୧୩ ଲକ୍ଷ ୮୫ ହଜାର ଟଙ୍କାର ଜାଲ୍ ନୋଟ ଜବତ କଲା ପୋଲିସ୍‌

ସମ୍ବଲପୁର: ସମ୍ବଲପୁରରେ ଜାଲ୍ ନୋଟ କାରବାର ପର୍ଦ୍ଦାଫାଶ ହୋଇଛି। ୧୩ ଲକ୍ଷ ୮୫ ହଜାର ଟଙ୍କାର ଜାଲ୍ ନୋଟ ଜବତ କରିଛି ପୋଲିସ। ଏଥିରେ ରହିଛି ୬୦୦ଟି ଦୁଇ ହଜାର ଟଙ୍କିଆ ନୋଟ, ୩୬୨ଟି ୫ ଶହ ଟଙ୍କିଆ ନୋଟ ଓ ୪୪ଟି ଶହେ ଟଙ୍କିଆ ନୋଟ। ଏହି ଘଟଣାରେ ୬ ଜଣଙ୍କୁ ଗିରଫ କରାଯାଇଛି। ସେମାନଙ୍କଠାରୁ ଟଙ୍କା ଛାପିବା ମେସିନ, କାଗଜ ଓ ଅନ୍ୟ ସାମଗ୍ରୀ ଜବତ କରାଯାଇଛି। ଗିରଫ ଅଭିଯୁକ୍ତଙ୍କ ମଧ୍ୟରୁ ୪ ଜଣଙ୍କ ଘର ବରଗଡ଼ ଜିଲ୍ଲାରେ ହୋଇଥିବାବେଳେ ମୁଖ୍ୟ ୨ ଅଭିଯୁକ୍ତଙ୍କ ଘର ଛତିଶଗଡ଼ର ରାୟଗଡ଼ାରେ ବୋଲି ସୂଚନା ମିଳିଛି। ପୋଲିସ ଏନେଇ ଅଧିକ ତଦନ୍ତ କରୁଛି, ଏହା ସହିତ ଅନ୍ୟ କେଉଁ ଅଞ୍ଚଳକୁ ଏମାନେ ଜାଲ୍ ନୋଟ୍ ପଠାଉଥିଲେ କି ତାର ମଧ୍ୟ ତଦନ୍ତ କରାଯାଇଛି।

Also Read

ଦେଶରେ ତଳମୁହାଁ କରୋନା ଗ୍ରାଫ୍‌: ୨୪ ଘଂଟାରେ ୩୯,୦୭୦ ଆକ୍ରାନ୍ତ ଚିହ୍ନଟ

ସପ୍ଟ ପର୍ଣ୍ଣ କରି ପୁନମ ପାଣ୍ଡେ-ଶର୍ଲିନ୍ ଚୋପ୍ରା ବି କମେଇଛନ୍ତି ଅନେକ ଟଙ୍କା : ଗହନା ବଶିଷ୍ଠ

'ବିଗ୍ ବସ୍‌’ଙ୍କ ଘରର ତାପମାତ୍ରା ବଢେଇବାକୁ ଆସୁଛନ୍ତି ‘ପରମ ସୁନ୍ଦରୀ’ ମଲାଇକା

ତେବେ ଏହା ପୂର୍ବରୁ ଗଜପତି ଜିଲ୍ଲା ପାରଳାଖେମୁଣ୍ଡି ଶ୍ରୀଧରନଗରରୁ ପ୍ରାୟ ୨.୫ ଲକ୍ଷ ଟଙ୍କାର ଜାଲ୍ ନୋଟ୍ ଜବତ କରାଯାଇଥିଲା। ଏଥିସହ ଜାଲ୍ ନୋଟ୍ ପାଇଁ ବ୍ୟବହୃତ କେମିକାଲ, କାଗଜ ଓ ଅନ୍ୟ ସାମଗ୍ରୀକୁ ଜବତ କରାଯାଇଥିଲା। ଜଣଙ୍କ ଘରେ ଏହି ନକଲି ନୋଟ କାରଖାନା ଚାଲିଥିବା ଖବର ପାଇ ପୁଲିସ ଚଢ଼ଉ କରିଥିଲା। ଏହି ଘଟଣାରେ ପୁଲିସ ୨ ଜଣଙ୍କୁ ଅଟକ ରଖି ପଚରାଉଚରା ବି କରିଥିଲା। ତେବେ କେଉଁ ପରିସ୍ଥିତିରେ ଜାଲ୍ ନୋଟ୍ ଆସିଲା ଜାଣିବାକୁ ପୁଲିସ ଅଧିକ ଖୋଳତାଡ଼ ଚଳାଇଛି।