ଆଲିଆ ଭଟ୍ଟଙ୍କୁ ସାଂଘାତିକ ରୋଗ! ସାଇକୋଲୋଜିକାଲ୍ ଟେଷ୍ଟ୍ ପରେ ଜଣାପଡ଼ିଲା

ଆଲିଆ ଭଟ୍ଟ ଆଜିକାଲି ତାଙ୍କ ଆକ୍ସନ୍-ଥ୍ରୀଲର ଫିଲ୍ମ ‘ଜିଗରା’କୁ ନେଇ ଖୁବ ଚର୍ଚ୍ଚାରେ। ଏହି ଫିଲ୍ମ ୧୧ ଅକ୍ଟୋବର ଦଶହରା ଅବସରରେ ରିଲିଜ୍ ହୋଇଛି। ଏହି ଫିଲ୍ମରେ ଆଲିଆ ଜଣେ ଡେୟାରିଂ ସିଷ୍ଟର୍ ଭୂମିକାରେ ଅଭିନୟ କରିଛନ୍ତି, ଯିଏ ତାଙ୍କ ନିର୍ଦ୍ଦୋଷ ଭାଇକୁ ଜେଲ୍‌ରୁ ମୁକ୍ତ କରିବାକୁ ଚେଷ୍ଟା କରୁଛନ୍ତି।

ତେବେ ‘ଜିଗ୍‌ରା’ ଥିଏଟରରେ ଚାଲିଥିବାବେଳେ ଆଲିଆ ଭଟ୍ଟଙ୍କ ବିଷୟରେ ଏକ ଆଶ୍ଚର୍ଯ୍ୟଜନକ ଖବର ଆସିଛି।​ ଆଲିଆ ଭଟ୍ଟ ତାଙ୍କ ଅସୁସ୍ଥତାକୁ ନେଇ ପ୍ରକାଶ କରିଛନ୍ତି। ତେବେ ଏହା ସମସ୍ତେ ଜାଣନ୍ତି ଯେ ଆଲିଆ ଭଟ୍ଟଙ୍କର ADHD ବା ଆଟେନ୍‌ସନ୍ ଡିଫିସିଏଟ୍ ହାଇଆକ୍ଟିଭିଟି ଡିସ୍‌ଅର୍ଡର୍ ଅଛି।

ଏହି ରୋଗରେ ଧ୍ୟାନର ଅଭାବ ହେବା ସହିତ ଟିକେ ଟିକେ କଥାରେ ଚିଡିଚିଡା ଏବଂ ହଠାତ ରାଗିବା ଭଳି ପ୍ରତିକ୍ରିୟା ଦେଖାଯାଏ। ବର୍ତ୍ତମାନ ଆଲିଆ ତାଙ୍କର ଏହି ରୋଗକୁ ନିଶ୍ଚିତ କରିଛନ୍ତି।

ଆଲିଆଙ୍କୁ ପିଲାଦିନର ରୋଗ:

ଆଲିଆ ଏକ ସାକ୍ଷାତକାରରେ କହିଛନ୍ତି ଯେ ତାଙ୍କୁ ADHD ରୋଗ ହୋଇଥିବା ଜଣାପଡିଛି। ଏକ ସାଇକୋଲୋଜିକାଲ୍ ଟେଷ୍ଟ୍ ପରେ ଏସବୁ ସାମ୍ନାକୁ ଆସିଛି। ଆଲିଆ ଭଟ୍ଟ କହିଛନ୍ତି ଯେ ପିଲାଦିନେ ସେ ତାଙ୍କ ଶ୍ରେଣୀର ପିଲାମାନଙ୍କଠାରୁ ଦୂରରେ ରହୁଥିଲେ ଏବଂ ବେଳେବେଳେ କଥାବାର୍ତ୍ତା ସମୟରେ ରାଗି ଯାଉଥିଲେ। ନିକଟରେ ଆଲିଆ ତାଙ୍କ ରୋଗ ବିଷୟରେ ଜାଣିବାକୁ ପାଇଛନ୍ତି। ଯେତେବେଳେ ଆଲିଆ ତାଙ୍କ ସାଙ୍ଗମାନଙ୍କୁ ତାଙ୍କ ଅସୁସ୍ଥତା ବିଷୟରେ କହିଥିଲେ, ଆଲିଆଙ୍କ ସାଙ୍ଗମାନେ ତାଙ୍କୁ କହିଥିଲେ ଯେ ସେମାନେ ପୂର୍ବରୁ ଜାଣିଥିଲେ।

