ପଙ୍କଜ ତ୍ରିପାଠୀଙ୍କ ପ୍ରେମ କାହାଣୀ; ବିଶେଷ ଭୂମିକା ନେଇଥିଲା ରୁମାଲ୍‌

ପଙ୍କଜ ତ୍ରିପାଠୀ ହିନ୍ଦୀ ସିନେମା ଜଗତରେ ଏକ ବଡ ନାଁ, ଯିଏ ସବୁ ବର୍ଗର ଫିଲ୍ମ କରିପାରନ୍ତି। ସାଧାସିଧା ଦେଖାଯାଉଥିବା ତ୍ରିପାଠୀ ମଧ୍ୟ ବାସ୍ତବ ଜୀବନରେ ବହୁତ ରୋମାଣ୍ଟିକ୍। ସେ ଅନେକ ସମୟରେ ନିଜ ପ୍ରେମ କାହାଣୀକୁ ଅନେକ ପ୍ଲାଟଫର୍ମରେ ଶେୟାର କରିଛନ୍ତି। ଏଥର ତାଙ୍କ ପତ୍ନୀ ମୃଦୁଲା ସେହିଦିନର ପ୍ରେମ କାହାଣୀ କହିଛନ୍ତି।

ଫିଲ୍ମ ନିର୍ମାତା ଅତୁଲ ତୈଶେତେଙ୍କ ସହ ବାର୍ତ୍ତାଳାପରେ ଅଭିନେତା ପଙ୍କଜ ତ୍ରିପାଠୀଙ୍କ ପତ୍ନୀ ମୃଦୁଲା ପ୍ରକାଶ କରିଛନ୍ତି ଯେ ସେ ପ୍ରଥମେ ଅଭିନେତାଙ୍କୁ ଏକ ଫଟୋଗ୍ରାଫରେ ଦେଖିଥିଲେ ଏବଂ ସେମାନଙ୍କର ପ୍ରେମ କାହାଣୀ ୧୯୯୩ରେ ଆରମ୍ଭ ହୋଇଥିଲା। ଏହା ପରେ ଦୁହେଁ ୨୦୦୪ ମସିହାରେ ବିବାହ କରିଥିଲେ। ମୃଦୁଲା କହିଛନ୍ତି, ସେମାନେ ପ୍ରଥମ ଥର ପାଇଁ ୨୩ ମେ ୧୯୯୩ରେ ଭେଟ ହୋଇଥିଲେ।

ଫଟୋରୁ ପ୍ରେମ:

ମୃଦୁଲା କହିଛନ୍ତି, “ଏହାପୂର୍ବରୁ ଆମେ ପରସ୍ପରଙ୍କୁ ଫଟୋରେ ଦେଖିଥିଲୁ। ଏହି ଫଟୋ ମୋ ଭାଇଙ୍କ ବିବାହ ପାଇଁ ଥିଲା। ଗୋଟିଏ ଝିଅର ଫଟୋ ଆସିଥିଲା​। ଫଟୋରେ ତାଙ୍କର ଦୁଇ ଭାଇ ଏବଂ ବାପାମାଆ ଥିଲେ। ଏହା ସେତେବେଳେ ଆସିଥିଲା ଯେତେବେଳେ ମୁଁ ନବମରେ ପଢୁଥିଲି ଏବଂ ସେ ଏକାଦଶରେ।

ସ୍କୁଲ୍‌ରେ ଥଟ୍ଟା:

ମୃଦୁଲା କହିଛନ୍ତି ଯେ ସେ ଏହି ଫଟୋକୁ ନିଜ ବ୍ୟାଗ୍‌ରେ ରଖି ସ୍କୁଲକୁ ନେଇ ଯାଇଥିଲେ, ଯାହାକୁ ଦେଖି ତାଙ୍କ ସାଙ୍ଗମାନେ ତାଙ୍କୁ ବହୁତ ଥଟ୍ଟା କରୁଥିଲେ। ସେମାନେ କହୁଥିଲେ ସାନ ଭାଇ ତୁମ ସହିତ ଭଲ ମାନିବ। ତେବେ ତାଙ୍କ ଭାଇଙ୍କ ତିଲକ ଦିନରେ ମୃଦୁଲା ପ୍ରଥମ ଥର ପାଇଁ ପଙ୍କଜଙ୍କୁ ଦେଖିଥିଲେ।

ପ୍ରେମର ଦୀର୍ଘ ଯାତ୍ରା:

ସେ ପୁଣି କହିଛନ୍ତି ଯେ “ମୁଁ ପଙ୍କଜଙ୍କୁ ଏବେ ବି କୁହେ ଯେ ମୁ ତୁମକୁ ସେବେ ଦେଖିଥିଲି ଯେତେବେଳେ ତୁମର ଦାଢି ଉଠିବା ଆରମ୍ଭ ହେଉଥିଲା ଏବଂ ବର୍ତ୍ତମାନ ମୁଁ ତୁମକୁ ଦେଖୁଛି ଯେତେବେଳେ ତୁମେ ଚଷମା ପିନ୍ଧୁଛ। ଏହା ଏକ ଦୀର୍ଘ ଯାତ୍ରା ଅଟେ।”

