ଶ୍ରୀରାମଙ୍କ 'ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ'କୁ ୧୯ ସେଲିବ୍ରେଟିଙ୍କୁ ନିମନ୍ତ୍ରଣ; ଡକାଯାଇନି ଲକ୍ଷ୍ମଣଙ୍କୁ

ଜାନୁଆରୀ ୨୨ରେ ଅଯୋଧ୍ୟାରେ ପ୍ରସ୍ତାବିତ ଶ୍ରୀରାମ ଜନ୍ମଭୂମି ମନ୍ଦିରର ଭବ୍ୟ 'ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ' ପାଇଁ ପ୍ରସ୍ତୁତି ଜୋରସୋରରେ ଚାଲିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ ଡିସେମ୍ବର ୩୦ରେ ପୁଣି ଥରେ ଅଯୋଧ୍ୟା ଗସ୍ତ କରିବେ। ସେଠାରେ ସେ ନବୀକରଣ ହୋଇଥିବା ଅଯୋଧ୍ୟା ରେଳ ଷ୍ଟେସନ ଏବଂ ଏକ ନୂତନ ବିମାନବନ୍ଦରର ଉଦ୍‌ଘାଟନ କରିବେ। ଏହା ପରେ ୨୨ ଜାନୁଆରୀରେ ପ୍ରାଣ ପ୍ରତିଷ୍ଠା ସମାରୋହ ଅନୁଷ୍ଠିତ ହେବ। ଏଥିରେ ଭାଗ ନେବାକୁ ଚଳଚ୍ଚିତ୍ର ଶିଳ୍ପ, ବ୍ୟବସାୟ ଜଗତ, କ୍ରୀଡା ଏବଂ ରାଜନୀତିର ବ୍ୟକ୍ତିତ୍ୱମାନଙ୍କୁ ନିମନ୍ତ୍ରଣ ପଠାଯାଇଛି।

ତେବେ ଜାନୁଆରୀ ୨୨ ରେ ଅଯୋଧ୍ୟାରେ ଆୟୋଜିତ ହେବାକୁ ଥିବା ଏହି ଭବ୍ୟ କାର୍ଯ୍ୟକ୍ରମ'କୁ ଭାରତୀୟ ଚଳଚ୍ଚିତ୍ର ଶିଳ୍ପର ୧୯ ଜଣ ବଡ ବଡ କଳାକାରଙ୍କୁ ନିମନ୍ତ୍ରଣ କରାଯାଇଛି। ଦୀପିକା ଚିଖ୍‌ଲିଆ ଏବଂ ଅରୁଣ ଗୋଭିଲ ମଧ୍ୟ ଏଥିରେ ସାମିଲ୍ ହେବେ। ଏହି ୧୯ ଜଣ କଳାକାରଙ୍କ ମଧ୍ୟରେ ୧୨ ତାରକା ବଲିଉଡର ଏବଂ ୭ ଜଣ ସାଉଥ ଫିଲ୍ମ ଇଣ୍ଡଷ୍ଟ୍ରିର ଅଛନ୍ତି। ତେବେ ଆସନ୍ତୁ ଏହି କାର୍ଯ୍ୟକ୍ରମରେ ସାମିଲ୍ ହେବାକୁ ଥିବା ଏହି ସେଲିବ୍ରେଟିଙ୍କୁ ଜାଣିନେବା।

ଚଳିତ ବର୍ଷ ମୁକ୍ତିଲାଭ କରିଥିବା 'ଆଦିପୁରୁଷ'ର ଭଗବାନ ଶ୍ରୀରାମ ଭୂମିକାରେ ଅଭିନୟ କରିଥିବା ପ୍ରଭାସଙ୍କୁ ମଧ୍ୟ ନିମନ୍ତ୍ରଣ କରାଯାଇଛି। ପ୍ରଭାସଙ୍କ ବ୍ୟତୀତ ଧନୁଷ, ଋଷଭ ଶେଟ୍ଟୀ ଏବଂ ମୋହନଲାଲଙ୍କୁ ମଧ୍ୟ ନିମନ୍ତ୍ରଣ ପଠାଯାଇଛି।

