ପ୍ରେମିକ ଠାରୁ ସବୁ ଲୁଟିନେଲେ; ମାଡମାରି ରାଜରାସ୍ତାରେ ଉଲଗ୍ନ ଫିଙ୍ଗିଦେଲେ

ଏକ ଆଶ୍ଚର୍ଯ୍ୟଜନକ ଓ ମର୍ମନ୍ତୁଦ ଘଟଣା ସାମ୍ନାକୁ ଆସିଛି। ଜଣେ ୩୦ ବର୍ଷ ବୟସ୍କା ମହିଳା ଅନ୍ୟ ଚାରିଜଣଙ୍କ ମିଶି ତାଙ୍କ ପ୍ରେମିକକୁ ଅତି ନିର୍ମମ ଭାବେ ଆକ୍ରମଣ କରିବା ସହ ଶାହପୁର ରାଜପଥରେ ଉଲଗ୍ନ ଅବସ୍ଥାରେ ପକାଇବା ଦେଖାଯାଇଛି। ଏହା ପୂର୍ବରୁ ସେ ତାଙ୍କ ପ୍ରେମିକାଠାରୁ ଲକ୍ଷ ଲକ୍ଷ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି।

ପୋଲିସ୍ ସୂଚନା ଅନୁଯାୟୀ ପାଞ୍ଚ ଜଣଙ୍କ ବିରୋଧରେ ମାମଲା ରୁଜୁ ହୋଇଛି। ଅଭିଯୁକ୍ତଙ୍କ ମଧ୍ୟରୁ ଦୁଇଜଣ ଭାବିକା ଭୋଇର ଏବଂ ନଦିମ ଖାନ ବୋଲି ଜଣାପଡିଛି। ପୋଲିସର ସୂଚନାନୁସାରେ, ପିଡୀତ ଶାହାପୁରର ବାସିନ୍ଦା ବାଲାଜୀ ଶିବଭଗତ ଜଣେ ନିର୍ମାଣ ବ୍ୟବସାୟୀ। ସେ ଗତ କିଛି ବର୍ଷ ହେବ ଶାହପୁରର ବାସିନ୍ଦା ଭୋଇରଙ୍କ ସହ ସମ୍ପର୍କ ରଖିଥିଲେ। ବୋଲି ପୋଲିସ୍ କହିଛି।

ସୂଚନା ଅନୁସାରେ ଜୁନ୍ ୨୮ରେ ମହିଳା ଶିବଭଗବତଙ୍କୁ ରାତି ପ୍ରାୟ ୪.୩୦ ସମୟରେ ଶାହାପୁରର ଅଟଗାଓଁ ରାଜପଥରେ ଥିବା ଏକ ସ୍ଥାନକୁ ଡାକିଥିଲେ। ଦୁହେଁ କଥାବାର୍ତ୍ତା କରୁଥିବାବେଳେ ମହିଳାଙ୍କ ଅନ୍ୟ ଚାରିଜଣ ସହଯୋଗୀ ସେଠାକୁ ଆସି ପରଦିନ ସକାଳ ପର୍ଯ୍ୟନ୍ତ ତାଙ୍କୁ ଆକ୍ରମଣ କରିଥିଲେ। ଶେଷରେ ଶାହପୁର ରାଜପଥରେ ଉଲଗ୍ନ ଅବସ୍ଥାରେ ପକାଇ ଦେଇଥିଲେ ବୋଲି ଜଣେ ପୋଲିସ ଅଧିକାରୀ କହିଛନ୍ତି।

ଦୁଇ ଦିନ ଦିନ ହସ୍ପିଟାଲରେ ଭର୍ତ୍ତି ହୋଇଥିବା ଏବଂ ଏବେ ଯନ୍ତ୍ରଣାରୁ ଟିକିଏ ଆଶ୍ୱସ୍ତି ପାଇଥିବା ଶିବଭଗତ କହିଛନ୍ତି, “ମୁଁ ତାଙ୍କ ପାଇଁ ସବୁକିଛି କରିଥିଲି, ତାଙ୍କ ଇଚ୍ଛା ଅନୁସାରେ ଏକ ଛୋଟ ଘର ତିଆରି କରିଥିଲି, ସବୁବେଳେ ତାଙ୍କ ପାଇଁ ସପିଂ କରୁଥିଲି। ତାଙ୍କର ସମସ୍ତ ଇଚ୍ଛା ପୂରଣ କରିଛି, ସେ ଆଉ ଜଣେ ପୁରୁଷ ପାଇଁ ମୋ ସହ ପ୍ରତାରଣା କଲେ ଏବଂ ମୋତେ ନିର୍ଦ୍ଦୟ ଭାବରେ ଆକ୍ରମଣ କଲେ।”