ପ୍ରେମ କାହାଣୀରେ ରୁମାଲ:

ପ୍ରେମ କାହାଣୀକୁ ନେଇ ମୃଦୁଲା ଆହୁରି କହିଛନ୍ତି ଯେ “ଆମେ ଦୁହେଁ ପରସ୍ପରକୁ ପସନ୍ଦ କରିବା ଆରମ୍ଭ କଲୁ ଏବଂ ତା’ପରେ କାହାଣୀକୁ ଆଗକୁ ନେବା ପାଇଁ ପରସ୍ପରକୁ ଭେଟିବାର କାରଣ ଖୋଜିବା ଆରମ୍ଭ କଲୁ।” ପଙ୍କଜଙ୍କ ପତ୍ନୀ କହିଛନ୍ତି ଯେ ତାଙ୍କ ପ୍ରେମ କାହାଣୀରେ ରୁମାଲ ଏକ ବିଶେଷ ଭୂମିକା ଗ୍ରହଣ କରିଥିଲା।

ଏକ ମଜାଦାର ଘଟଣା ଶେୟାର କରି ସେ କହିଛନ୍ତି ଯେ “ଆମ ଭିତରେ କଥାବାର୍ତ୍ତା ଆରମ୍ଭ ଏମିତି ହେଲା ଯେ ଯଦି ତୁମେ ହାତ ଧୋଇବ ତେବେ ତୁମର ରୁମାଲ ଦରକାର ହେବ ଏବଂ ଏହାକୁ ଦେବା ଦ୍ୱାରା ହାତ ଟଚ୍ ହେବାରେ ଥିଲା, ଯାହା ତୁମକୁ ଏକ ଭିନ୍ନ ଅନୁଭବ ଦେଇଥିବ। ତା’ପରେ ଏହି ସିଲ୍‌ସିଲା ଆଗକୁ ଗଲା। ମୁଁ ପଙ୍କଜକୁ ‘ଆପଣ’ ବୋଲି କହୁଥିଲି।

ମା’ କହୁଥିଲେ ଭାଇ ଡାକିବାକୁ:

ବିଶେଷ କଥା ହେଉଛି ଯେ ଏହାକୁ ନେଇ ମା’ଙ୍କର କୌଣସି ଧାରଣା ନ ଥିଲା ଏବଂ ସେ ମୋତେ ପଙ୍କଜଙ୍କୁ ଭାଇ ଡାକିବାକୁ କହୁଥିଲେ। କାରଣ ସେ ମୋ ଭାଉଜଙ୍କ ଭାଇ ଏବଂ ମୋ ଠାରୁ ଦୁଇ ବର୍ଷ ବଡ ଥିଲେ। ସମସ୍ୟା ଥିଲା ଯେ ମୁଁ ତାଙ୍କୁ ଭାଇ ବୋଲି କହିପାରୁ ନଥିଲି। ମୁଁ ‘ପଙ୍କଜ ଜୀ’ ବୋଲି କହୁଥିଲି ଏବଂ ତାଙ୍କୁ କେବେ ବି ଭାଇ କିମ୍ବା ପଙ୍କଜ ବୋଲି କହି ନଥିଲି।”

ମୃଦୁଲା କହିଛନ୍ତି ଯେ ସେ ପଙ୍କଜଙ୍କୁ ‘ପତି’ ବୋଲି କହି ଡାକନ୍ତି। ପଙ୍କଜ ଏବଂ ମୃଦୁଲାଙ୍କର ଏକ ଝିଅ ଅଛି, ଯାହାର ନାଁ ଆଶୀ।

ଆଜି ବି ପ୍ରେମ:

ସେ କହିଛନ୍ତି ଯେ “ଆଜି ବି ମୁଁ ତାଙ୍କୁ ପତି କହି ଡାକେ। ଯେତେବେଳେ ସେ ପ୍ରତି ଛଅ ମାସ କିମ୍ବା ବର୍ଷରେ କଲିକତା (କୋଲକାତା) କୁ ଆସୁଥିଲେ, ସେ ଜାଣିଶୁଣି ମୋ ପାଦ ଛୁଉଁଥିଲେ। ସେ ବହୁତ ଦୁଷ୍ଟ। ୧୯୯୩ ରେ ଆରମ୍ଭ ହୋଇଥିବା ଏକ ଛୋଟ ପ୍ରେମ କାହାଣୀ ୨୦୦୪ରେ ବିବାହ ସହିତ ଏକ ସୁନ୍ଦର ସମାପ୍ତ ହୋଇଥିଲା।”

ସେ ପୁଣି କହିଛନ୍ତି ଯେ ଦୁହେଁ ପରସ୍ପରକୁ ସେମାନଙ୍କ ପ୍ରେମ କେବେ ପ୍ରକାଶ କରିନାହାଁନ୍ତି କିନ୍ତୁ ଯେତେବେଳେ ପଙ୍କଜ ତ୍ରିପାଠୀ ଏନ୍‌ଏସ୍‌ଡିରେ ଥିଲେ ମୃଦୁଲା ହିଁ ବିବାହ ପାଇଁ ଅନୁରୋଧ କରିଥିଲେ।