ରିଭା ଅରୋରା କରିଛନ୍ତି ମାତ୍ର ୪ଟି ଫିଲ୍ମ; ଏବେ ୮.୨ କୋଟିର ମାଲିକାଣୀ

‘ଉରି ଦି ସର୍ଜିକାଲ୍ ଷ୍ଟ୍ରାଇକ୍’ ଚଳଚ୍ଚିତ୍ରରେ ଭିକି କୌଶଲଙ୍କ ସହ କାମ କରି ପ୍ରସିଦ୍ଧ ହୋଇଥିବା ଅଭିନେତ୍ରୀ ରିଭା ଅରୋରା ବର୍ତ୍ତମାନ ବହୁତ ବଡ ହୋଇଯାଇଛନ୍ତି। ସେ ଏବେ ୧୮ ବର୍ଷର ଯୁବତୀ। ରିଭା ସୋସିଆଲ ମିଡିଆରେ ବହୁତ ସକ୍ରିୟ ଏବଂ ପ୍ରତିଦିନ ତାଙ୍କର କିଛି ନା କିଛି ଫଟୋ ଶେୟାର୍ କରନ୍ତି।

ରିଭାଙ୍କ ପରିବର୍ତ୍ତିତ ଲୁକ୍ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ସେ ବଲିଉଡରେ ମାତ୍ର ଚାରୋଟି ଫିଲ୍ମରେ କାମ କରିଛନ୍ତି ଏବଂ ତାଙ୍କର ପ୍ରଶଂସକଙ୍କ ସଂଖ୍ୟା କୌଣସି ଜଣେ ଶ୍ରେଷ୍ଠ ଅଭିନେତ୍ରୀଙ୍କ ତୁଳନାରେ କମ୍ ନୁହେଁ। ଫ୍ୟାନ୍ସ ଓ ଫଲୋର୍ସଙ୍କ ମାମଲାରେ ସେ ମଧ୍ୟ ଅନେକ ଅଭିନେତ୍ରୀଙ୍କୁ ପଛରେ ପକାଇ ଦେଇଛନ୍ତି।

ରିଭା ଅରୋରା ତାଙ୍କ ଅଭିନୟ କ୍ୟାରିୟରରେ ୪ଟି ଫିଲ୍ମ ଏବଂ ୱେବ୍ ସିରିଜରେ ମଧ୍ୟ କାମ କରିଛନ୍ତି। ସେ ପ୍ରଥମେ ‘ମର୍ଦ କୋ ଦର୍ଦ ନେହିଁ ହୋତା’ ଫିଲ୍ମରେ କାମ କରିଥିଲେ, ଏହି ଚଳଚ୍ଚିତ୍ର ୨୦୧୮ ରେ ମୁକ୍ତିଲାଭ କରିଥିଲା। ଏହା ପରେ ସେ ‘ଉରି ଦି ସର୍ଜିକାଲ୍ ଷ୍ଟ୍ରାଇକ୍’, ‘ସେକ୍ସ ୩୭୫’ ଏବଂ ‘ଗୁଞ୍ଜନ ସକ୍ସେସ୍ ଦ କାର୍ଗିଲ୍ ଗାର୍ଲ’ରେ କାମ କରିଥିଲେ।

ଏହି ଚାରୋଟି ଚଳଚ୍ଚିତ୍ରରେ ରିଭାଙ୍କ ଅଭିନୟକୁ ବହୁତ ପ୍ରଶଂସା କରାଯାଇଥିଲା। ରିଭା ଟିଭିଏଫ୍ ଟ୍ରିପଲିଂରେ ମଧ୍ୟ କାମ କରିଥିଲେ। ତାଙ୍କୁ ଶୋ’ର ଏକ ଗୀତରେ ଦେଖିବାକୁ ମିଳିଥିଲା। ଚଳଚ୍ଚିତ୍ର ବ୍ୟତୀତ ରିଭା ଅନେକ ମ୍ୟୁଜିକାଲ୍ ଭିଡିଓରେ ମଧ୍ୟ ଅଭିନୟ କରିଛନ୍ତି।

ରିଭା ମଧ୍ୟ ମହଙ୍ଗା କାର୍‌କୁ ବହୁତ ଭଲ ପାଆନ୍ତି। ଯେତେବେଳେ ଇନ୍‌ଷ୍ଟାଗ୍ରାମ୍‌ରେ ତାଙ୍କର ୧୦ ମିଲିୟନ୍ ଫଲୋର୍ସ ଥିଲେ, ସେତେବେଳେ ସେ ଏକ ଅଡି Q3 କିଣିଥିଲେ। ଏକ ରିପୋର୍ଟ ଅନୁଯାୟୀ, ରିଭାଙ୍କର ମୋଟ ସମ୍ପତ୍ତିର ମୂଲ୍ୟ ପ୍ରାୟ ୮.୨ କୋଟି ଟଙ୍କା। ରିଭା ଅନେକ ବଡ ବଡ ବ୍ରାଣ୍ଡକୁ ମଧ୍ୟ ସମର୍ଥନ କରନ୍ତି। ଯେଉଁଥିରୁ ସେ ଭଲ ପରିମାଣ ରୋଜଗାର କରନ୍ତି।

ଇନ୍‌ଷ୍ଟାଗ୍ରାମରେ ଫଲୋ କରୁଥିବା ରିଭାଙ୍କ ପ୍ରଶଂସକ କରିସ୍ମା କପୁରଙ୍କ ଅପେକ୍ଷା ଅଧିକ। କରିସ୍ମାଙ୍କ ଫଲୋର୍ସ ୮.୩ ମିଲିୟନ ହୋଇଥିବା ବେଳେ ରିଭାଙ୍କୁ ୧୧.୨ ମିଲିୟନ ଲୋକ ଫଲୋ କରୁଛନ୍ତି। ଫଲୋଇଙ୍ଗ୍ ମାମଲାରେ ରିଭା କ୍ରିତି ଖରବଣ୍ଡାଙ୍କୁ ମଧ୍ୟ ପଛରେ ପକାଇ ଦେଇଛନ୍ତି। ଏହାସହିତ ଆହୁରି ଅନେକ ମଧ୍ୟ ବଲିଉଡ ଅଭିନେତ୍ରୀ ଅଛନ୍ତି, ଯେଉଁମାନଙ୍କଠାରୁ ରିଭାଙ୍କର ଅଧିକ ପ୍ରଶଂସକ ଅଛନ୍ତି।