ଆଲିଆ କହିଛନ୍ତି, “ମୁଁ ବୁଝିଗଲି ଯେ ମୁଁ କ୍ୟାମେରା ଆଗରେ କାହିଁକି ଶାନ୍ତ, ଯେତେବେଳେ ବି ମୁଁ କ୍ୟାମେରା ଆଗରେ ଥାଏ, ମୁଁ ମୋର ଭୂମିକା ଉପରେ ଧ୍ୟାନ ରଖେ ଏବଂ ମୁଁ ମଧ୍ୟ ରାହା ସହିତ ନର୍ମାଲ ରୁହେ। ଏଥି ସହିତ, ଆଲିଆ ତାଙ୍କ ଷ୍ଟାର ବୋହୂ କରୀନା କପୁରଙ୍କ ଚାଟ୍ ଶୋ’ ‘ହ୍ୱାଟ୍ ୱିମ୍ୟାନ୍ ୱାଣ୍ଟ୍ସ’ରେ ପ୍ରକାଶ କରିଥିଲେ ଯେ ସେ ଏଞ୍ଜାଇଟି ସହ ସଂଘର୍ଷ କରୁଛନ୍ତି।

ଯେତେବେଳେ ପାପାରାଜି ଆଲିଆ ଏବଂ ରଣବୀରଙ୍କ ସହ ରାହାଙ୍କ ପ୍ରଥମ ଫଟୋ ସୋସିଆଲ ମିଡିଆରେ ପୋଷ୍ଟ କରିଥିଲେ, ସେତେବେଳେ ଅଭିନେତ୍ରୀ ରାଗିଯାଇଥିଲେ। ଆଲିଆ ଚାହୁଁ ନ ଥିଲେ ଯେ ତାଙ୍କ ଝିଅର ଚେହେରା ସର୍ବସାଧାରଣରେ ପ୍ରକାଶ ପାଉ। ତେବେ ଏହି ରୋଗ ପ୍ରାୟତଃ ପିଲାମାନଙ୍କଠାରେ ଦେଖାଯାଏ।

ADHD ରୋଗ କ’ଣ:

ADHD ହେଉଛି ଏକ ନ୍ୟୁରୋଡେଭେଲପମେଣ୍ଟାଲ୍ ଅବସ୍ଥା ଯାହା ପିଲାଦିନରୁ ଆରମ୍ଭ ହୁଏ ଏବଂ ବଡ ହେବା ପର୍ଯ୍ୟନ୍ତ ରହିଥାଏ। ଏହି କାରଣରୁ, ଜଣେ ବ୍ୟକ୍ତିର ଦୈନନ୍ଦିନ କାର୍ଯ୍ୟ ଏବଂ ଜୀବନର ଗୁଣବତ୍ତା ବହୁତ ପ୍ରଭାବିତ ହୁଏ। ଏହି ରୋଗରେ ପୀଡିତ ବ୍ୟକ୍ତି ଯେକୌଣସି କାର୍ଯ୍ୟରେ ଏକାଗ୍ରତା ବଜାୟ ରଖିବାରେ ଅସୁବିଧାର ସମ୍ମୁଖୀନ ହୁଅନ୍ତି।

ଏହି ସମସ୍ୟା ହେତୁ ଆଲିଆ ଭଟ୍ଟ ତାଙ୍କ ବିବାହରେ ମେକ୍‌ଅପ୍ କଳାକାରଙ୍କୁ ୨ଘଣ୍ଟା ପାଇଁ ମେକ୍ଅ‌ପ୍ ଟେବୁଲରେ ବସିବାକୁ ମନା କରିଦେଇଥିଲେ।  ସେ ୪୫ ମିନିଟରୁ ଅଧିକ ସମୟ ପାଇଁ ମେକଅପ୍ ଚେୟାରରେ ବସିପାରିବେ ନାହିଁ, ତେଣୁ ସେ ସର୍ବନିମ୍ନ ମେକ୍‌ଅପ୍ ପ୍ରୟୋଗ କରନ୍ତି।