୍ଥାନରେ ମୁକ୍ତିଲାଭ କରିବ। ଏଠାରେ ଫିଲ୍ମର ୩୫୧ଟି ଶୋ’ ଚାଲିବ। କିନ୍ତୁ ଆଶ୍ଚର୍ଯ୍ୟଜନକ କଥା ହେଉଛି ଆଡଭାନ୍ସ ବୁକିଂରେ ଏହି ଫିଲ୍ମର ମାତ୍ର ୩୦ଟି ଟିକେଟ୍ ପ୍ରଥମ ଦିନରେ ବିକ୍ରି ହୋଇଛି। କିନ୍ତୁ ଆଶା ରହିଛି ଯେ ଫିଲ୍ମର ଟ୍ରେଲର ରିଲିଜ ହେବା ପରେ ଆଡଭାନ୍ସ ବୁକିଂ ବଢିପାରେ।

ତେବେ ଭାରତୀୟ ଦର୍ଶକଙ୍କ ପାଇଁ ଆଡଭାନ୍ସ ବୁକିଂ କେବେ ଆରମ୍ଭ ହେବ ତାହା ଦେଖିବାକୁ ବାକି ରହିଲା। ଏଠାରେ ଶାହରୁଖ ଖାନଙ୍କ ପ୍ରଶଂସକମାନେ ଉତ୍ସାହର ସହିତ ଏହି ଫିଲ୍ମର ରିଲିଜକୁ ଅପେକ୍ଷା କରିଛନ୍ତି। ଆଶା କରାଯାଉଛି ଯେ ଶୀଘ୍ର ଏଠାରେ ଆଡଭାନ୍ସ ବୁକିଂ ଖୁବ ଶୀଘ୍ର ଆରମ୍ଭ ହୋଇଯିବ।