ଲକ୍ଷେ ଟଙ୍କାରେ କାର୍ କିଣିଥିଲା ଗୋପାଳ !

ବ୍ରଜରାଜନଗର ଗାନ୍ଧି ଛକ ଫାଣ୍ଡିରୁ ମିଳିଥିବା କାରକୁ ନେଇ ଚର୍ଚ୍ଚା । ସେ କାରକୁ ଲକ୍ଷେ ଟଙ୍କାରେ ଗୋପାଳ କିଣିଥିଲା ! ଲକ୍ଷେ ଟଙ୍କାରେ ଗୋପାଳ କାର୍ କିଣିଥିବା କହିଲେ କାର୍ ମାଲିକ । କାର୍ ବିକିଥିବା ମାଲିକ ଅରୁଣ ମୁନ୍ଦ୍ରା ଏନେଇ ସୂଚନା ଦେଇଛନ୍ତି । ‘ଗତ ନଭେମ୍ବର ୨୫ରେ ଗୋପାଳ ୫୦ ହଜାର ଟଙ୍କା ଦେଇଥିଲା। ‘ସେବେ ଠାରୁ କାର୍ ନେଇଥିଲା, ଆଉ ୫୦ ହଜାର ଦେବାର ଥିଲା’ । ‘ଆଉ ୫୦ ହଜାର ଦେଇଥିଲେ ମାଲିକାନା ବଦଳିଥାନ୍ତା’।

ତେବେ ଆପଣଙ୍କୁ କ୍ରାଇମବ୍ରାଞ୍ଚ କିଛି ପଚାରିଛି କି ପ୍ରଶ୍ନରେ ମନା କରି ଦେଇଛନ୍ତି କାର୍ ମାଲିକ । ଗୋପାଳ କିଣିଥିବା କାର ସିଦାନ କାର ର ନମ୍ବର ହେଉଛି OR 15 N 4263 । କାରଟି ଏବେ ଗାନ୍ଧି ଛକ ଫାଣ୍ଡି ଭିତରେ ପାର୍କିଂ ହୋଇଛି । ଗାଡ଼ିକୁ ଗୋପାଳ ଦାସ ବ୍ୟବହାର କରୁଥିବା କୁହାଯାଉଛି । କ୍ରାଇମବ୍ରାଞ୍ଚ ସଂପୃକ୍ତ କାରକୁ ମଧ୍ୟ ତଦନ୍ତ ପରିସରକୁ ନେଇଥିବା ସୂଚନା ମିଳିଛି । ସମ୍ବଲପୁର ଆରଟିଓ ଅଧୀନରେ ଏହି ଗାଡ଼ିର ପଂଜୀକରଣ ହୋଇଛି । ଏହାର ଫିଟନେସ୍ ଅବଧି ୨୦୨୪ ଜୁଲାଇ ଯାଏ ରହିଛି । ଏହି କାର୍ ର ବୀମା ନ ଥିଲା ବୋଲି ଜଣାପଡ଼ିଛି ।

ସେପଟେ ଝାରସୁଗୁଡା କ୍ରାଇମ ସ୍ପଟ୍ କୁ ଯିବେ ଜଷ୍ଟିସ୍ ଜେପି ଦାସ । କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରାଙ୍କ ସହିତ ଆଲୋଚନା ପରେ ଗଣମାଧ୍ୟମକୁ ଦେଲେ ପ୍ରତିକ୍ରିୟା । ଏଥିସହିତ ତଦନ୍ତର ପରବର୍ତ୍ତି ଦିଗ ଓ ବିଷୟ ଉପରେ ମଧ୍ୟ କ୍ରାଇମବ୍ରାଞ୍ଚକୁ ଗାଇଡ୍ କରିଛନ୍ତି ଜଷ୍ଟିସ ଦାସ। ତେବେ ଆଜି କଣ ସବୁ ଆଲୋଚନା ହୋଇଛି ତାହା ସମ୍ପୂର୍ଣ୍ଣ କନଫିଡେନସିଆଲ୍ ବୋଲି କହିଛନ୍ତି ଜଷ୍ଟିସ ଦାସ ।

ଜଷ୍ଟିସ ଜେ.ପି ଦାସଙ୍କ କଟକ ଘରେ କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା ଯାଇ ତଦନ୍ତର ବିଭିନ୍ନ ଦିଗ ଓ ବିଷୟ ଉପରେ ଆଲୋଚନା କରିଛନ୍ତି । ନବ ଦାସ ହତ୍ୟା ମାମଲାର ତଦନ୍ତର ତତ୍ତ୍ୱାବଧାନ ଦାୟିତ୍ୱରେ ଅଛନ୍ତି ଜଷ୍ଟିସ ଜେପି ଦାସ । ତଦନ୍ତର ଦିଗ ତଥା ଅନ୍ୟାନ୍ୟ ବିଷୟରେ ଜଷ୍ଟିସ ଦାସ ଗାଇଡ୍ କରିଥିବାବେଳେ ବର୍ତ୍ତମାନ ତଦନ୍ତ କେତେ ବାଟରେ ପହଞ୍ଚିଛି ସେନେଇ ତଥ୍ୟ ଜଣାଇଛନ୍ତି ଅରୁଣ ବୋଥ୍ରା ।