ପ୍ରଥମ ଥର ପାଇଁ ଏହି ରିଆଲିଟି ଶୋ’ରେ ନଜର ଆସିବେ ଆମିର ଖାନ

ବଲିଉଡ୍‌ର 'ପରଫେକ୍ଟନିଷ୍ଟ' ଆମିର ଖାନ ତାଙ୍କର ଆଗାମୀ ଚଳଚ୍ଚିତ୍ର 'ଲାଲ୍‌ ସିଂ ଚଡ୍‌ଢା' କୁ ହିଟ୍ କରିବା ପାଇଁ କୌଣସି ମୌକା ଛାଡୁ ନାହାଁନ୍ତି। ଆଜିକାଲି ସେ ଫିଲ୍ମର ପ୍ରମୋସନରେ ବହୁତ ବ୍ୟସ୍ତ ଅଛନ୍ତି। ଏହି ସମୟରେ ସୋସିଆଲ ମିଡିଆରେ ତାଙ୍କର ଏକ ଭିଡିଓକୁ ଖୁବ୍ ପସନ୍ଦ କରାଯାଉଛି। ଏହି ଭିଡିଓରେ ସେ ଟିଭିର ପିଲାମାନଙ୍କ ଡ୍ୟାନ୍ସ ରିଅଲିଟି ସୋ 'ଡ୍ୟାନ୍ସ ଦିୱାନ ଜୁନିଅର୍ସ'ର ସେଟ୍ ମଞ୍ଚରେ ନଜର ଆସିଛନ୍ତି।

ଆମୀର ଖାନ ଖୁବ୍ ଶୀଘ୍ର ନୀତୁ କପୁର, କୋରିଓଗ୍ରାଫର ମର୍ଜି ପେଷ୍ଟୋନଜୀ ଏବଂ ବଲିଉଡ୍‌ ସୁନ୍ଦରୀ ନୋରା ଫତେହିଙ୍କ ଏହି ଶୋ’ରେ ଅତିଥି ବିଚାରପତି ଭାବରେ ନଜର ଆସିବେ। ଏହି ଶୋ’କ୍ୟ୍ ଅଭିନେତା କରଣ କୁନ୍ଦ୍ରା ହୋଷ୍ଟ୍‌ କରନ୍ତି।

କଲର୍ସ ଟିଭି ଏହାର ଅଫିସିଆଲ୍ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟରେ ଏକ ଭିଡିଓ ଶେୟାର କରିଛି, ଯେଉଁଥିରେ ଆମୀର ଖାନ ଶୋ’ର ସେଟ୍‌ରେ ପିଲାମାନଙ୍କ ସହିତ ମଜା କରୁଥିବା ଦେଖିବାକୁ ମିଳିଛି। ପ୍ରମୋ ଭିଡିଓରେ 'ନାଗିନ୍ ୬'ର ଲିଡ୍ କାଷ୍ଟ୍ ତେଜସ୍ୱୀ ପ୍ରକାଶ ଏବଂ ସିମ୍ବା ନାଗପାଲଙ୍କ ମଧ୍ୟ ନଜର ଆସିଛନ୍ତି।

ଏହି ପ୍ରୋମୋକୁ ଶେୟାର କରି ଚ୍ୟାନେଲ୍‌ କ୍ୟାପସନ୍‌ରେ ଲେଖିଛି ଯେ "ପ୍ରଥା ଓ ଋଷଭଙ୍କ ଉତ୍ସାହ ଦ୍ୱିଗୁଣିତ ହୋଇଛି, କାରଣ ଆମୀର ଖାନ ଗ୍ରାଣ୍ଡ୍‌ ଫାଇନାଲ୍‌ରେ ଆସୁଛନ୍ତି, # ଡ୍ୟାନ୍ସ ଦିୱାନ ଜୁନିଅର୍ସ ଗ୍ରାଣ୍ଡ୍‌ ଫାଇନାଲ୍ ୧୬-୧୭ ଜୁଲାଇ ରାତି ୧୦.୩୦ରେ କେବଳ # କଲର୍ସରେ।

ପ୍ରୋମୋ ଭିଡିଓ ଦେଖିବା ପରେ ପ୍ରଶଂସକଙ୍କ ଉତ୍ସାହ ଆକାଶଛୁଆଁ ହୋଇଛି। ଆମୀର ଖାନ 'ଡ୍ୟାନ୍ସ ଦିୱାନ ଜୁନିଅର'ର ଗ୍ରାଣ୍ଡ୍‌ ଫାଇନାଲ୍ ସପ୍ତାହରେ ପହଞ୍ଚୁଛନ୍ତି ଏବଂ ଏହାର ଫାଇନାଲ୍ ଏପିସୋଡ୍ ୧୬ ଏବଂ ୧୭ ଜୁଲାଇରେ ଷ୍ଟ୍ରିମ୍ ହେବାକୁ ପ୍ରସ୍ତୁତ। ଏହି ସମୟରେ ଆମୀର ଖାନ ତାଙ୍କ ଫିଲ୍ମର ପ୍ରମୋସନ କରୁଥିବା ନଜର ଆସିବେ। ତେବେ ଦୀର୍ଘ ଦିନ ପରେ ଆମୀର ଖାନ ଏକ ଟିଭି ଶୋ’ରେ ଯୋଗଦେବେ।

ପ୍ରାୟ ୪ ବର୍ଷ ପରେ ଆମୀର ଖାନ ‘ଲାଲ୍ ସିଂହ ଚଡ୍‌ଢା’ ମାଧ୍ୟମରେ ରୂପେଲି ପରଦାକୁ ଫେରୁଛନ୍ତି। କେବଳ ପ୍ରଶଂସକ ନୁହଁନ୍ତି ଆମୀର ଖାନ ମଧ୍ୟ ଏହି ଫିଲ୍ମକୁ ନେଇ ବହୁତ ଆଶା ରଖିଛନ୍ତି। ‘ଲାଲ୍ ସିଂହ ଚଡ୍‌ଢା’ ବ୍ଲକ୍‌ବଷ୍ଟର୍‌ ହଲିଉଡ୍‌ ଫିଲ୍ମ 'ଫରେଷ୍ଟ ଗମ୍ପ୍‌'ର ଏକ ଦେଶୀ ରିମେକ୍‌। ଏହି ଚଳଚ୍ଚିତ୍ରରେ ଆମୀର ଖାନ ପୁଣି ଥରେ କରୀନା କପୁରଙ୍କ ସହ ରୋମାନ୍ସ କରୁଥିବା ନଜର ଆସିବେ। ଏହାପୂର୍ବରୁ ଏହି ଯୋଡିଙ୍କୁ ଫିଲ୍ମ ‘୩ ଇଡିଅଟ୍ସ’ ରେ ଦେଖିବାକୁ ମିଳିଥିଲା।​