ଆଜିକାଲି ଅନୁରାଗ କଶ୍ୟପ ତାଙ୍କର ଆଗାମୀ ଚଳଚ୍ଚିତ୍ର 'ଦୋବାରା' କୁ ନେଇ ଚର୍ଚ୍ଚାରେ ଅଛନ୍ତି। ଏନେଇ ସେ ଅନେକ ସାକ୍ଷାତକାର କରୁଛନ୍ତି ଏବଂ ବିଭିନ୍ନ ବିବୃତ୍ତି ଦେଉଛନ୍ତି। ନିକଟରେ ଅନୁରାଗ କଶ୍ୟପ ହିନ୍ଦୀ ଚଳଚ୍ଚିତ୍ରର ଫ୍ଲପ୍କୁ ନେଇ ଅନେକ କଥା କହିଛନ୍ତି। ସେ କହିଛନ୍ତି ଯେ ଲୋକମାନେ ପନିର ଏବଂ ଖାଦ୍ୟ ସାମଗ୍ରୀ ଉପରେ ଜିଏସ୍ଟି ଦେଉଛନ୍ତି, ତେଣୁ ଫିଲ୍ମ ଦେଖିବା ପାଇଁ ସେମାନଙ୍କ ପାଖରେ ଟଙ୍କା ନାହିଁ। ଏହା ବ୍ୟତୀତ ସେ ସାଉଥ୍ ସିନେମା ବନାମ ବଲିଉଡ୍କୁ ନେଇ ମଧ୍ୟ ଖୁଲାସା କରିଛନ୍ତି।
ନିଜ ଚଳଚ୍ଚିତ୍ର ଦୋବାରାକୁ ପ୍ରମୋଟ୍ କରୁଥିବା ଅନୁରାଗ କାଶ୍ୟପ ପ୍ରତିଦିନ ବିଭିନ୍ନ ପ୍ରସଙ୍ଗରେ ନିଜର ବିଚାରକୁ ଶେୟାର କରୁଛନ୍ତି। ନିକଟରେ ସେ ତାଙ୍କର ଦୁଇ ପୂର୍ବ ପତ୍ନୀଙ୍କ ସହ ଫଟୋ ଶେୟାର କରିଛନ୍ତି। ତାପସୀ ପନ୍ନୁ ଷ୍ଟାରର୍ ‘ଦୋବାରା’ର ପ୍ରଚାର ଭିତରେ ଅନୁରାଗ କଶ୍ୟପ ମଙ୍ଗଳବାର ତାଙ୍କ ପୂର୍ବତନ ପତ୍ନୀ ଆରତୀ ବଜାଜ ଏବଂ କଲ୍କି କେକଲାଙ୍କ ସହ ସୋସିଆଲ ମିଡିଆରେ ଏକ ସୁନ୍ଦର ଫଟୋ ଶେୟାର କରିଛନ୍ତି।
ଏହି ଫଟୋରେ ସେ ଆରତୀ ଏବଂ କଲ୍କିଙ୍କ ମଧ୍ୟରେ ଠିଆ ହୋଇଥିବା ନଜର ଆସିଛନ୍ତି। ଫଟୋ ସହିତ ସେ ଏକ ସୁନ୍ଦର କ୍ୟାପ୍ସନ ମଧ୍ୟ ଲେଖିଛନ୍ତି। କ୍ୟାପ୍ସନ୍ରେ ସେ ନିଜ ପତ୍ନୀଙ୍କୁ ଜୀବନର ଦୁଇଟି ସ୍ତମ୍ଭ ବୋଲି ବର୍ଣ୍ଣନା କରିଛନ୍ତି। ପ୍ରକାଶଥଉ ଯେ ଅନୁରାଗ କଶ୍ୟପ ୧୯୯୭ରେ ଆରତୀଙ୍କୁ ବିବାହ କରିଥିଲେ ଏବଂ ୨୦୦୯ରେ ତାଙ୍କଠାରୁ ଅଲଗା ହୋଇଥିଲେ। ଅନୁରାଗଙ୍କର ଆରତୀଙ୍କଠାରୁ ଏକ ଝିଅ ଅଛି, ଯାହାଙ୍କ ନାମ ଆଲିଆ କଶ୍ୟପ। ବାପାଙ୍କ ଫଟୋ ଉପରେ ମନ୍ତବ୍ୟ ଦେଇ ଆଲିଆ କଶ୍ୟପ ‘ଆଇକନିକ୍’ ବୋଲି ଲେଖିଛନ୍ତି।
ଆରତୀଙ୍କଠାରୁ ଅଲଗା ହେବା ପରେ ଅନୁରାଗ କଶ୍ୟପ ୨୦୧୧ରେ କଲ୍କି କେକଲାଙ୍କୁ ବିବାହ କରିଥିଲେ ଏବଂ ଉଭୟ ୨୦୧୫ରେ ଅଲଗା ହୋଇଥିଲେ। ଫଟୋରେ ଦୁହେଁ ଏକାଠି ବହୁତ ଖୁସି ଥିବା ଦେଖିବାକୁ ମିଳେ। ଅନୁରାଗ କଶ୍ୟପଙ୍କ ଫିଲ୍ମ ‘ଦୋବାରା’ ଏହି ଶୁକ୍ରବାର ଅର୍ଥାତ ଅଗଷ୍ଟ ୧୯ରେ ପ୍ରେକ୍ଷାଳୟରେ ମୁକ୍ତିଲାଭ କରିବ।