ନୀତୀଶ ତିୱାରୀଙ୍କ 'ରାମାୟଣ'ରେ ରାମ ଭୂମିକାରେ ଅଭିନୟ କରିବାକୁ ଥିବା ରଣବୀର କପୁର ଏବଂ ତାଙ୍କ ଅଭିନେତ୍ରୀ ପତ୍ନୀ ଆଲିଆ ଭଟ୍ଟ ମଧ୍ୟ ଏହି 'ପ୍ରାଣ ପ୍ରତିଷ୍ଠା 'କାର୍ଯ୍ୟକ୍ରମରେ ଅଂଶଗ୍ରହଣ କରିବେ। ଏଥିପାଇଁ ଦମ୍ପତିଙ୍କୁ ନିମନ୍ତ୍ରଣ ପଠାଯାଇଛି।

ବଲିଉଡ୍‌ ମେଗାଷ୍ଟାର ଅମିତାଭ ବଚ୍ଚନଙ୍କୁ ମଧ୍ୟ ଏହି ଭବ୍ୟ କାର୍ଯ୍ୟକ୍ରମରେ ଭାଗ ନେବାକୁ ନିମନ୍ତ୍ରଣ କରାଯାଇଛି। ତାଙ୍କ ଅଭିନୟକୁ ନେଇ ସାରା ଭାରତ ଦିବାନା ହୋଇପଡିଛି। ଅମିତାଭଙ୍କ ବ୍ୟତୀତ ଅନୁପମ ଖେର, ଅକ୍ଷୟ କୁମାର, ସଞ୍ଜୟ ଲୀଲା ଭନ୍‌ସାଲୀ ମଧ୍ୟ ଏଥିରେ ସାମିଲ ହେବେ।

ସୁପରଷ୍ଟାର ରଜନୀକାନ୍ତଙ୍କୁ ମଧ୍ୟ ଏହି 'ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ'ରେ ଭାଗ ନେବାକୁ ନିମନ୍ତ୍ରଣ କରାଯାଇଛି। ରଜନୀକାନ୍ତଙ୍କର ସମଗ୍ର ଭାରତରେ ପ୍ରଶଂସକ ଅଛନ୍ତି। ଏହି ବର୍ଷ ସେ 'ଜେଲର' ପରି ବ୍ଲକବଷ୍ଟର ଚଳଚ୍ଚିତ୍ର ଦେଇ ଲୋକଙ୍କ ହୃଦୟରେ ରାଜ୍ କରିଛନ୍ତି।

ସୁପରଷ୍ଟାର ଚିରଞ୍ଜୀବୀ ମଧ୍ୟ ଏହି କାର୍ଯ୍ୟକ୍ରମର ଏକ ଅଂଶ ହେବେ। ଚିରଞ୍ଜୀବୀଙ୍କୁ ମଧ୍ୟ ଉତ୍ତର ଏବଂ ଦକ୍ଷିଣ ଭାରତରେ ବହୁତ ପସନ୍ଦ କରାଯାଏ। ତାଙ୍କର ଏକ ବଡ ଫ୍ୟାନ୍ ବେସ୍ ଅଛି। ଏହି ବର୍ଷ ତାଙ୍କୁ ଫିଲ୍ମ 'ଗଡ୍‌ଫାଦର'ରେ ଦେଖିବାକୁ ମିଳିଥିଲା, ​​ଯେଉଁଥିରେ ସଲମାନ ଖାନ ଏକ କୈମିୟୋ କରିଥିଲେ।

ଭେଟେରାନ୍ ଅଭିନେତ୍ରୀ ମାଧୁରୀ ଦୀକ୍ଷିତଙ୍କୁ ମଧ୍ୟ 'ପ୍ରାଣ ପ୍ରତିଷ୍ଠା' କାର୍ଯ୍ୟକ୍ରମ ପାଇଁ ନିମନ୍ତ୍ରଣ କରାଯାଇଛି। ଏମାନଙ୍କ ବ୍ୟତୀତ ବିଜେପି ସାଂସଦ ତଥା ଅଭିନେତା ସନ୍ନି ଦେଓଲ, ଟାଇଗର ଶ୍ରଫ, ଅଜୟ ଦେବଗନ ଏବଂ ଆୟୁଷ୍ମାନ ଖୁରାନା ମଧ୍ୟ ନିମନ୍ତ୍ରିତ ହୋଇଛନ୍ତି। ତେବେ ଏହି ତାଲିକାରେ ଆୟୁଷ୍ମାନ ଏବଂ ଟାଇଗରଙ୍କ ନାମ ସମସ୍ତଙ୍କୁ ଆଶ୍ଚର୍ଯ୍ୟ କରୁଛି।

