ବହୁ ସଂଖ୍ୟାରେ ଛାତ୍ରଛାତ୍ରୀ ପ୍ରତ୍ୟେକ ବର୍ଷ ଉଚ୍ଚଶିକ୍ଷିତ ହେବା ପାଇଁ ବିଦେଶ ଶିକ୍ଷାନୁଷ୍ଠାନ ଉପରେ ନିର୍ଭର କରିଥାନ୍ତି । ଯାହା ପାଇଁ ଅନେକ ଛାତ୍ରଛାତ୍ରୀ ବିଦେଶୀ ଶିକ୍ଷାନୁଷ୍ଠାନ ଗୁଡିକରେ ପଢ଼ିବା ପାଇଁ ଅନଲାଇନ୍ ଆବେଦନ କରିଥାନ୍ତି । ହେଲେ କୋଭିଡ୍ ମହାମାରୀ ପାଇଁ ବିଗତ ଦୁଇ ବର୍ଷ ହେବ ପାଠପଢ଼ା ଅନ୍ଲାଇନ ମାଧ୍ୟମରେ କରାଯାଉଛି ।
ସେହିପରି ଚୀନ୍ରେ ପୁଣି ଥରେ କୋଭିଡ୍ ସଂକ୍ରମଣ ବଢ଼ିବାରେ ଲାଗିଲାଣି । ଏହାରି ମଧ୍ୟରେ ଚୀନ୍ରେ ପାଠ ପଢ଼ିବା ପାଇଁ ଇଚ୍ଛୁକ ଛାତ୍ରଛାତ୍ରୀଙ୍କ ପାଇଁ UGC ଏକ ନୋଟିସ୍ ଜାରି କରିଛି । କୋଭିଡ୍ ସଂକ୍ରମଣ ବଢ଼ୁଥିବା ଦେଖି ଚୀନ୍ରେ ପୁଣି ଥରେ ଲକ୍ଡାଉନ୍ ଲାଗୁ କରିଦିଆଯାଇଛି । ହେଲେ ବିଭିନ୍ନ ଦେଶରେ କୋଭିଡ୍ କଟକଣାକୁ ହଟାଇ ଦିଆଯାଇଥିବାରୁ ଛାତ୍ରଛାତ୍ରୀମାନେ ବିଦେଶକୁ ପଢ଼ିବା ପାଇଁ ଆଗ୍ରହୀ ଥିବା ଜଣାପଡିଛି ।
Also Read
ଯଦି ଆପଣ ମଧ୍ୟ ଉଚ୍ଚଶିକ୍ଷା ପାଇଁ ବିଦେଶ ଯିବାକୁ ଇଚ୍ଛୁକ ଅଛନ୍ତି ତେବେ UGC ଦ୍ୱାରା ଜାରି କରାଯାଇଥିବା ନୋଟିସ୍ ଜାଣିବା ନିହାତି ଆବଶ୍ୟକ ।
ଚୀନ୍ର କିଛି ସହରର ଶିକ୍ଷାନୁଷ୍ଠାନମାନଙ୍କରେ ଆଡ୍ମିସନ ପାଇଁ ବିଜ୍ଞପ୍ତି ବାହାର କରାଯାଇଛି । ଏହାସହ ଚୀନ୍ରେ ପଢ଼ିବା ପାଇଁ ଇଚ୍ଛୁକ ଭାରତୀୟ ଛାତ୍ରଛାତ୍ରୀଙ୍କ ପାଇଁ ମଧ୍ୟ UGC ପକ୍ଷରୁ ଏକ ନୋଟିସ୍ ଜାରି କରାଯାଇଛି ।
UGC ଓ ଅଲ୍ ଇଣ୍ଡିଆ କାଉନସିଲ୍ ଫର୍ ଟେକ୍ନିକାଲ୍ ଏଜୁକେସନ୍ (AICTE)ଙ୍କ ବିନା ଅନୁମତିରେ ଅନ୍ଲାଇନ୍ ମାଧ୍ୟମରେ ହାସଲ କରାଯାଇଥିବା ଡିଗ୍ରୀକୁ ସ୍ୱୀକୃତି ଦିଆଯିବ ନାହିଁ । ଯଦି କେହି କୌଣସି ବିଦେଶୀ ଶିକ୍ଷାନୁଷ୍ଠାନରୁ ଡିଗ୍ରୀ ହାସଲ କରନ୍ତି ତେବେ ସେହି ଡିଗ୍ରୀ ଭାରତରେ ଅବୈଧ ତଥା କୌଣସି କାମରେ ଆସିବ ନାହିଁ ବୋଲି UGC ପକ୍ଷରୁ ସ୍ପଷ୍ଟ କରାଯାଇଛି ।