ଗୋଟେ କି ଦୁଇଟି ନୁହେଁ ବରଂ ୬ଟି ହାତୀ ଦାନ୍ତ ସହ ଧରାପଡ଼ିଛି ଅଭିଯୁକ୍ତ । ବଲାଙ୍ଗିର ମାଲପଡ଼ା ଗାଁରୁ ନୁରେନ୍ ସେଠ ନାମଙ୍କ ଜଣେ ବ୍ୟକ୍ତିଙ୍କ ପାଖରୁ ମିଳିଛି ୬ଟି ହାତୀ ଦାନ୍ତ । ଯାହାର ଓଜନ ପ୍ରାୟ ୯ କିଲୋ ହେବ । ଏହି ହାତ ଦାନ୍ତ ଗୁଡ଼ିକୁ ଆଣି ନିଜ ପାଖରେ ଅଭିଯୁକ୍ତ ରଖିଥିବାର ସୂଚନା ମିଳିଥିଲା । କାହିଁକି ଓ କେଉଁଠୁ ଏତେ ସଂଖ୍ୟାରେ ହାତୀ ଦାନ୍ତ ସେ ପାଇଲେ ତାକୁ ନେଇ ଏବେ ଖୋଳତାଡ଼ ହେଉଛି ।
ଗତ କିଛି ଦିନ ଧରି ହାତୀ ଦାନ୍ତ କାରବାର ବଢ଼ିବା ପରେ ଯାଞ୍ଚକୁ କଡ଼ାକଡ଼ି କରିଛି ବନ ବିଭାଗ ଓ ଏସ୍ଟିଏଫ୍ । ୨୦୨୦ରୁ ରାଜ୍ୟର ବିଭିନ୍ନ ସ୍ଥାନରେ ଚଢ଼ାଇ କରି ଏବେ ଯାଏଁ ୨୪ଟି ହାତୀ ଦାନ୍ତ ଜବତ କରାଯାଇଛି ।
Also Read
ସୂଚନାଯୋଗ୍ୟ, ୨୦୨୦ ପରଠାରୁ ଏଯାବତ୍ ଏସ୍ଟିଏଫ୍ ୨୭ଟି ବାଘ ଛାଲ ଜବତ କରିଥିବା ବେଳେ ୨୪ଟି ହାତୀ ଦାନ୍ତ, ୭ଟି ହରିଣ ଛାଲ, ୧୩ଟି ଜୀବନ୍ତ ବଜ୍ରକାପ୍ତା, ୩୦ କେଜିରୁ ଅଧିକ ବଜ୍ରକାପ୍ତା କାତି, ୨ଟି ବାଘ ଦାନ୍ତ, ୨୯ଟି ବାଘ ନଖ ଓ ୪୬ଟି ଜୀବନ୍ତ ବଣୁଆ ଶୁଆ ଜବତ କରିଛି। ଏହା ସହିତ ଏହି ସବୁ ମାମଲାରେ ୬୭ ଜଣ ଅଭିଯୁକ୍ତଙ୍କୁ ଗିରଫ କରିଛି ଏସ୍ଟିଏଫ୍।