ଆସୁଛି ‘ଡନ୍-୩’; ଶାହରୁଖ୍ ନୁହେଁ କି ଅମିତାଭ ନୁହେଁ, ଡନ୍ ହେବେ ନୂଆ ନାୟକ

ଚଳିତ ବର୍ଷ ବଲିଉଡର ଅନେକ ବଡ ଫିଲ୍ମ ବଡ ପରଦାରେ ଧମାଲ କରିଛି। ବର୍ତ୍ତମାନ 'ଗଦର ୨' ପ୍ରେକ୍ଷାଳୟକୁ କବ୍‌ଜା କରିବାକୁ ପ୍ରସ୍ତୁତ ହେଉଛି। ଏହି ସମୟରେ ଫରହାନ ଅଖତର ମଧ୍ୟ ଇଣ୍ଡଷ୍ଟ୍ରିରେ ଆଶ୍ଚର୍ଯ୍ୟ ଖେଳେଇ ଦେଇଛନ୍ତି।

ବର୍ତ୍ତମାନ ସେ ଆନୁଷ୍ଠାନିକ ଭାବରେ 'ଡନ୍' ଫ୍ରାଞ୍ଚାଇଜ୍‌ର୍ ‘ଡନ୍-୩’ ଘୋଷଣା କରିଛନ୍ତି। ତେବେ ଏଥର ଶାହରୁଖ ଖାନ କି ଅମିତାଭ ବଚ୍ଚନ ଦର୍ଶକଙ୍କ ମଧ୍ୟରେ 'ଡନ୍' ହେଇ ଆସିବେ ନାହିଁ। ଏହି ଫିଲ୍ମ ପାଇଁ ନୂଆ 'ଡନ୍' ହେବେ ରଣବୀର ସିଂହ। ନିର୍ମାତା 'ଡନ୍'ର ଅଫିସିଆଲ୍ ଟାଇଟଲ୍ ଘୋଷଣାର ଭିଡିଓ ମଧ୍ୟ ପ୍ରକାଶ କରିଛନ୍ତି, ଯେଉଁଠାରେ ରଣବୀର ସିଂହଙ୍କ ଧମାକାଦାର ଲୁକ୍ ଦେଖିବାକୁ ମିଳିଛି।

ସେ ଏହି ଫିଲ୍ମରେ ଶାହରୁଖ ଖାନଙ୍କ ସ୍ଥାନ ନେଇଛନ୍ତି। ତେବେ ଏହା ତାଙ୍କ ପାଇଁ ନିଶ୍ଚିତ ଭାବେ ଚ୍ୟାଲେଜିଙ୍ଗ୍ ହେବ ଯେ ସେ କିପରି କିଙ୍ଗ ଖାନଙ୍କୁ ରିପ୍ଲେସ୍ କରି ଦର୍ଶକଙ୍କ ହୃଦୟରେ 'ଡନ୍' ଭାବରେ ନିଜର ଏକ ସ୍ଥାନ ତିଆରି କରିବେ।

ଅଧିକ ପଢ଼ନ୍ତୁ: ଅଭିନେତାମାନଙ୍କୁ ଥଟ୍ଟା କଲେ ସନୀ ଦେଓଲ; କହିଲେ ଶରୀରକୁ ଶେଭ୍ କରି ଝିଅପିଲା ହେଲେଣି

ତେବେ ନିର୍ମାତା ଏକ ଦମଦାର ଢଙ୍ଗରେ 'ଡନ୍'ର 'ଘୋଷଣା କରିଛନ୍ତି। ପ୍ରଶଂସକଙ୍କୁ ପ୍ରଭାବିତ କରିବା ପାଇଁ ଫିଲ୍ମର ପ୍ରସିଦ୍ଧ ସଂଳାପ ମଧ୍ୟ ଭିଡିଓରେ ବ୍ୟବହୃତ ହୋଇଛି। 'ଡନ୍ ୩' 'ର ସମ୍ପୂର୍ଣ୍ଣ ନା’ ହେଉଛି' ଡନ୍ ୩ : ଦି ଚେଞ୍ଜ୍ ଏଣ୍ଡ୍'।