ସୂଚନା ମୁତାବକ ଭୋଇର୍‌ ତାଙ୍କୁ ଉପହାର ସହିତ ସାକ୍ଷାତ କରିବାକୁ କହିଥିଲେ ଯେଉଁଥିରେ ଏକ ଶାଢୀ, ସୁନା କାନଫୁଲ, ସୁନା ପାଉଁଜୀ ଓ ଚୁଡୀ, ନୂଆ ଜୋତା ଏବଂ ଏକ ଛତା ଥିଲା।

ପୀଡିତ ଆହୁରି କହିଛନ୍ତି ଯେ “ଯେତେବେଳେ ମୁଁ ଏହି ସବୁ ଉପହାର ନେଇ ଘଟଣାସ୍ଥଳରେ ପହଞ୍ଚିଲି, ସେତେବେଳେ ସେ ଆସି ଆଟଗାଓଁ ରାଜପଥରେ ମୋର କ୍ରେଟା କାର୍‌ ଭିତରେ ବସିଲେ ଓ ସମସ୍ତ ଉପହାର ନେଇଥିଲେ। ହଠାତ୍ ଚାରିଜଣ ବ୍ୟକ୍ତି, ସେମାନଙ୍କ ମଧ୍ୟରୁ ତିନିଜଣ ଅଜଣା ଥିଲେ କାର୍‌ରେ ପଶି ମୋତେ ଠେଲି ଦେଇ ଏକ ଚପରରେ ମୋ ମୁଣ୍ଡକୁ ପିଟିଦେଲେ। ସେମାନଙ୍କ ମଧ୍ୟରୁ ଜଣେ କାର୍‌ ଚଳାଇବା ଆରମ୍ଭ କଲେ।"

ସେ ଆହୁରି ମଧ୍ୟ କହିଛନ୍ତି ଯେ ଅଭିଯୁକ୍ତ ତାଙ୍କୁ ଉଲଗ୍ନ କରି ତାଙ୍କ ଭିଡିଓ କରିଥିଲେ। ସେ ମଧ୍ୟ ତାଙ୍କର ଦୁଇଟି ସୁନା ଚେନ୍ ଓ ୭ଟି ମୁଦି ଲୁଟି ନେବା ସହ ତାଙ୍କ ଆଖିରେ ଲଙ୍କା ଗୁଣ୍ଡ ମାରି ଫେରାର ହୋଇଗଲେ।

ସୂଚନା ମୁତାବକ ଚେତା ଫେରିବା ପରେ ନିଜକୁ ବଞ୍ଚାଇବା ପାଇଁ ପୀଡିତ ପୋଲିସ ଷ୍ଟେସନରେ ପହଞ୍ଚି ତାଙ୍କ ବନ୍ଧୁମାନଙ୍କୁ ଡାକିଥିଲେ ଯେଉଁମାନେ ତାଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ। ଏହି ପାଞ୍ଚଜଣ ଅଭିଯୁକ୍ତଙ୍କ ବିରୋଧରେ ଆଇପିସି ଧାରା ୩୬୫, ୫୦୬ ସହ ଅତ୍ୟାଚାର ନିବାରଣ ଅଧିନିୟମ ଜାରି କରାଯାଇଛି।

ଶାହପୁର ପୋଲିସ ଷ୍ଟେସନର ବରିଷ୍ଠ ଇନ୍ସପେକ୍ଟର ରାଜକୁମାର ଉପାସେ କହିଛନ୍ତି ଯେ “ଅଭିଯୁକ୍ତ ଶିବଭଗତକୁ ଏକ ଅଜଣା ରେଷ୍ଟୁରାଣ୍ଟ ଭିତରକୁ ନେଇ ସକାଳ ପର୍ଯ୍ୟନ୍ତ ବାରମ୍ବାର ଆକ୍ରମଣ କରିଥିଲେ। ସେ କହିଛନ୍ତି ଯେ ଅଭିଯୁକ୍ତଙ୍କୁ ଖୋଜିବା ପାଇଁ ଆମେ ସର୍ଚ୍ଚ ଅପରେସନ ଆରମ୍ଭ କରିଛୁ।”