ଗୋବିନ୍ଦାଙ୍କ ଗୋଡରେ ହଠାତ୍ ବାଜିଲା ଗୁଳି; ଜାଣନ୍ତୁ ଏମିତି ଘଟଣାକୁ ସାମ୍ନା କରିଥିବା ଅନ୍ୟ ସେଲିବ୍ରେଟି

ବଲିଉଡ ଅଭିନେତା ଗୋବିନ୍ଦାଙ୍କ ଗୋଡରେ ଗୁଳି ବାଜିଛି। ମଙ୍ଗଳବାର ସକାଳ ପ୍ରାୟ ସାଢେ ୪ଟା ବେଳେ ତାଙ୍କ ଘରେ ଏହି ଘଟଣା ଘଟିଥିଲା। କୁହାଯାଉଛି ଯେ ଗୋବିନ୍ଦା ସେହି ସମୟରେ ଘରେ ଏକୁଟିଆ ଥିଲେ ଏବଂ ଲାଇସେନ୍ସପ୍ରାପ୍ତ ରିଭଲ୍‌ଭର୍‌ ସଫା କରୁଥିଲେ।

ଏହି ସମୟରେ ହଠାତ୍ ଏକ ଗୁଳି ଫୁଟିଥିଲା ଏବଂ ଏହା ତାଙ୍କ ଗୋଡ଼ରେ ବାଜିଥିଲା। ଏହି ଖବର ଶୁଣିବା ପରେ ଜୟପୁର ଏବଂ ରାଜ୍ୟର ଅନ୍ୟାନ୍ୟ ସହରରେ ତାଙ୍କ ପ୍ରଶଂସକମାନେ ବହୁତ ଚିନ୍ତିତ ଥିବା ଦେଖିବାକୁ ମିଳିଛି। ତାଙ୍କର ଅନେକ ପ୍ରଶଂସକ ଜୟପୁରର ମନ୍ଦିରରେ ପ୍ରାର୍ଥନା କରିବାକୁ ପହଞ୍ଚିଥିଲେ।

ଘଟଣା ଘଟିବା ମାତ୍ରେ ଗୋବିନ୍ଦାଙ୍କୁ ଡାକ୍ତରଖାନା ନିଆଯାଇଥିଲା, ସେଠାରେ ଅପରେସନ୍ କରାଯାଇଥିଲା ଏବଂ ଗୋଡରୁ ଗୁଳି ବାହାର କରାଯାଇଥିଲା। ଡାକ୍ତରଙ୍କ କହିବାନୁସାରେ, ଗୋବିନ୍ଦା ଏବେ ବିପଦ ମୁକ୍ତ। ଏହି ଖବର ପାଇବା ପରେ ତାଙ୍କ ପ୍ରଶଂସକମାନେ ଦୀର୍ଘଶ୍ୱାସ ନେଇଛନ୍ତି।

ତେବେ ଖାଲି ଗୋବିନ୍ଦା ଏହିପରି ଘଟଣାର ଶିକାର ହୋଇ ନାହାନ୍ତି। ଏହା ପୂର୍ବରୁ ଆହୁରି ଅନେକ ସେଲିବ୍ରେଟି ମଧ୍ୟ ଏମିତି ଘଟଣାର ଶିକାର ହୋଇଛନ୍ତି। ଏହି ଅବସରରେ ଆସନ୍ତୁ ସେମିତି ୪ ଜଣ ସେଲିବ୍ରେଟିଙ୍କ ବିଷୟରେ ଜାଣିନେବା।

ପ୍ଲାକ୍ସିକୋ ବୁରେସ୍:

