ବାଜୁଛି ଆମୀରଙ୍କ ଘରେ ଶାହାନାଇ; ଜାଣନ୍ତୁ ଝିଅର ପ୍ରେମ କାହାଣୀ

ବଲିଉଡ୍‌ର ମିଷ୍ଟର ଫର୍‌ଫେକ୍ଟ୍ ଆମୀର ଖାନଙ୍କ ଘରେ ଆଜି ବାଜୁଛି ଶାହାନାଇ। ସେ ଆଜି ତାଙ୍କ ଝିଅକୁ ବିଦା କରିବେ। ତାଙ୍କର ପ୍ରିୟ ଝିଅ ଆୟରା ଖାନ୍‌ ଆଜି ବିବାହ କରୁଛନ୍ତି। ଆମୀରଙ୍କ ସହ ରୀନା ଦତ୍ତା ଏବଂ କିରଣ ରାଓ ମଧ୍ୟ ଏହି ଖୁସି ପରିବେଶକୁ ଖୁବ ଉପଭୋଗ କରୁଛନ୍ତି। ଆୟରା ଫିଟ୍‌ନେସ୍ କୋଚ୍ ନୁପୁର ଶିଖରେଙ୍କୁ ତାଙ୍କ ଜୀବନସାଥୀ ଭାବରେ ବାଛିଛନ୍ତି। ତେବେ ନୁପୁର କିଏ? ସେ ଏବଂ ଆୟାରଙ୍କ ପ୍ରେମ କାହାଣୀ କିପରି ଆରମ୍ଭ ହେଲା? ଆସନ୍ତୁ ସେ ବିଷୟ ଜାଣିବା।

ଆମୀରଙ୍କ ଝିଅ ଆୟରା ଯାହାଙ୍କୁ ବିବାହ କରୁଛନ୍ତି ସେ ତାଙ୍କର ଦୀର୍ଘ ଦିନର ପ୍ରେମିକା ନୁପୁର ଶିଖରେ। ପୂର୍ବରୁ ନୁପୁର ଏବଂ ଆୟରାଙ୍କ ହଳଦୀ ସମାରୋହର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏବେ ସମସ୍ତେ ଦୁହିଁଙ୍କ ବିବାହ ଫଟୋକୁ ଅପେକ୍ଷା କରିଛନ୍ତି।

ତେବେ ନୁପୁର ଶିଖରେ କିଏ ଏବଂ ସେ ଆୟାରଙ୍କୁ କିପରି ଭେଟିଲେ, ଏହା ଏକ ମଜାଦାର କାହାଣୀ। ବୃତ୍ତି ଅନୁଯାୟୀ ନୁପୁର ଜଣେ ଫିଟନେସ୍ ପ୍ରଶିକ୍ଷକ ହୋଇଥିବା ବେଳେ ସେ ଅନେକ ବଲିଉଡ ସେଲିବ୍ରେଟିଙ୍କୁ ଫିଟ୍ ରହିବାକୁ ସାହାଯ୍ୟ କରନ୍ତି।

ନୁପୁର ୧୭ ଅକ୍ଟୋବର ୧୯୮୫ରେ ପୁଣେରେ ଜନ୍ମଗ୍ରହଣ କରିଥିଲେ। ୫ ଫୁଟ ୭ ଇଞ୍ଚ ଉଚ୍ଚ ୩୭ ବର୍ଷ ବୟସ୍କା ନୁପୁର ଜଣେ ଫିଟ୍‌ନେସ୍ ପ୍ରଶିକ୍ଷକ ଭାବରେ କ୍ୟାରିଅର୍ ଆରମ୍ଭ କରିଥିଲେ। ସେ ଆମୀର ଖାନ, ସୁସ୍ମିତା ସେନ୍‌, ଟାଇଗର ଶ୍ରଫ୍‌ଙ୍କ ପରି କଳାକାରମାନଙ୍କୁ ଫିଟ୍‌ନେସ ଟ୍ରେନିଂ ମଧ୍ୟ ଦେଇଛନ୍ତି।

୨୦୨୦ ମସିହାରେ ଯେତେବେଳେ ଲକ୍‌ଡାଉନ୍ ଲାଗୁ ହେଲା, ଏହା ନୁପୁରଙ୍କ ପାଇଁ ଏକ ମୋଡ଼ ଥିଲା। ନୁପୁର ସେହି ସମୟରେ ଆମୀରଙ୍କୁ ଫିଟ୍‌ନେସ୍ ଟ୍ରେନିଂ ଦେଉଥିଲେ। ଲକ୍‌ଡାଉନ୍ ବେଳେ ଆୟରା ଆସି ତାଙ୍କ ବାପାଙ୍କ ସହ ରହିବାକୁ ଲାଗିଲେ। ନୁପୁର ଏବଂ ଆୟରାଙ୍କ ପ୍ରଥମ ସାକ୍ଷାତ ଏଠାରେ ହିଁ ହୋଇଥିଲା।

