Suspended After Arrest: ବନ୍ଧାହେଲେ, ନିଲମ୍ବିତ ହେଲେ...ଛାତ୍ରୀଙ୍କୁ ଯୌନଶୋଷଣ ଅଭିଯୋଗ

ପଦାରେ ପଡ଼ିଲା ଆଉ ଜଣେ ଗୁରୁଙ୍କ କଳା କାରନାମା । ବନ୍ଧାହେଲେ, ନିଲମ୍ବିତ ହେଲେ ଆଉ ଜଣେ କଳଙ୍କିତ ଗୁରୁ। ପୁଣି ସେଇ ଏଜୁକେସନ୍ ଡିପାର୍ଟମେଣ୍ଟ, ପୁଣି ସେଇ ଇଣ୍ଟିଗ୍ରେଟେଡ୍ ବିଇଡି। ବାଲେଶ୍ବର ଏଫଏମ୍ କାଣ୍ଡକୁ ନେଇ ସାରା ରାଜ୍ୟରେ ହୁଲସ୍ତୁଲ ପଡ଼ିଥିବା ବେଳେ, ସମ୍ବଲପୁର ଗଙ୍ଗାଧର ମେହେର୍ ବିଶ୍ବବିଦ୍ୟାଳୟରୁ ସାମ୍ନାକୁ ଆସିଛି ଆଉ ଏକ ସାଂଘାତିକ ଅଭିଯୋଗ।

ଛାତ୍ରୀଙ୍କୁ ଯୌନଶୋଷଣ ଅଭିଯୋଗରେ ସ୍କୁଲ୍ ଅଫ୍ ଏଜୁକେସନ୍ ଆସିଷ୍ଟାଣ୍ଟ୍ ପ୍ରଫେସର୍ ଗୋପୀକାନ୍ତ ସୁନାଙ୍କୁ ଗିରଫ କରିଛି ପୋଲିସ। ଇଣ୍ଟିଗ୍ରେଟେଡ୍ ବିଇଡି ଦ୍ବିତୀୟ ବର୍ଷର ଜଣେ ଛାତ୍ରୀଙ୍କୁ ବିବାହ ପ୍ରତିଶ୍ରୁତି ଦେଇ ଶାରୀରିକ ସଂପର୍କ ରଖିଥିଲେ । ପରେ ସେ ବିବାହ ପାଇଁ ମନା କରିଦେଇଥିବା ଅଭିଯୋଗ ହୋଇଛି ।

ଏନେଇ ମହିଳା ଥାନାରେ ପୀଡ଼ିତା ଅଭିଯୋଗ କରିବା ପରେ, ସେ ଅନ୍ୟ ଛାତ୍ରୀଙ୍କୁ ବି ପଦବୀର ଅପବ୍ୟବହାର କରି ଯୌନ ଶୋଷଣ କରୁଥିବା ଅଭିଯୋଗ ହୋଇଛି।

ଗୁରୁ ନାଁରେ କଳଙ୍କ ବୋଳିଥିବା ସୁନା ସାର୍ ଙ୍କୁ ଗତରାତିରେ ପୋଲିସ ଗିରଫ କରିଥିବା ବେଳେ, ତାଙ୍କୁ ସସପେଣ୍ଡ୍ କରିଛନ୍ତି କୁଳପତି। ନିଲମ୍ବନ ସମୟରେ ସେ ପିଜି କାଉନସିଲ ଅଧ୍ୟକ୍ଷଙ୍କ କାର୍ଯ୍ୟାଳୟରେ କାମ କରିବେ ଏବଂ ୟୁନିଭର୍ସିଟି ରେଜିଷ୍ଟ୍ରାରଙ୍କ ବିନା ଅନୁମତିରେ ସହର ଛାଡ଼ି ଯାଇପାରିବେନି ବୋଲି ନିର୍ଦ୍ଦେଶ ଦିଆଯାଇଛି।