ବାପା ପୁଅଙ୍କ ଝଗଡ଼ା ତୁଟାଇବାକୁ ଯାଇ ମାଡ଼ ଖାଇଲା ପୋଲିସ, ଅଭିଯୁକ୍ତ ଫେରାର୍

ବାପା ପୁଅଙ୍କ ଝଗଡ଼ା ତୁଟାଇବାକୁ ଯାଇ ମାଡ଼ ଖାଇଲା ପୋଲିସ। ଯାଜପୁର ଜିଲ୍ଲା ବିଞ୍ଝାରପୁର ଥାନା ହନୁମାନ ଛକ ନିକଟରେ ପୋଲିସ ଉପରେ ଆକ୍ରମଣ ହୋଇଛି। ହନୁମାନ ଛକ ନିକଟସ୍ଥ ସାହୁ ସାହିର ଦୀପ୍ତି ରଞନ ରାଉଳ ଓ ତାଙ୍କ ବାପାଙ୍କ ଭିତରେ ପାରିବାରିକ କାରଣକୁ ନେଇ ଝଗଡ଼ା ହୋଇଥିଲା। ଏଥିପାଇଁ ୧୧୨କୁ କଲ୍ କରିଥିଲେ ବାପା।

ପୋଲିସ ଘଟଣାସ୍ଥଳରେ ପହଞ୍ଚିବା ପରେ ଆକ୍ରମଣ କରିଥିଲା ପୁଅ। ଏଥିରେ ପୋଲିସ କର୍ମଚାରୀ ସନ୍ଦୀପ କୁମାର ସାହୁ ଓ ୧୧୨ ଗାଡିର ଡ୍ରାଇଭର ପ୍ରଦୀପ ସାମଲ ଆହତ ହୋଇଛନ୍ତି। ସେମାନଙ୍କୁ ବିଞ୍ଝାରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା କରାଯାଇଛି। ଅଭିଯୁକ୍ତ ପୁଅ ଦୀପ୍ତିରଞ୍ଜନ ରାଉଳ ଫେରାର୍ ଅଛି। ତାକୁ ଧରିବାକୁ ତନାଘନା ତଦନ୍ତ କରୁଛି ବିଞ୍ଝାରପୁର ଥାନା ପୋଲିସ।