ପ୍ରାଥମିକ ବିଦ୍ୟାଳୟରେ ମିଳିବ ଟାବଲେଟ୍ ଓ କମ୍ପ୍ୟୁଟର । ପ୍ରାଥମିକ ଶିକ୍ଷାକୁ ଡିଜିଟାଇଜ୍ କରିବାକୁ ସରକାର ଏପରି ଏକ ଯୋଜନା କରୁଥିବା କୁହାଯାଇଛି । ଫଳରେ ପିଲାମାନଙ୍କ ଶିକ୍ଷାରେ ଉନ୍ନତି ଆସିବା ସହ ପ୍ରତ୍ୟେକ ପିଲାଙ୍କୁ ଟାବ୍ଲେଟ୍ ବା କମ୍ପୁଟର ମିଳିବ ବୋଲି ସୂଚନା ଦିଆଯାଇଛି ।
ଜାତୀୟ ଗଣମାଧ୍ୟମରେ ପ୍ରକାଶିତ ଖବର ଅନୁଯାୟୀ, ଏହି ଯୋଜନା ଅନୁସାରେ ଉତ୍ତରପ୍ରଦେଶର ୧ ଲକ୍ଷରୁ ଅଧିକ ରାଜ୍ୟ ପରିଚାଳିତ ପ୍ରାଥମିକ ବିଦ୍ୟାଳୟଗୁଡ଼ିକର ପିଲାମାନେ ଉପକୃତ ହୋଇପାରିବେ । ପ୍ରାଥମିକ ସ୍କୁଲ ଗୁଡ଼ିକର ପ୍ରତ୍ୟେକ ପିଲା ଟାବଲେଟ୍ ପାଇପାରିବେ ।
Also Read
ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଙ୍ଗଳବାର ଦିନ ଗୁରୁଦିବସ ଅବସରରେ ଏହି ଯୋଜନା ଆରମ୍ଭ କରିଥିବା ସୂଚନା ମିଳିଛି । ଶିକ୍ଷା ବିଭାଗ ୨, ୦୯,୮୬୩ଟି ଟାବ୍ଲେଟ୍ କ୍ରୟ କରିସାରିଛି । ଯାହାକି ଆସନ୍ତା ମାସରେ ପର୍ଯ୍ୟାୟକ୍ରମେ ସ୍କୁଲ ଗୁଡ଼ିକରେ ପହଞ୍ଚିବ ।
ଏନେଇ ସିନିୟର କନସୋଲଟାଣ୍ଟ ଆନନ୍ଦ ପାଣ୍ଡେ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ପ୍ରଶାସନିକ କ୍ଷେତ୍ରରେ ବିଦ୍ୟାଳୟ ଗୁଡ଼ିକୁ ମଜଭୁତ କରିବାକୁ ଉଦ୍ୟମ କରାଯାଉଛି । ସରକାରଙ୍କ ଏହି ପ୍ରୟାସ ଛାତ୍ରଛାତ୍ରୀମାନଙ୍କୁ ଅନେକ ସାହାଯ୍ୟ କରିବ । ଖାଲି ଇଣ୍ଟରନେଟ୍ ଶିକ୍ଷାରେ ନୁହେଁ ବରଂ ଅନେକ ଦିଗ ପ୍ରତି ପିଲାମାନେ ଧ୍ୟାନ ଦେଇପାରିବେ ।
ଆହୁରି କୁହାଯାଇଛି ଯେ, ଟ୍ୟାବଲେଟ୍ ମାଧ୍ୟମରେ ବିଦ୍ୟାଳୟଗୁଡ଼ିକର ମଧ୍ୟାହ୍ନ ଭୋଜନ, ଉପସ୍ଥାନ, ସଭା, ଲାଇବ୍ରେରୀ ଏବଂ କ୍ରୀଡା ଏବଂ ଅନ୍ୟାନ୍ୟ ପାଇଁ ରେଜିଷ୍ଟର ବଦଳାଇ ଏକ ଅନଲାଇନ୍ ଇକୋସିଷ୍ଟମ୍ ବ୍ୟବହାର କରାଯାଇପାରିବ ।
ଏହା ବ୍ୟତୀତ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ୧୮,୩୮୧ଟି ପ୍ରାଥମିକ ବିଦ୍ୟାଳୟ ଏବଂ କସ୍ତୁରବା ଗାନ୍ଧୀ ବାଲିକା ବିଦ୍ୟାଲୟସ୍ (KGBVs) ପାଇଁ ସ୍ମାର୍ଟ କ୍ଲାସ୍ ସେଟଅପ୍ ପ୍ରୋଜେକ୍ଟ ମଧ୍ୟ ଆରମ୍ଭ କରିବାର ଯୋଜନା ଥିବା ସୂଚନା ଦେଇଛନ୍ତି।