ମୁମ୍ବାଇର ଡିଣ୍ଡୋଶୀ ପୋଲିସ୍ କାଷ୍ଟିଂ ନିର୍ଦ୍ଦେଶକ ଆରତୀ ମିତ୍ତଲଙ୍କୁ ଗିରଫ କରିଛି। ଆରତୀ ଏକ ସେକ୍ସ ରାକେଟ୍ ଚଳାଉଥିବା ଅଭିଯୋଗ ହୋଇଛି। ପୋଲିସ ତାଙ୍କୁ ରେଡ୍ ହ୍ୟାଣ୍ଡ୍ରେ ଧରିଛି। ତାଙ୍କ କବ୍ଜାରେ ଥିବା ଦୁଇ ଜଣ ମଡେଲଙ୍କୁ ମଧ୍ୟ ଉଦ୍ଧାର କରାଯାଇଛି। ଏଥିପାଇଁ ପୋଲିସ ଏକ ଯୋଜନା ପ୍ରସ୍ତୁତ କରିଥିଲା। ମୁମ୍ବାଇ ପୋଲିସର ସମାଜ ସେବା ଶାଖା ଦୁଇ ଜଣ ନକଲି ଗ୍ରାହକ ପଠାଇ ଦୁଇ ମଡେଲକୁ ଉଦ୍ଧାର କରିଛି।
ଜଣେ ମଡେଲଙ୍କୁ ତ ରିହାବିଲେବସ୍ ସେଣ୍ଟରକୁ ପଠାଇଦିଆଯାଇଛି। ଜଣଙ୍କୁ ପୋଲିସ ପଚରାଉଚରା କରୁଛି। ସ୍ପାଇ କ୍ୟାମେରା ସାହାଯ୍ୟରେ ପୋଲିସ ଏହି ପୂରା ଘଟଣାକୁ ରେକର୍ଡ କରିଥିଲା ଏବଂ ଆରତୀଙ୍କ ବିରୋଧରେ ଏଫ୍ଆଇଆର୍ ମଧ୍ୟ ବିଭିନ୍ନ ବିଭାଗରେ ଜାରି କରାଯାଇଛି।
ରିପୋର୍ଟ ଅନୁଯାୟୀ ମୁମ୍ବାଇ ପୋଲିସର ସମାଜ ସେବା ଶାଖା ଏହି ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରିଥିଲା। ଘଟଣାର ଏକ ଭିଡିଓ ମଧ୍ୟ ପ୍ରମାଣ ଭାବରେ ରେକର୍ଡ କରାଯାଇଥିଲା। ଅଭିଯୁକ୍ତ ଆରତୀ ହରିଶ୍ଚନ୍ଦ୍ର ମିତ୍ତଲ ଫିଲ୍ମ ପାଇଁ କାଷ୍ଟିଂ ନିର୍ଦ୍ଦେଶକ ଭାବରେ କାମ କରନ୍ତି। ସେ ଓଶିୱାରାର ଆରାଧନା ଆପାର୍ଟମେଣ୍ଟରେ ରୁହନ୍ତି।
Also Read
ପୋଲିସ କହିଛି ଯେ ଆରତୀ ମିତ୍ତଲ ସେହି ମଡେଲମାନଙ୍କୁ ନିଜର ଶିକାର କରୁଥିଲେ, ଯେଉଁମାନେ ବିଭିନ୍ନ ପ୍ରକଳ୍ପ ପାଇଁ ତାଙ୍କୁ ଭେଟିବାକୁ ଆସୁଥିଲେ ଆଉ ସେମାନଙ୍କୁ ଟଙ୍କାର ଆବଶ୍ୟକତା ଥିଲା। ଦେହେ ବ୍ୟବସାୟ ପାଇଁ ସେ ସେମାନଙ୍କୁ ଭଲ ରକମର ଟଙ୍କା ମଧ୍ୟ ଦେଉଥିଲେ। ପୋଲିସ କହିଛି ଯେ ଆରତୀ ସେକ୍ସ ରାକେଟ୍ ଚଳାଉଥିବାର ପୋଲିସ ଇନ୍ସପେକ୍ଟର ମନୋଜ ସୂତାର ସୂଚନା ପାଇଥିଲେ।
ଏହା ପରେ ପୋଲିସ ଏକ ଟିମ୍ ଗଠନ କରି ଗ୍ରାହକ ଭାବେ ଯାଇଥିଲା ଆଉ ସେମାନଙ୍କ ସାଙ୍ଗମାନଙ୍କ ପାଇଁ ୨ ଝିଅ ଦରକାର ବୋଲି ଆରତୀ ମିତ୍ତଲଙ୍କୁ କହିଥିଲା।
ଆରତୀ ଏହାର ବ୍ୟବସ୍ଥା ପାଇଁ ୬୦ ହଜାର ଟଙ୍କା ମାଗିଥିଲେ ଏବଂ ଇନ୍ସପେକ୍ଟର ମନୋଜ ସୂତାରଙ୍କ ଫୋନରେ ୨ଟି ମଡେଲଙ୍କ ଫଟୋ ପଠାଇ ତାଙ୍କୁ କହିଥିଲେ ଯେ ଏହି ମଡେଲ୍ମାନେ କେବଳ ଜୁହୁ କିମ୍ବା ଗୋରେଗାଓନର ହୋଟେଲକୁ ହିଁ ଆସିବେ।
ମନୋଜ ସୂତାର ଗୋରେଗାଓଁରେ ୨ଟି ରୁମ୍ ବୁକ୍ କରି ୨ ଜଣ ନକଲି ଗ୍ରାହକ (ଇନ୍ସପେକ୍ଟର) ପଠାଇଥିଲେ। ଯେତେବେଳେ ଆରତୀ ମଡେଲମାନଙ୍କ ସହିତ ପହଞ୍ଚିଲେ, ସେ ସେମାନଙ୍କୁ କଣ୍ଡୋମ୍ ମଧ୍ୟ ଦେଇଥିଲେ, ଏସବୁ ସ୍ପାଇ କ୍ୟାମେରାରେ ରେକର୍ଡ କରାଯାଇଥିଲା। ଏସ୍ଏସ୍ ବ୍ରାଞ୍ଚ୍ ହୋଟେଲ ଉପରେ ଚଢାଉ କରି ଅଭିଯୁକ୍ତକୁ ରେଡ୍ହ୍ୟାଣ୍ଡ୍ ଧରିଥିଲା।
ଏହା ପରେ ସେ ଡିଣ୍ଡୋଶୀ ପୋଲିସ ଷ୍ଟେସନ୍ରେ ଏ ବିଷୟରେ ସୂଚନା ଦେଇଥିଲା ଏବଂ ଆରତୀ ମିତ୍ତଲଙ୍କ ବିରୋଧରେ ଏଫ୍ଆଇଆର୍ ଦାଖଲ କରିଥିଲା। ପଚରାଉଚରା ବେଳେ ମଡେଲ ପ୍ରକାଶ କରିଛନ୍ତି ଯେ ଆରତୀ ତାଙ୍କୁ ୧୫ ହଜାର ଟଙ୍କା ଦେବେ ବୋଲି ପ୍ରତିଶୃତି ଦେଇଥିଲେ।