ଆଜିକାଲି ବିଦେଶ ପଢା ନିଶା ପ୍ରାୟ ଯୁବବର୍ଗଙ୍କ ପାଖରେ ଦେଖାଯାଏ। ଏନେଇ ପ୍ରତିବର୍ଷ ବହୁ ସଂଖ୍ୟକ ଛାତ୍ରଛାତ୍ରୀ ଅଧ୍ୟୟନ ପାଇଁ ବିଦେଶ ଯାଆନ୍ତି। ଅଧିକାଂଶ ବିଦେଶୀ ବିଶ୍ୱବିଦ୍ୟାଳୟରେ ଆଡ୍ମିଶନ ବର୍ଷକୁ ଦୁଇଥର ଅର୍ଥାତ୍ ଦୁଇଟି ଅଧିବେଶନରେ କରାଯାଇଥାଏ। ସାଧାରଣତଃ ଭାରତୀୟ ପିଲାମାନେ ଆମେରିକା, ଅଷ୍ଟ୍ରେଲିଆ, ଋଷ, କାଜାଖସ୍ତାନ ଇତ୍ୟାଦି ବିଶ୍ୱବିଦ୍ୟାଳୟରେ MBBS ଏବଂ MBA ପରି ପାଠ୍ୟକ୍ରମରେ ଆଡ୍ମିଶନ୍ କରନ୍ତି।
ତେବେ ସବୁଠାରୁ ବଡ କଥା ହେଲା ବିଦେଶରେ ପାଠ ପଢିବା ପାଇଁ ହେଲେ ଏକ ବଡ ବଜେଟ୍ର ଆବଶ୍ୟକ ହୋଇଥାଏ। ଯଦି ଆପଣ ବିଦେଶରେ ପଢିବାକୁ ସ୍ୱପ୍ନ ଦେଖୁଛନ୍ତି ତେବେ ବଜେଟ୍ ଆଗରୁ ସ୍ଥିର କରିବା ଜରୁରୀ। କେବଳ ସେହି ଆଧାରରେ ଯେକୌଣସି ବିଶ୍ୱବିଦ୍ୟାଳୟରେ ଆବେଦନ କରନ୍ତୁ।
କମ ବଜେଟ୍ରେ କିପରି ବିଦେଶରେ ପାଠ ପଢିହେବ? ବହୁ ସଂଖ୍ୟକ ଛାତ୍ରଙ୍କ ମନରେ ଏଭଳି ପ୍ରଶ୍ନ ଉଙ୍କିମାନେ। ଆପଣଙ୍କ ମନରେ ଯଦି ଏମିତି ପ୍ରଶ୍ନ ଆସୁଥାଏ ତେବେ ସୂଚନା ପାଇଁ, ଅନେକ ଉପାୟ ଅଛି ଯାହା ଦ୍ୱାରା ଆପଣ ସ୍ୱଳ୍ପ ବଜେଟ୍ରେ ମଧ୍ୟ ବିଦେଶ ଯାଇ ଆପଣଙ୍କର ଅଧ୍ୟୟନ ସମାପ୍ତ କରିପାରିବେ।
Also Read
ଏମିତି କିଛି ଟିପ୍ସ୍ ଅଛି ଜାହା ଆପଣ ଚେଷ୍ଟା କରି ଆପଣ ଯେକୌଣସି ପ୍ରକାରର ଆର୍ଥିକ ସଙ୍କଟରୁ ରକ୍ଷା ପାଇପାରିବେ। ଏଥିପାଇଁ, କୌଣସି ସ୍ଥାନରେ ଆବେଦନ କରିବା ପୂର୍ବରୁ, ସେଠାକାର ଗୁରୁତ୍ୱପୂର୍ଣ୍ଣ ଜିନିଷ ଜାଣିବା ଉଚିତ ଯେପରି ଛାତ୍ରବୃତ୍ତି, ଭାରତୀୟ ଛାତ୍ରମାନଙ୍କ ପାଇଁ ଲାଭ, ଶିକ୍ଷା ଋଣ ଇତ୍ୟାଦି।
ବଜେଟ୍ ଅନୁଯାୟୀ ବିଶ୍ୱବିଦ୍ୟାଳୟ:
