ହିନ୍ଦୀ ସିନେମାର ପ୍ରସିଦ୍ଧ ଗାୟକ ବାପି ଲାହିରିଙ୍କ ଆଜି ପୁଣ୍ୟତିଥି। ତାଙ୍କୁ ଭଲ ପାଉଥିବା ସେ ବଲିଉଡକୁ ଏକାଧିକ ମନଛୁଆଁ ଗୀତ ଦେଇଛନ୍ତି। ଚଳଚ୍ଚିତ୍ରରେ ନିଜର ସ୍ୱତନ୍ତ୍ର ସ୍ୱର ଏବଂ ସଙ୍ଗୀତ ପାଇଁ ବାପି ସର୍ବଦା ଜଣାଶୁଣା। ଏହା ବ୍ୟତୀତ ତାଙ୍କର ସୁନା ଅଳଙ୍କାର ମଧ୍ୟ ସମସ୍ତଙ୍କ ଦୃଷ୍ଟି ଆକର୍ଷଣ କରେ। ତେବେ ସେ କାହିଁକି ଏତେ ପରିମାଣର ସୁନା ପିନ୍ଧୁଥିଲେ ଆପଣ ଏହାର କାରଣ ଜାଣିଛନ୍ତି କି? ଆଜି ତାଙ୍କ ପୁଣ୍ୟତିଥି ଅବସରରେ ଆସନ୍ତୁ ବାପି ଲାହିରିଙ୍କ ଅଳଙ୍କାରର ପଛର ରହସ୍ୟକୁ ଜାଣିନେବା।
ବାପି ଲାହିରି ସୁନା ଅଳଙ୍କାର ପିନ୍ଧିବାକୁ ଖୁବ ଭଲ ପାଉଥିଲେ। ସେ ସୁନାକୁ ନିଜ ଭାଗ୍ୟ ବୋଲି ବିବେଚନା କରୁଥିଲେ। ବାପି ଲାହିରିଙ୍କ ଶରୀରରେ ଅନେକ ଅଳଙ୍କାର ଦେଖାଯିବା ପଛରେ ରହିଛି ତାଙ୍କର ବିଶ୍ୱାସ। ତାଙ୍କ ବେକ ଏବଂ ହାତ ସବୁବେଳେ ଅଳଙ୍କାରରେ ପରିପୂର୍ଣ୍ଣ ରହୁଥିଲା।
Also Read
ଅଧିକ ପଢ଼ନ୍ତୁ: ବାପି ଲାହିରି କାହିଁକି ପିନ୍ଧୁଥିଲେ ଗଦା ଗଦା ସୁନା ଅଳଙ୍କାର
ବାପି ଲାହିରି ତାଙ୍କର ଅନେକ ସାକ୍ଷାତକାରରେ ଏତେ ଅଳଙ୍କାର ପିନ୍ଧିବାର କାରଣ ମଧ୍ୟ କହିଥିଲେ। ସେ ଆମେରିକାର ରକ୍ ଷ୍ଟାର୍ ଏଲ୍ଭିସ୍ ପ୍ରେସ୍ଲିଙ୍କ ଠାରୁ ପ୍ରେରଣା ପାଇ ଏଭଳି ଅଳଙ୍କାର ପିନ୍ଧୁଥିବା କହିଥିଲେ।
ବାପି ଲାହିରି ଏକ ସାକ୍ଷାତକାରରେ କହିଥିଲେ, “ହଲିଉଡ୍ର ଗାୟକ ଏଲ୍ଭିସ୍ ପ୍ରେସ୍ଲି ସୁନା ଚେନ୍ ପିନ୍ଧୁଥିଲେ ଏବଂ ମୁଁ ତାଙ୍କୁ ବହୁତ ପସନ୍ଦ କରିଥିଲି। ସେତେବେଳେ ମୁଁ ଭାବୁଥିଲି ଯେ ଯେତେବେଳେ ମୁଁ ଜଣେ ସଫଳ ବ୍ୟକ୍ତି ହୋଇଯିବି, ମୁଁ ମୋର ନିଜର ଭିନ୍ନ ଛବି ତିଆରି କରିବି ଏବଂ ଏହା ପରେ ମୁଁ ଏତେ ପରିମାଣର ସୁନା ପିନ୍ଧିପାରିବି। ସୁନା ମୋ ପାଇଁ ଲକି। ତାଙ୍କ ପାଖରେ ଲକ୍ଷ ଲକ୍ଷ ଟଙ୍କାର ସୁନା ଥିଲା।”
୨୦୧୪ ଲୋକସଭା ନିର୍ବାଚନ ବେଳେ ତାଙ୍କ ପାଖରେ ଥିବା ସୁନା ଓ ସମ୍ପତ୍ତି ବିଷୟରେ ବାପି ଲାହିରି ସୂଚନା ଦେଇଥିଲେ। ୨୦୧୪ ମସିହାରେ ସେ ଲୋକସଭା ନିର୍ବାଚନରେ ଛିଡା ହୋଇଥିଲେ। ଏହି ସମୟରେ ବାପି ଲାହିରି ତାଙ୍କ ସମ୍ପତ୍ତି ବିଷୟରେ ନିର୍ବାଚନ ଆୟୋଗଙ୍କୁ ସୂଚନା ଦେଇଥିଲେ। ନିର୍ବାଚନ ପ୍ରମାଣପତ୍ର ଅନୁଯାୟୀ, ୨୦୧୪ ମସିହାରେ ବାପି ଲାହିରିଙ୍କ ପାଖରେ ୭୫୪ ଗ୍ରାମ ସୁନା ଏବଂ ୪.୬୨ କିଲୋଗ୍ରାମ ରୂପା ଥିଲା।
କେବଳ ବାପି ଲାହିରି ନୁହଁନ୍ତି, ତାଙ୍କ ପତ୍ନୀ ଚିତ୍ରାଣୀ ମଧ୍ୟ ସୁନାକୁ ଭଲ ପାଆନ୍ତି। ୨୦୧୪ ନିର୍ବାଚନ ପ୍ରମାଣପତ୍ର ଅନୁଯାୟୀ, ବାପି ଲାହିରିଙ୍କ ପତ୍ନୀଙ୍କର ୯୬୭ ଗ୍ରାମ ସୁନା, ୮.୯ କିଲୋଗ୍ରାମ ରୂପା ଓ ଚାରି ଲକ୍ଷ ମୂଲ୍ୟର ହୀରା ଥିଲା। ଏହାସହିତ ତାଙ୍କର ମୋଟ ସମ୍ପତ୍ତିର ମୂଲ୍ୟ ପ୍ରାୟ ୨୦ କୋଟି।