କିନ୍ତୁ ସବୁଠାରୁ ଦୁଃଖର କଥା ଯେ ରାମାନନ୍ଦ ସାଗରଙ୍କ ଲୋକପ୍ରିୟ ଶୋ’ 'ରାମାୟଣ'ରେ ଲକ୍ଷ୍ମଣଙ୍କ ଭୂମିକାରେ ଅଭିନୟ କରିଥିବା ଅଭିନେତା ସୁନୀଲ ଲହରୀଙ୍କୁ ଏହି ଭବ୍ୟ ସମାରୋହକୁ ନିମନ୍ତ୍ରଣ କରାଯାଇନି। ଏଭଳି ପରିସ୍ଥିତିରେ ସୁନୀଲ ଲହରୀ କାହିଁକି ନିମନ୍ତ୍ରଣ ପାଇନାହାଁନ୍ତି ବୋଲି ଆଶ୍ଚର୍ଯ୍ୟପ୍ରକଟ କରିବା ସହିତ ନିଜର କୋହ ପ୍ରକଟ କରିଛନ୍ତି।

କିଛି ଦିନ ପୂର୍ବରୁ ଏକ ସାକ୍ଷାତକାରରେ ସୁନୀଲ କହିଥିଲେ ଯେ ତାଙ୍କୁ ରାମ ମନ୍ଦିର ପ୍ରାଣ ପ୍ରତିଷ୍ଠା ସମାରୋହକୁ ନିମନ୍ତ୍ରଣ କରାଯାଇନି। କିନ୍ତୁ ସେ ଏହା ମଧ୍ୟ କହିଥିଲେ ଯେ ସେ ଏଥିରେ ନିରାଶ ହୋଇନାହାଁନ୍ତି। ଅଭିନେତା କହିଛନ୍ତି ଯେ ଯଦି କେହି କୌଣସି କାର୍ଯ୍ୟ ଆୟୋଜନ କରନ୍ତି, ତେବେ ସେ ସମସ୍ତଙ୍କୁ ଡାକିବେ ଏହା ଜରୁରୀ ନୁହେଁ। ସେ ଏହା ମଧ୍ୟ କହିଛନ୍ତି ଯେ ଇତିହାସରେ ଲିପିବଦ୍ଧ ହେବାକୁ ଥିବା ଏକ ମୁହୂର୍ତ୍ତର ଅଂଶ ହେବାର ସୁଯୋଗ ପାଇଥିଲେ ଭଲ ହୋଇଥାନ୍ତା।

ଏହା ପରେ ସେ ଦୁଃଖ ପ୍ରକାଶ କରି ଏହା ମଧ୍ୟ କହିଛନ୍ତି ଯେ “ଆୟୋଜକମାନେ ହୁଏତ ଅନୁଭବ କରିନାହାଁନ୍ତି ଯେ ଲକ୍ଷ୍ମଣଙ୍କ ଚରିତ୍ର ତାଙ୍କୁ ନିମନ୍ତ୍ରଣ କରିବା ପାଇଁ ଯଥେଷ୍ଟ ଗୁରୁତ୍ୱପୂର୍ଣ୍ଣ ବୋଲି, କିମ୍ବା ବୋଧହୁଏ ସେମାନେ ବ୍ୟକ୍ତିଗତ ଭାବେ ତାଙ୍କୁ ପସନ୍ଦ କରନ୍ତି ନାହିଁ। ଏହି କାର୍ଯ୍ୟକ୍ରମ ପାଇଁ ‘ରାମାୟଣ’ର କ୍ରୁମାନଙ୍କ ମଧ୍ୟରୁ କାହାକୁ ନିମନ୍ତ୍ରଣ କରାଯାଇ ନ ଥିବାରୁ ସୁନୀଲ ମଧ୍ୟ ଆଶ୍ଚର୍ଯ୍ୟ ପ୍ରକଟ କରିଛନ୍ତି।

ତେବେ ଏବେ ଦେଖିବାକୁ ବାକି ରହିଲା କେଉଁ ଦେଶର ତାରକାମାନେ ଏହି ବଡ଼ କାର୍ଯ୍ୟକ୍ରମରେ ଅଂଶଗ୍ରହଣ କରିବେ।