କୌଣସି ବିଦେଶୀ ବିଶ୍ୱବିଦ୍ୟାଳୟରେ ଆଡ୍ମିଶନ୍ ନେବା ପୂର୍ବରୁ ପ୍ରଥମେ ଆପଣଙ୍କର ବଜେଟ୍ ସ୍ଥିର କରିବା ଜରୁରୀ। ଏହା ଆପଣଙ୍କ କିମ୍ବା ଆପଣଙ୍କ ପରିବାର ଉପରେ କୌଣସି ଆର୍ଥିକ ଚାପ ପକାଇବ ନାହିଁ ଏବଂ ଆପଣ କୌଣସି ଚାପ ବିନା ଆପଣଙ୍କର ଅଧ୍ୟୟନ ସମାପ୍ତ କରିବାକୁ ସମର୍ଥ ହେବେ।
ତେବେ ଆର୍ଥିକ ସଙ୍କଟରୁ ରକ୍ଷା ପାଇବା ପାଇଁ କ’ଣ କରିବେ ଜାଣନ୍ତୁ -
- ଶିକ୍ଷା ଋଣ - ଯଦି ଆପଣ ଏକ ବିଦେଶୀ ବିଶ୍ୱବିଦ୍ୟାଳୟରେ ଆଡ୍ମିଶନ ନେବାକୁ ମନସ୍ଥ କରିଛନ୍ତି, ତେବେ ବିଭିନ୍ନ ବ୍ୟାଙ୍କ୍ ଦ୍ୱାରା ଦିଆଯାଉଥିବା ଶିକ୍ଷା ଋଣ ବିଷୟରେ ସୂଚନା ସଂଗ୍ରହ କରନ୍ତୁ।
- ଛାତ୍ରବୃତ୍ତି - ଅନେକ ବିଶ୍ୱବିଦ୍ୟାଳୟ ଛାତ୍ରମାନଙ୍କୁ ବିଶେଷ ବୃତ୍ତି ପ୍ରଦାନ କରନ୍ତି। ଆପଣ ସେମାନଙ୍କ ବିଷୟରେ ଜାଣିବା ଜରୁରୀ। କେତେକ ବିଶ୍ୱବିଦ୍ୟାଳୟ ଭାରତୀୟ ଛାତ୍ରଛତ୍ରୀମାନଙ୍କୁ ମଧ୍ୟ ପୃଥକ ଛାତ୍ରବୃତ୍ତି ପ୍ରଦାନ କରନ୍ତି।
- ପାର୍ଟ ଟାଇମ୍ ଚାକିରି - କେତେକ ଦେଶରେ, ଆନ୍ତର୍ଜାତୀୟ ଛାତ୍ରଛାତ୍ରୀମାନଙ୍କୁ ଅଧ୍ୟୟନ ସହିତ ପାର୍ଟ ଟାଇମ୍ ଚାକିରି କରିବାର ସୁଯୋଗ ଦିଆଯାଏ। ଏହା ଦ୍ୱାରା ରହିବା ଖର୍ଚ୍ଚ ମଧ୍ୟ ଉଠାଯାଇପାରେ।
କେଉଁ ଦେଶରେ ଶିକ୍ଷା ଶସ୍ତା:
ଯଦି ଆପଣ କମ ବଜେଟ୍ରେ ଅଧ୍ୟୟନ କରିବାକୁ ଚାହାଁନ୍ତି, ତେବେ ପ୍ରଥମେ ସେହି ଦେଶର ଏକ ତାଲିକା ପ୍ରସ୍ତୁତ କରନ୍ତୁ ଯେଉଁଠାରେ ଶିକ୍ଷା ଶସ୍ତା ଥାଏ। ଏହା ପରେ, ଆପଣଙ୍କର ପସନ୍ଦ ଏବଂ ଯୋଗ୍ୟତା ଅନୁଯାୟୀ ପାଠ୍ୟକ୍ରମ ଚୟନ କରନ୍ତୁ। ଧରାଯାଉ ଆପଣ ବିଦେଶରୁ MBBS କରିବାକୁ ଚାହୁଁଛନ୍ତି, ତେବେ ଭାରତ ତୁଳନାରେ ଋଷ, ଚୀନ୍, କାଜାଖସ୍ତାନ ଭଳି ଦେଶରେ ଏହାର ଚାର୍ଜ କମ୍ ହୋଇଥାଏ। ସେହିପରି ଆମେରିକାର MBBS କରିବା ଖୁବ୍ ମହଙ୍ଗା ହୋଇପାରେ। ଯେକୌଣସି ବଜେଟ୍ ପ୍ରସ୍ତୁତ କରିବାବେଳେ, ଫିସ୍ ସହିତ ରହିବା ଓ ଖାଇବା ଖର୍ଚ୍ଚକୁ ମଧ୍ୟ ବିଚାର କରିବା ଜରୁରୀ।