Kanguva: ଆସିଲା ‘କଙ୍ଗୁଭା’ର ରିଲିଜ୍ ତାରିଖ; ଏହିଦିନ ହେବ ବବି-ସୂର୍ଯ୍ୟାଙ୍କ ଲଢେଇ

ଆଜିକାଲି ସାଉଥ୍ ଫିଲ୍ମକୁ ନେଇ ସମସ୍ତଙ୍କର ଉତ୍ସାହ। ଗ୍ରାଣ୍ଡ୍ ସେଟ୍, ବଡ ତାରକା ଏବଂ ବଡ ବଜେଟ୍ ସବୁକିଛି ଏଥିରେ ଦେଖିବାକୁ ମିଳେ। କାହାଣୀକୁ ନେଇ ମଧ୍ୟ ଅନେକ ପରୀକ୍ଷଣ କରାଯାଏ। ସେମିତି ଏକ ଫିଲ୍ମ ଆସୁଛି, ଜାହାର ଟାଇଟଲ୍ ହେଉଛି ‘କଙ୍ଗୁଭା’। ଏଥିରେ ‘ଆନିମଲ୍’ ଫେମ୍ ଅଭିନେତା ବବି ଦେଓଲ ‘ସିଂଘମ୍’ ଫେମ୍ ସୂର୍ଯ୍ୟାଙ୍କ ସହ ଲଢୁଥିବା ଦେଖିବାକୁ ମିଳିବ। ପୂର୍ବରୁ ଫିଲ୍ମର ଅନେକ ଝଲକ ଦେଖିବାକୁ ମିଳିଥିଲା, କିନ୍ତୁ ବର୍ତ୍ତମାନ ଫିଲ୍ମର ରିଲିଜ୍ ତାରିଖ ସାମ୍ନାକୁ ଆସିଛି।

ଫିଲ୍ମର ରିଲିଜ୍ ତାରିଖ ଫିଲ୍ମର ମୁଖ୍ୟ ଅଭିନେତା ସୂର୍ଯ୍ୟାଙ୍କ ଦ୍ୱାରା ଘୋଷଣା କରାଯାଇଛି। ବଡ ବଜେଟ୍ ଫିଲ୍ମ ‘କଙ୍ଗୁଭା’ ରିଲିଜ୍ ତାରିଖ ଘୋଷଣା କରି ଅଭିନେତା ଲେଖିଛନ୍ତି, “ମୋର ସମସ୍ତ ପ୍ରିୟଜନ, କଙ୍ଗୁଭା ୧୦ ଅକ୍ଟୋବର ୨୦୨୪ରେ ଆସୁଛି।”

‘କଙ୍ଗୁଭା’ ରିଲିଜ୍ ତାରିଖକୁ ନେଇ ପ୍ରଶଂସକମାନେ ସୂର୍ଯ୍ୟାଙ୍କ ପୋଷ୍ଟ୍‌ରେ ବହୁତ କମେଣ୍ଟ କରୁଛନ୍ତି। ସୂର୍ଯ୍ୟାଙ୍କର ଜଣେ ପ୍ରଶଂସକ ଲେଖିଛନ୍ତି ଯେ ‘ଅପେକ୍ଷା ଚାଲିଥିଲା, ଏବେ ଅଢେଇ ବର୍ଷ ପରେ ଆମେ ଆନ୍ନାଙ୍କୁ ବଡ ପରଦାରେ ଦେଖିବାର ସୁଯୋଗ ପାଇବୁ।” ସେହିପରି ଆଉ ଜଣେ ପ୍ରଶଂସକ “ପ୍ରେକ୍ଷାଳୟରେ ଏକ ବଡ଼ ଧରଣର ବିସ୍ଫୋରଣ ହେବାକୁ ଯାଉଛି। ରାଜା ଶାସନ କରିବାକୁ ଆସୁଛନ୍ତି” ବୋଲି ଲେଖିଛନ୍ତି। ଆଉ ଜଣେ କହିଛନ୍ତି “ଅପେକ୍ଷା ଏବେ ଶେଷ ହେବାକୁ ଯାଉଛି”। କେବଳ ଏତିକି ନୁହେଁ ଆହୁରି ଅନେକ ପ୍ରଶଂସକ ଫାୟାର୍ ଇମୋଜି ସହିତ ନିଜ ନିଜ ମତ ଦେଉଛନ୍ତି।

ଷ୍ଟୁଡିଓ ଗ୍ରୀନ୍ ଏବଂ ସୂର୍ଯ୍ୟା ଶିବକୁମାରଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘କଙ୍ଗୁଭା’ରେ ସୂର୍ଯ୍ୟାଙ୍କୁ ଜଣେ ଶକ୍ତିଶାଳୀ ଯୋଦ୍ଧା ଏବଂ ବବି ଦେଓଲଙ୍କୁ ଜଣେ ଭିଲେନ୍ ଭାବରେ ଦେଖିବାକୁ ମିଳିବ। ଏହାର ବଜେଟ୍ ୩୫୦ କୋଟି ଟଙ୍କାରୁ ଅଧିକ ବୋଲି ଜଣାପଡିଛି।

‘କଙ୍ଗୁଭା’ ଦୁଇଟି ଭିନ୍ନ ସମୟର କାହାଣୀକୁ ବର୍ଣ୍ଣନା କରେ। ଗୋଟିଏ ହେଉଛି ପୂର୍ବ-ଐତିହାସିକ ଯୁଗ ଏବଂ ଆଜିର ଦିନ। ନିର୍ମାତା ନିଶ୍ଚିତ ଯେ ସେ ଉଭୟ ସମୟସୀମାକୁ ଦର୍ଶକଙ୍କ ନିକଟରେ ଏକ ଉତ୍ତମ ଭାବେ ଉପସ୍ଥାପନ କରିବେ। ଏହି ଫିଲ୍ମରେ ଭେଟ୍ରି ପଲାନୀସାମୀଙ୍କ ସିନେମାଟୋଗ୍ରାଫି ଏବଂ ରକ୍‌ଷ୍ଟାର୍‌ ଦେବୀ ଶ୍ରୀ ପ୍ରସାଦଙ୍କ ସଙ୍ଗୀତ ରହିଛି।