ଆରମ୍ଭରେ ଆୟରା ମଧ୍ୟ ତାଙ୍କ ଫିଟ୍‌ନେସ୍‌ ପ୍ରତି ଧ୍ୟାନ ଦେବା ଆରମ୍ଭ କରି ନୁପୁରଙ୍କ ଠାରୁ ଫିଟ୍‌ନେସ୍ ଟିପ୍ସ ନେବା ଆରମ୍ଭ କଲେ। ଏହା ପରେ, ଏକ ମାସ ମଧ୍ୟରେ ଦୁହେଁ ଭଲ ବନ୍ଧୁ ହେଲେ ଏବଂ ଧୀରେ ଧୀରେ ପ୍ରେମ ବଢିବାକୁ ଲାଗିଲା। କିଛି ଦିନ ମଧ୍ୟରେ ଦୁହେଁ ପରସ୍ପରଙ୍କ କମ୍ପାନୀକୁ ପସନ୍ଦ କରିବା ଆରମ୍ଭ କଲେ ଏବଂ ଉଭୟ ପରସ୍ପର ପ୍ରତି ଥିବା ପ୍ରେମକୁ ସ୍ୱୀକାର ମଧ୍ୟ କଲେ।

୧୯୯୭ରେ ଜନ୍ମ ହୋଇଥିବା ଆୟରା ଖାନ ଇନଷ୍ଟାଗ୍ରାମରେ ନୁପୁର ଶିଖରଙ୍କ ସହ ଏକ ଫଟୋ ସେୟାର କରି ୨୦୨୧ ମସିହାରେ ସେମାନଙ୍କ ସମ୍ପର୍କକୁ ସାର୍ବଜନୀନ କରିଥିଲେ। ସେ ସ୍ନେହରେ ନୁପୁରକୁ 'ପୋପି' ବୋଲି ଡାକନ୍ତି। ଏହା ପରେ, ସେପ୍ଟେମ୍ବର ୨୦୨୧ରେ ଏକ ଟେନିସ୍ ମ୍ୟାଚ୍ ସମୟରେ ନୁପୁର ସମସ୍ତଙ୍କ ଆଗରେ ଆୟରାଙ୍କୁ ବିବାହ ପ୍ରସ୍ତାବ ଦେଇଥିଲେ ଏବଂ ସେ ହଁ କହିଥିଲେ।

ଦୀର୍ଘ ସମୟ ଧରି ପ୍ରେମ ସଂପର୍କରେ ରହିବା ପରେ, ନୁପୁର ଏବଂ ଆୟାର ଗତ ବର୍ଷ ସେମାନଙ୍କ ସମ୍ପର୍କର ଏକ ସ୍ୱତନ୍ତ୍ର ନାମ ଦେଇଥିଲେ। ଉଭୟ ନଭେମ୍ବର ୧୮ରେ ଏକ ବ୍ୟକ୍ତିଗତ ସମାରୋହରେ ଏନ୍‌ଗେଜ୍‌ମେଣ୍ଟ୍ ହୋଇଥିଲେ। ଏଥିସହିତ ଆମୀର ଖାନ ଏକ ଇଭେଣ୍ଟ ସମୟରେ ସୂଚନା ଦେଇଥିଲେ ଯେ ଉଭୟ ଜାନୁଆରୀରେ ବିବାହ କରିବେ।

ନୁପୁର ଏବଂ ଆୟରା ସେମାନଙ୍କ ବିବାହକୁ ନେଇ ବହୁତ ଉତ୍ସାହିତ ଅଛନ୍ତି ଏବଂ ଉଭୟ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଫଟୋ ମଧ୍ୟ ଶେୟାର କରୁଛନ୍ତି। ହଳଦୀ ସମାରୋହକୁ ନେଇ ଆମୀର ଖାନଙ୍କ ପୂର୍ବତନ ଦୁଇ ପତ୍ନୀ କିରଣ ରାଓ ଏବଂ ରୀନା ଦତ୍ତା ମଧ୍ୟ ସୋସିଆଲ ମିଡିଆରେ ଚର୍ଚ୍ଚାକୁ ଆସିଥିଲେ।