ଅଲ୍ଲୁ ଅର୍ଜୁନ ରାତି ସାରା ଜେଲ୍ରେ ରହିବା ପରେ ୧୪ ଡିସେମ୍ବର ସକାଳେ ଜେଲରୁ ବାହାରିଛନ୍ତି । ସକାଳ ପ୍ରାୟ ୬.୪୦ ସମୟରେ ହାଇଦ୍ରାବାଦର ଚଞ୍ଚଲଗୁଡ଼ା ଜେଲରୁ ସେ ବାହାରିଥିଲେ । ତାଙ୍କୁ ରିସିଭ କରିବା ପାଇଁ ତାଙ୍କ ବାପା ଅଲ୍ଲୁ ଅରବିନ୍ଦ ଜେଲ୍ ପାଖକୁ ଆସିଥିବା ବେଳେ ଅସଂଖ୍ୟ ଫ୍ୟାନ୍ସ ମଧ୍ୟ ଜେଲ୍ ବାହାରେ ଛିଡ଼ା ହୋଇଥିଲେ । ଡିସେମ୍ବର ୧୩ରେ ତେଲେଙ୍ଗାନା ହାଇକୋର୍ଟ ଅଲ୍ଲୁ ଅର୍ଜୁନଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଥିଲେ । କିନ୍ତୁ ଜାମିନ କାଗଜପତ୍ର ଜେଲ କର୍ତ୍ତୃପକ୍ଷଙ୍କ ନିକଟରେ ପହଞ୍ଚିବାରେ ବିଳମ୍ବ ହୋଇଥିଲା । ଏହି କାରଣରୁ ତାଙ୍କୁ ସାରା ରାତି ଜେଲରେ ରହିବାକୁ ପଡିଲା । ବର୍ତ୍ତମାନ ଖବର ଅଛି ଯେ ଅଲ୍ଲୁ ରାତି ସାରା ଜେଲ ଚଟାଣରେ ବିତାଇଥିଲେ ।
Also Read
ତେବେ ପୂରା କାହାଣୀ ହେଉଛି, ଡିସେମ୍ବର ୪ ରେ ହାଇଦ୍ରାବାଦର ସନ୍ଧ୍ୟା ଥିଏଟରରେ ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ଘଟିଥିଲା। ଏହା ପରେ ଅଲ୍ଲୁ ଅର୍ଜୁନ, ତାଙ୍କ ସୁରକ୍ଷା ଦଳ ଏବଂ ସନ୍ଧ୍ୟା ଥିଏଟର ବିରୋଧରେ ଏକ ମାମଲା ରୁଜୁ ହୋଇଥିଲା । ତେଣୁ ଡିସେମ୍ବର ୧୩ ତାରିଖ ସକାଳେ ପୋଲିସ ଅଲ୍ଲୁ ଅର୍ଜୁନଙ୍କ ଘରେ ପହଞ୍ଚିଥିଲା । ଯେଉଁଠାରୁ ତାଙ୍କୁ ଗିରଫ କରାଯାଇଥିଲା। ପ୍ରଥମେ ନାମପାଲି କୋର୍ଟ ତାଙ୍କୁ ୧୪ ଦିନ ପାଇଁ ନ୍ୟାୟିକ ହେପାଜତକୁ ପଠାଇଲେ । ତା’ପରେ ତେଲେଙ୍ଗାନା ହାଇକୋର୍ଟ ତାଙ୍କୁ ଅନ୍ତରୀଣ ଜାମିନ ପ୍ରଦାନ କରିଥିଲେ ।
ଏହି କାର୍ଯ୍ୟକ୍ରମ ବିଳମ୍ବିତ ରାତି ପର୍ଯ୍ୟନ୍ତ ଚାଲିଥିଲା । ତେଣୁ ଅଲ୍ଲୁ ଅର୍ଜୁନଙ୍କୁ ୧୩ ଡିସେମ୍ବରର ପୂରା ରାତି ଜେଲ୍ରେ ବିତାଇବାକୁ ପଡିଲା । ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ଅଲ୍ଲୁ ଅର୍ଜୁନ କଏଦୀ ନଂ ୭୬୯୭ ଥିଲେ । ଏହାସହ ସୂତ୍ରରୁ ପ୍ରକାଶ ଯେ ଅଲ୍ଲୁ ଅର୍ଜୁନ ରାତି ସାରା ଜେଲ ଚଟାଣରେ ବିତାଇଥିଲେ । ପରେ ୧୪ ଡିସେମ୍ବର ସକାଳେ ସମସ୍ତ କାଗଜପତ୍ର କାମ ସରିବା ପରେ ତାଙ୍କୁ ଜାମିନ ପ୍ରଦାନ କରାଯାଇଥିଲା।
ଅଲ୍ଲୁ ଅର୍ଜୁନଙ୍କ ଗିରଫଦାରୀ ଠାରୁ ଜାମିନ ପାଇବା ପର୍ଯ୍ୟନ୍ତ ଏହି ୧୮ ଘଣ୍ଟା ମଧ୍ୟରେ ଅନେକ ଘଟଣା ଘଟିଛି । ଗିରଫ ପରେ ବହୁ ନେତା ଏବଂ ଅଭିନେତାଙ୍କ ପ୍ରତିକ୍ରିୟା ପ୍ରକାଶ ପାଇଥିଲା । ସମସ୍ତେ କହିଥିଲେ ଯେ ଏହି ଦୁର୍ଘଟଣାର ଦୋଷ କେବଳ ଅଲ୍ଲୁ ଅର୍ଜୁନଙ୍କ ଉପରେ ଲଗାଯିବା ଉଚିତ୍ ନୁହେଁ । ଅଲ୍ଲୁଙ୍କ ସହ ପୋଲିସର ଅସଦାଚରଣ ସମ୍ପର୍କରେ ମଧ୍ୟ ଖବର ଆସିଥିଲା। କୁହାଗଲା ଯେ ପୋଲିସ ଅଲ୍ଲୁଙ୍କ ସହ ଖରାପ ବ୍ୟବହାର କରିଛି । ଯାହା ଉପରେ ପୋଲିସକୁ ମଧ୍ୟ ସ୍ପଷ୍ଟୀକରଣ ଦେବାକୁ ପଡିଲା ।