ପ୍ଲାକ୍ସିକୋ ବୁରେସ୍

୨୦୦୮ରେ, ପୂର୍ବତନ ଦିଗ୍ଗଜ ରିସିଭର୍ ପ୍ଲାକ୍ସିକୋ ବୁରେସ୍ ଏକ ନାଇଟ୍ କ୍ଲବରେ ଥିଲେ ଯେଉଁଠାରେ ବନ୍ଧୁକଟି ତାଙ୍କ ଅଣ୍ଟାରୁ ଖସିଯିବା ପରେ ହଠାତ୍ ତାଙ୍କ ଡାହାଣ ଜଙ୍ଘରେ ଗୁଳି ଫୁଟିଥିଲା। ଫଳରେ ଦଳର କ୍ଷତି ପାଇଁ ତାଙ୍କୁ ସିଜିନର ଅନ୍ତିମ ଚାରିଟି ଖେଳ ପାଇଁ ନିଲମ୍ବିତ କରାଯାଇଥିଲା ଏବଂ ପରେ ତାଙ୍କୁ ୨୦ ମାସ ଜେଲ୍‌ ପଠାଯାଇଥିଲା।

ଅଲ୍‌ କ୍ୟାପୋନ:

ଅଲ୍‌ କ୍ୟାପୋନ

୧୯୨୮ ମସିହାରେ, ମୋବଷ୍ଟର ଅଲ୍‌ କାପୋନ ବାର ଜଣ ଅଙ୍ଗରକ୍ଷୀ ଥିବା ସତ୍ତ୍ୱେ ଉଭୟ ଗୋଡ ଏବଂ ଜଙ୍ଘ ମୂଳରେ ଗୁଳିରେ ଆଘାତ ପାଇଥିଲେ। ପ୍ରାରମ୍ଭରେ, ଖବର ଆସିଥିଲା ​​ଯେ ଜଣେ ବନ୍ଧୁଙ୍କ ସହ ଗଲ୍ଫ୍ ରାଉଣ୍ଡ୍ ପରେ କାର୍‌ ଭିତରକୁ ଯିବାବେଳେ କ୍ୟାପୋନ ହଠାତ୍ ବନ୍ଧୁକକୁ ଚାପି ଦେଇଥିଲେ।

ଲିଲ୍ ୱେନ୍‌:

ଲିଲ୍ ୱେନ୍‌

୧୨ ବର୍ଷ ବୟସରେ, ଡୱେନ କାର୍ଟର ଜୁନିଅର୍, ଯିଏକି ପରେ ଜଣାଶୁଣା ରାପର୍‌ ଲିଲ୍‌ ୱେନ୍‌ ଭାବେ ପରିଚିତ ହୋଇଥିଲେ, ତାଙ୍କ ଘରେ ବନ୍ଧୁକରୁ ହଠାତ୍ ଗୁଳି ଫୁଟି ତାଙ୍କ ଛାତିରେ ବାଜିଥିଲା ଆଉ ତାଙ୍କ ଜୀବନ ଚାଲିଯିବା ଭଳି ଥିଲା। ହଠାତ ତାଙ୍କୁ ଡାକ୍ତରଖାନାକୁ ନିଆଯିବାରୁ ସେ ବଞ୍ଚିଯାଇଥିଲେ।

ପିଟର ଫୋଣ୍ଡା:

ପିଟର ଫୋଣ୍ଡା

ଇଜି ରାଇଡର୍‌ ତାରକା ପିଟର ଫୋଣ୍ଡା ତାଙ୍କ ୧୧ ତମ ଜନ୍ମଦିନରେ ଜୀବନ ପ୍ରତି ବିପଦପୂର୍ଣ୍ଣ ଘଟଣାର ସମ୍ମୁଖୀନ ହୋଇଥିଲେ। ଯେତେବେଳେ ସେ ତାଙ୍କ ବାପାଙ୍କ ବନ୍ଧୁକ ସଫା କରୁଥିଲେ ହଠାତ୍ ଗୁଳି ଫୁଟି ଛାତିରେ ବାଜିଥିଲା। ପ୍ରାରମ୍ଭରେ, ଡାକ୍ତରମାନେ ଭୟ କରୁଥିଲେ ଯେ ବୁଲେଟ୍ ତାଙ୍କ ହୃଦୟକୁ ଆଘାତ ଦେଇଛି, କିନ୍ତୁ ଏହା ଚମତ୍କାର ଭାବରେ ଅତିକ୍ରମ କରି ଗୁରୁତ୍ୱପୂର୍ଣ୍ଣ ଅଙ୍ଗ ତଳେ ରହିଥିଲା। ଚିକିତ୍ସା ପରେ ସେ ବଞ୍ଚିଯାଇଥିଲେ।