ଜୁନିଅର ଏନ୍‌ଟିଆର୍‌ ଓ ଜାହ୍ନବୀ କପୁରଙ୍କ ସହ ଯୋଗଦେଲେ ହଲିଉଡ କଳାକାର

ସାଉଥ୍‌ର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ‘NTR 30’ ଅନ୍ୟତମ। ଏହି ଚଳଚ୍ଚିତ୍ର ଘୋଷଣା ହେବା ଦିନଠାରୁ ଏହା ଚର୍ଚ୍ଚାରେ ରହିଆସିଛି। ସମ୍ପ୍ରତି ଏହି ଚଳଚ୍ଚିତ୍ରର ନିର୍ମାତା ଫିଲ୍ମ ସହ ଜଡିତ ଏକ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି। ନିର୍ମାତା ଘୋଷଣା କରିଛନ୍ତି ଯେ ଭେଟେରାନ ଭିଏଫ୍‌ଏକ୍ସ(VFX ) ସୁପରଭାଇଜର ବ୍ରାଡ୍‌ ମିନିଚ୍ NTRଙ୍କ ‘NTR 30’ ରେ ଯୋଗ ଦେଇଛନ୍ତି। ମିନିଚ୍ ଜଣେ ପ୍ରସିଦ୍ଧ ଭିଏଫ୍‌ଏକ୍ସ ସୁପର୍‌ଭାଇଜର୍‌। ସେ ଚଳଚ୍ଚିତ୍ରରେ ଚମତ୍କାର ଦୃଶ୍ୟ ପାଇଁ ଜଣାଶୁଣା।

ଏହି ଚଳଚ୍ଚିତ୍ର ପାଇଁ ପ୍ରସିଦ୍ଧ:

ବ୍ରାଡ୍‌ ମିନିଚ୍ ଜଣେ ପ୍ରସିଦ୍ଧ VFX ଆକ୍ସନ୍ ପ୍ରଡ୍ୟୁସର ଯିଏକି ତାଙ୍କର ବିଶେଷ ପ୍ରକଳ୍ପ ପାଇଁ ଜଣାଶୁଣା। ସେ 'ଓବି-ୱାନ୍ କେନୋବି' (୨୦୨୨), ଜ୍ୟାକ୍ ସ୍ନାଇଡରଙ୍କ 'ଜଷ୍ଟିସ୍ ଲିଗ୍' (୨୦୨୧), 'ଦି ଗୁଡ୍ ଲର୍ଡ ବାର୍ଥଡେ' (୨୦୨୦), 'ଆକ୍ୱାମାନ୍' (୨୦୧୮) ଏବଂ 'ବ୍ୟାଟ୍ସମ୍ୟାନ୍ ଭି ସୁପରମ୍ୟାନ୍' (୨୦୧୬) ସହିତ ଅନେକ ସଫଳ ଚଳଚ୍ଚିତ୍ରରେ କାମ କରିଛନ୍ତି। ‘NTR 30’ ତାଙ୍କର ପ୍ରଥମ ଭାରତୀୟ ଚଳଚ୍ଚିତ୍ର ହେବ।

ଅଧିକ ପଢ଼ନ୍ତୁ: 'ଭୋଲା'କୁ ମିଳିଲା UA ସାର୍ଟିଫିକେଟ୍; ଆଡଭାନ୍ସ ବୁକିଂରେ ୧କୋଟି ଆୟ

ଜାହ୍ନବୀ କପୁରଙ୍କ ଡେବ୍ୟୁ ଫିଲ୍ମ:

‘ଯୁବାସୁଧା ଆର୍ଟସ୍’ ଦ୍ୱାରା ନିର୍ମିତ ଏବଂ NTR ଆର୍ଟସ୍ ବ୍ୟାନରରେ ତିଆରି ‘NTR 30’ ହେଉଛି ନନ୍ଦମୁରୀ କଲ୍ୟାଣ ରାମଙ୍କର ବହୁ ପ୍ରତୀକ୍ଷିତ ଚଳଚ୍ଚିତ୍ର। ଜାହ୍ନବୀ କପୁର ଏହି ଚଳଚ୍ଚିତ୍ର ମାଧ୍ୟମରେ ତେଲୁଗୁ ସିନେମାରେ ଡେବ୍ୟୁ କରୁଛନ୍ତି। ଜୁନିଅର ଏନ୍‌ଟିଆର୍‌ଙ୍କୁ ତାଙ୍କ ସହ ଏହି ଫିଲ୍ମରେ ମୁଖ୍ୟ ଭୂମିକାରେ ଦେଖିବାକୁ ମିଳିବ। କିଛି ଦିନ ପୂର୍ବରୁ ଜାହ୍ନବୀ ଏହି ଚଳଚ୍ଚିତ୍ର ବିଷୟରେ ସୂଚନା ଦେଇଥିଲେ।

ଅନେକ ଭାଷାରେ ମୁକ୍ତିଲାଭ କରିବ:

କୋରାତାଲା ଶିଭାଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମ ୫ ଏପ୍ରିଲ ୨୦୨୪ ରେ ପ୍ରେକ୍ଷାଳୟକୁ ଆସିବ। ଏହି ଚଳଚ୍ଚିତ୍ର ତେଲୁଗୁ, ତାମିଲ, ହିନ୍ଦୀ, କନ୍ନଡ ଏବଂ ମାଲାୟାଲମ୍ ସହିତ ଏକାଧିକ ଭାଷାରେ ମୁକ୍ତିଲାଭ କରିବ। ଏହି ଚଳଚ୍ଚିତ୍ରଟିର ସୁଟିଂ ମାର୍ଚ୍ଚ ୨୩ରେ ହାଇଦ୍ରାବାଦରେ ଏକ ଭବ୍ୟ ମୁହୁର୍ତ୍ତରେ ଆରମ୍ଭ ହୋଇଥିଲା। ଏହି କାର୍ଯ୍ୟକ୍ରମରେ ଏସ୍ଏସ୍ ରାଜାମୌଲି, ପ୍ରଶାନ୍ତ ନୀଲ ଏବଂ ଅନ୍ୟାନ୍ୟ ତାରକାମାନେ ମଧ୍ୟ ଉପସ୍ଥିତ ଥିଲେ।