ଗ୍ରହ ପୂଜା ବାହାନାରେ ଟଙ୍କା ସୁନା ଲୁଟ୍ ଅଭିଯୋଗ । ୨ ଠକକୁ ମାଲକାନଗିରି ପୁଲିସ ଗିରଫ କରି କୋର୍ଟ ଚାଲାଣ କରିଛି । ମାଲକାନଗିରି ଜେଲ୍ ଲାଇନରେ ରହୁଥିବ ବିଜୟ ପଟ୍ଟନାୟକ ଘରେ ଗ୍ରହ ଶାନ୍ତି ପାଇଁ ଦୁଇ ଜଣ ବ୍ୟକ୍ତିଙ୍କୁ ଡାକିଥିଲେ । ସେମାନେ ହେଲେ ଜଗତସିଂହପୁର ଜିଲ୍ଲାର ପାରାଦ୍ୱୀପ ଥାନା ଅନ୍ତର୍ଗତ ବାଲିଡିଆଁ ଗ୍ରାମର ସନ୍ତୋଷ ସାହୁ ଏବଂ ମାନସ ସେନାପତି ।
ବିଜୟ ପଟ୍ଟନାୟକ ଝିଅ ଓ ଜ୍ୱାଇଁଙ୍କ ସହ ମାଲକାନଗିରି ଜେଲ ସାହିରେ ରହୁଥିବା ଜଣାପଡ଼ିଛି । ତାଙ୍କ ଘରେ ଗତ ଏକ ବର୍ଷ ମଧ୍ୟରେ ଦୁଇ ଦୁଇ ଜଣଙ୍କର ଅଚାନକ ମୃତ୍ୟୁ ହେବା ପରେ ସେ ଗ୍ରହଶାନ୍ତି ପୂଜା କରିବା ପାଇଁ ଚିନ୍ତା କରିଥିଲେ । ସୁନୀଲଙ୍କ ସହ ଗ୍ରହ ଶାନ୍ତି ପାଇଁ କଥାବାର୍ତ୍ତା କରି ପୂଜା ଆରମ୍ଭ କରିଥିଲେ । ସେତେବେଳକୁ ସଂଧ୍ୟା ହୋଇ ଆସୁଥିଲା । ମାତ୍ର ପୂଜକ ଦୁଇ ଜଣ ତାଙ୍କୁ ଭୟଭୀତ କରି ବେଡରୁମରେ ପୂଜା କରିଥିଲେ । ପ୍ରାୟ ରାତି ୧୧ଟା ଯାଏଁ ପୂଜା ଚାଲିଥିଲା । ଘର ସାରା ଧୂଆଁରେ ପରିପୂର୍ଣ୍ଣ ହୋଇଯାଇଥିଲା ।
ପୂଜା ସରିବା ପରେ ସେଠାରୁ ଚାଲିଯାଇଥିଲେ ଏବଂ ୪ ଦିନ ପର୍ଯ୍ୟନ୍ତ ବେଡରୁମକୁ ନଯିବା ପାଇଁ କହିଥିଲେ ଉଭୟ ଅଭିଯୁକ୍ତ । ତେବେ ହଠାତ ସୁନୀଲ ଘରର ଧୁଆଁ ସରିବା ପରେ କିଛି ମନରେ ଭାବି ଘର ଭିତରକୁ ପଶିଥିଲେ । ସେ ଯାହା ଦେଖିଲେ ହୋସ ଉଡିଯାଇଥିଲା । ଆଲମିରା ଭଙ୍ଗା ଯିବା ସହ ଟଙ୍କା ସୁନା କିଛି ନଥିବା ଦେଖିବାକୁ ପାଇଥିଲେ । ଏହା ପରେ ସେ କୌଶଳ କ୍ରମେ ସଂପୃକ୍ତ ଦୁଇ ପୂଜକଙ୍କୁ ଡକାଇ କାବୁ କରିଥିଲେ ଏବଂ ପୋଲିସ ଜିମା ଦେଇଥିଲେ । ପରେ ପୋଲିସ ଦୁଇ ଜଣଙ୍କୁ ଗିରଫ କରିବା ସହ ଘଟଣାର ଛାନଭିନ୍ କରି ଲୁଟ୍ ସୁନା ଗହଣା ଉଦ୍ଧାର କରିଥିଲା ।
ମାଲକାନଗିରିରୁ ଜିତେନ୍ଦ୍ରଙ୍କ ରିପୋର୍ଟ