ରାଉରକେଲା ଅତିରିକ୍ତ ଜିଲ୍ଲାପାଳଙ୍କ ଅଫିସରେ କାର୍ଯ୍ୟରତ ମହିଳା ସହକାରୀ ଜିଲ୍ଲାପାଳଙ୍କ ସନ୍ଦେହଜନକ ମୃତ୍ୟୁ। ମହିଳା ଅଫିସର ସୁସ୍ମିତା ମିଂଜଙ୍କ ସନ୍ଦେହ ଜନକ ମୃତ୍ୟୁ ପରେ ପରିବାର ଲୋକେ ଆଣିଲେ ହତ୍ୟା ଅଭିଯୋଗ । ମଙ୍ଗଳବାର ସନ୍ଧ୍ୟାରେ ଟ୍ରାଫିକ ଗେଟ ନିକଟରେ ଥିବା ସେଞ୍ଚୁରି ପାର୍କରେ ମହିଳା ଅଫିସରଙ୍କ ମୃତଦେହ ମିଳିଥିଲା । ପ୍ଲାଣ୍ଟସାଇଟ୍ ପୋଲିସ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲା ।
ଗତ ଶୁକ୍ରବାର ଠାରୁ ଘରକୁ ଫେରି ନଥିଲେ ଅଫିସର ସୁସ୍ମିତା ମିଂଜ । ସେ ଘରକୁ ନଫେରିବାରୁ ତାଙ୍କ ଭାଇ ଭଉଣୀ ନିଖୋଜ ଥିବା ନେଇ ଗତ ରବିବାର ସ୍ଥାନୀୟ ଥାନାରେ ଅଭିଯୋଗ କରିଥିଲେ । ହେଲେ ମଙ୍ଗଳବାର ଅପରାହ୍ନରେ ସେଞ୍ଚୁରି ପାର୍କରେ ତାଙ୍କ ଶବ ଭାସୁଥିବା ଦେଖି ସୁରକ୍ଷାକର୍ମୀ ପ୍ଲାଣ୍ଟସାଇଟ୍ ଥାନାକୁ ସୂଚନା ଦେଇଥିଲେ । ପୋଲିସ ଓ ଅଗ୍ନିଶମ କର୍ମଚାରୀ ପହଞ୍ଚି ପୁଷ୍କରଣୀ ଭିତରକୁ ସୁସ୍ମିତାଙ୍କ ଶବ ଉଦ୍ଧାର କରିଥିଲେ।
Also Read
ସଂପୃକ୍ତ ମହିଳା ଅଧିକାରୀ ଜଣକ ଗତ କିଛି ଦିନ ହେଲା କାମରେ ବହୁତ୍ ଟେନସନରେ ରହୁଥିବା କହୁଥିଲେ। ଏମିତିକି ଜିଲ୍ଲାପାଳ ଓ ଅନ୍ୟ ବରିଷ୍ଠ ଅଧିକାରୀମାନେ ଅଫିସ କାମ ପାଇଁ ଚାପ ଦେଉଥିବା ଅଭିଯୋଗ କରିଛନ୍ତି ମୃତ ଅଫିସରଙ୍କ ମାଆ। ସେପଟେ ଅଭିଯୋଗ ନେଇ ଅତିରିକ୍ତ ଜିଲ୍ଲାପାଳଙ୍କ ଅଫିସ କିମ୍ବା ପୋଲିସ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନି।...