ଫିଲ୍ମର ଟାଇଟଲ୍ ଘୋଷଣା ଏକ ଧମାକାଦାର ସଂଳାପରୁ ଆରମ୍ଭ ହୋଇଛି ... "ଶେର୍ ଜୋ ଶୋ ରହା ହୈ, ୱୋ ଜାଗେଗା କବ୍? ପୁଛତେ ତେ ଏ ସବ୍, ଉନ୍‌ସ୍ସେ କହ ଦୋ, ଫିର୍ ଜାଗ ଉଠା ମେ, ଫିର୍ ସାମ୍‌ନେ ଜଲ୍‌ଦ ଆନେ କୋ। କ୍ୟା ହେ ତାକତ ମେରୀ, କ୍ୟା ହେ ହିମ୍ମତ ମେରୀ। ଫିର୍ ଦିଖାନେ କୋ। ମୌତ୍ ସେ ଖେଲ୍‌ନା ଜିନ୍ଦଗୀ ହେ ମେରା। ଜିତ୍‌ନା ହି ମେରା କାମ୍ ହେ। ତୁମ୍ ତୋ ଓ ଜାନ୍‌ତେ। ମେରା ବାପ୍ ହେ। 11 ମୁଲ୍‌କୋ କୀ ପୋଲିସ୍ ଢୁଣ୍ଡତି ହେ ମୁଝେ, ମଗର୍ ପକଡ୍ ପାୟା ହେ କୌନ୍। ମେ ହୁଁ ଡନ୍।"

ଫରହାନ ଅଖତର ପୂର୍ବରୁ ଆନୁଷ୍ଠାନିକ ଭାବରେ ଘୋଷଣା କରିଥିଲେ ଯେ 'ଡନ୍'ର ତୃତୀୟ ଭାଗ ନିର୍ମାଣ ହେଉଛି। ସେ 'ଡନ୍ ୩' ର ଲୋଗୋ ଏବଂ 'ଏକ ନୂତନ ଯୁଗର ଆରମ୍ଭ' ଟ୍ୟାଗ୍‌ଲାଇନ୍ ସହିତ ଏକ ଭିଡିଓ ଶେୟାର କରିଥିଲେ। ଫରହାନ ଅତୀତରେ ଡନ୍ ଭାବରେ ଅମିତାଭ ବଚ୍ଚନ ଏବଂ ଶାହରୁଖ ଖାନଙ୍କୁ ପ୍ରଶଂସା କରି ଏକ ଲମ୍ବା ନୋଟ୍ ମଧ୍ୟ ଲେଖିଥିଲେ।

A post shared by Farhan Akhtar (@faroutakhtar)

ସେ ନୂଆ ପିଢିର ଡନ୍ ବିଷୟରେ କହିଥିଲେ ଏବଂ ଆଶା କରିଥିଲେ ଯେ ନୂଆ 'ଡନ୍' ଦର୍ଶକଙ୍କ ଠାରୁ ବହୁତ ଭଲ ପାଇବା ପାଇବ। ସେ କହିଛନ୍ତି, "ଏବେ ଡନ୍‌ର ଉତ୍ତରାଧିକାରୀକୁ ଆଗକୁ ନେବାର ସମୟ ଆସିଛି ଏବଂ ଏହି ନୂଆ ବ୍ୟାଖ୍ୟାରେ ଆମ ସହ ଜଣେ ଅଭିନେତା ଯୋଗଦେବେ ଯାହାଙ୍କ ପ୍ରତିଭା ଏବଂ ବହୁମୁଖୀକୁ ମୁଁ ବହୁ ପୂର୍ବରୁ ପ୍ରଶଂସା କରିଆସୁଛି। ଆମେ ଆଶା କରୁଛୁ ଆପଣ ତାଙ୍କୁ ନିଜର ଭଲ ପାଇବା ଦେବେ, ଯେପରି ଶାହରୁଖ ଖାନ ଏବଂ ଅମିତାଭ ବଚ୍ଚନଙ୍କୁ ଦେଇଥିଲେ।”

ରଣବୀର ସିଂହଙ୍କ ଆଗାମୀ ଫିଲ୍ମକୁ ନେଇ କଥାବାର୍ତ୍ତା କରୁଥିବାବେଳେ ଆଜିକାଲି ସେ ତାଙ୍କ ଫିଲ୍ମ 'ରକୀ ଔର ରାନୀ କି ପ୍ରେମ କାହାନୀ'ର ସଫଳତାକୁ ଉପଭୋଗ କରୁଛନ୍ତି। ଏହି ଫିଲ୍ମରେ ଆଲିଆ ଭଟ୍ଟ ମଧ୍ୟ ଅଭିନେତାଙ୍କ ସହ ନଜର ଆସିଛନ୍ତି। ଏହି ଫିଲ୍ମରେ ସେମାନଙ୍କର ଦମଦାର ପ୍ରଦର୍ଶନ ପ୍ରଶଂସକଙ୍କ ହୃଦୟ ଜିତିଛି। ଫିଲ୍ମଟି ବକ୍ସ ଅଫିସରେ ଭଲ କାମ କରୁଛି।