ଶିକ୍ଷୟିତ୍ରୀ ନିଖୋଜ, ଫୋନ୍‌ ସ୍ୱିଚ୍‌ ଅଫ୍‌

ବଲାଙ୍ଗିର: କୁଆଡ଼େ ଗଲେ ଶିକ୍ଷୟିତ୍ରୀ ? କଳାହାଣ୍ଡି ମହାଲିଙ୍ଗର ଏକ ଘରୋଇ ସ୍କୁଲର ଶିକ୍ଷୟିତ୍ରୀ ଗତ ସପ୍ତାହେ ଧରି ନିଖୋଜ ଅଛନ୍ତି। ବଲାଙ୍ଗିର ତୁରେକେଲା ଥାନା ଅନ୍ତର୍ଗତ ଝରଣୀ ଗାଁର ମମିତା ମେହେର ସ୍କୁଲ ଯିବା ପାଇଁ ୮ ତାରିଖରେ ଘରୁ ବାହାରିଥିଲେ। ହେଲେ ସେବେଠୁ ତାଙ୍କ ସମ୍ପର୍କରେ କୌଣସି ଖବର ମିଳିପାରି ନାହିଁ। ସେ ଜୀବିତ ନା ମୃତ, ତାହା ମଧ୍ୟ ଜଣାପଡ଼ି ନାହିଁ।

Also Read

୧୫ ଟଙ୍କା ପର୍ଯ୍ୟନ୍ତ କମ ହୋଇପାରେ ଖାଇବା ତେଲ ଦର ! ଅଶୋଧିତ ପାମ୍, ସୋୟାବିନ୍, ସୂର୍ଯ୍ୟମୁଖି ଉପରୁ ଆମଦାନୀ ଶୁଳ୍କ ହଟିଲା

ଦଶହରା, କାର୍ତ୍ତିକ ପୂର୍ଣ୍ଣିମାରେ ଶ୍ରୀମନ୍ଦିର ବନ୍ଦ

ବିଧାୟକ ମୋହନ ମାଝୀଙ୍କ ଗାଡ଼ିକୁ ବୋମାମାଡ଼ ଘଟଣା : ୩ ଗିରଫ

ଅଭିଯୋଗ ଅନୁସାରେ, ଗତ ୭ ତାରିଖରେ ଘରୋଇ ସ୍କୁଲର ମାଲିକ ମମିତାଙ୍କୁ ସ୍କୁଲ ଆସିବାକୁ ଫୋନ୍ କରି କହିଥିଲେ। ସିନ୍ଧେକେଲା ଚାନ୍ଦୋତରା ଯାଏ ମମିତା ଆସିଥାନ୍ତେ ଓ ସେଠାରୁ କାର୍‌ର ବ୍ୟବସ୍ଥା ହୋଇଥିବା ମାଲିକ କହିଥିବା ଶିକ୍ଷୟିତ୍ରୀଙ୍କ ପରିବାର ଲୋକ କହିଛନ୍ତି। ହେଲେ ତା’ ପର ଦିନ ଅର୍ଥାତ୍‌ ୮ ତାରିଖରେ ମମିତା ଚାନ୍ଦୋତରା ଯାଏ ଆସିବା ପରେ ତାଙ୍କ ଫୋନ୍ ସ୍ୱିଚ୍‌ ଅଫ୍ ଆସିଥିଲା। ତାଙ୍କ ସହ ଯୋଗାଯୋଗ ହୋଇ ନପାରିବାରୁ ପରିବାର ଲୋକ ସିନ୍ଧେକେଲା ଥାନାରେ ଏତଲା ଦେଇଥିଲେ। ହେଲେ ଏପର୍ଯ୍ୟନ୍ତ ମମିତାଙ୍କ ସମ୍ପର୍କରେ କୌଣସି ଖବର ମିଳିପାରି ନାହିଁ।

ମମିତାଙ୍କ ପରିବାର ଲୋକ ଘରୋଇ ସ୍କୁଲ ମାଲିକଙ୍କ ନାଁରେ ଅପହରଣ ଅଭିଯୋଗ ଆଣିଛନ୍ତି। ଅଭିଯୋଗ ଆଧାରରେ ପୋଲିସ୍ ସ୍କୁଲ ମାଲିକଙ୍କୁ ଅଟକ ରଖି ପଚରାଉଚରା କରିବା ସହ ତାଙ୍କ କାର୍‌କୁ ଜବତ କରିଛି। ଏହାସହ ଘଟଣାର ତଦନ୍ତ ଜାରି ରଖିଛି। ହେଲେ ଘଟଣାକୁ ସପ୍ତାହେ ବିତି ଯାଇଥିଲେ ସୁଦ୍ଧା ମମିତାଙ୍କ ସମ୍ପର୍କରେ କୌଣସି ପତ୍ତା ମିଳିପାରି ନାହିଁ।