କଟକରେ କୁଖ୍ୟାତ ଅପରାଧୀକୁ ଏନ୍‌କାଉଣ୍ଟର

କଟକ ସାଲେପୁରରେ କୁଖ୍ୟାତ ଅପରାଧୀ ସୁଶାନ୍ତ ସାହୁକୁ ଏନ୍‌କାଉଣ୍ଟର କରାଯାଇଛି । ଗତକାଲି ବିଳମ୍ବିତ ରାତିରେ କଟକ ଜିଲ୍ଲା ନିଶ୍ଚିନ୍ତକୋଇଲି ପୋଲିସ ଅପରାଧୀ ସୁଶାନ୍ତ ସାହୁକୁ ଏନକାଉଣ୍ଟର କରିଛି । ବାଇକ୍‌ରେ ଫେରୁଥିବା ବେଳେ ଅସୁରେଶ୍ୱର ନିକଟରେ ଏହି ଏନ୍‌କାଉଣ୍ଟର ହୋଇଛି ।

ପୋଲିସ ଗାଡ଼ି ଦେଖି ସୁଶାନ୍ତ ପ୍ରଥମେ ୨ ରାଉଣ୍ଡ ଗୁଳିମାଡ଼ କରିଥିଲା । ଜବାବରେ ପୋଲିସ ଫାୟାରିଂ କରିଥିଲା । ସୁଶାନ୍ତର ଜଙ୍ଘରେ ଗୁଳି ବାଜିଥିବା ବେଳେ ତାକୁ ଗୁରୁତର ଅବସ୍ଥାରେ ଏସ୍‌ସିବି ମେଡିକାଲରେ ଭର୍ତ୍ତି କରାଯାଇଛି ।

ତେବେ ସୁଶାନ୍ତର ସହଯୋଗୀ ଫେରାର ହୋଇଯାଇଛି । ବିଭିନ୍ନ ଥାନାରେ ସୁଶାନ୍ତ ନାଁରେ ୫୪ଟି ମାମଲା ରହିଛି । ସୁଶାନ୍ତ ଠାରୁ ବନ୍ଧୁକ, ମୋବାଇଲ ଫୋନ ଜବତ ହୋଇଛି ।