ଦିଲ୍ଲୀରେ ଗାର୍ଲଫ୍ରେଣ୍ଡକୁ ହତ୍ୟା ପରେ ୩୫ ଖଣ୍ଡ କରି କାଟି ବିଭିନ୍ନ ସ୍ଥାନରେ ଫିଙ୍ଗିବା ଘଟଣା ବୟଫ୍ରେଣ୍ଡ ଅଫତାବ୍ ଅମିନ ପୁନାୱାଲାକୁ ନେଇ ଆସୁଛି ନୂଆ ନୂଆ ତଥ୍ୟ । ଅଭିଯୁକ୍ତ ଅଫତାବ୍ ଦେଖିଥିଲା କ୍ରାଇମ ସୋ । ଆମେରିକାର କ୍ରାଇମ ସୋ ଡେକ୍ସଟର ଦେଖି ହତ୍ୟାକାଣ୍ଡ ଘଟାଇବାକୁ ଉତ୍ସାହିତ ହୋଇଥିଲା । ଏହାସହ ତଥ୍ୟ ମିଳିଛି ଯେ ପ୍ରେମିକ ଅଫତାବ୍ ଜଣେ ସେଫ୍ ଭାବେ ଟ୍ରେନିଂ ନେଇଥିଲା ।
ଅଧିକ ପଢ଼ନ୍ତୁ: ଫ୍ରିଜ୍ରେ ପୁରୁଣା ପ୍ରେମିକାର ଶବ, ରୁମରେ ନୂଆ ପ୍ରେମିକା ! ଅଫତାବ କହିଲା.. Yes I Killed Her
Also Read
ମାଂସ କଟା ଯାଉଥିବା ଚାପଡ୍ର ବ୍ୟବହାର ସେ ଭଲଭାବେ ଜାଣିଥିଲା । ଯାହା ଫଳରେ କି ସେ ପ୍ରେମିକା ଶ୍ରଦ୍ଧାର ଶରୀରକୁ ଖଣ୍ଡ ଖଣ୍ଡ କରି ପ୍ରତିଦିନ ଜଙ୍ଗଲରେ ଫିଙ୍ଗିଥିଲା । ସବୁଦିନ ୨ଟା ରାତିରେ ଘରୁ ପଲିଥିନରେ ଶରୀର ଖଣ୍ଡଗୁଡିକୁ ନେଇ ଫିଙ୍ଗି ଆସୁଥିଲା । ବୁଲା ପଶୁଙ୍କୁ ଶରୀର ଖଣ୍ଡ ଗୁଡିକୁ ଖାଇବାକୁ ଦେଉଥିଲା ।
ସେପଟେ ବର୍ତ୍ତମାନ ପର୍ଯ୍ୟନ୍ତ ଗାର୍ଲଫ୍ରେଣ୍ଡ ଶ୍ରଦ୍ଧାଙ୍କ ମୁଣ୍ଡକୁ ଉଦ୍ଧାର କରିପାରିନାହି ଦିଲ୍ଲୀ ପୋଲିସ । ମୁଣ୍ଡକୁ ଖୋଜିବାକୁ ଅଭିଯୁକ୍ତକୁ ଧରି ଆଖପାଖ ଜଙ୍ଗଲରେ ଖୋଜାଖୋଜି କରୁଛି । ସେହିପରି ହତ୍ୟାକାଣ୍ଡ ଘଟାଇବା ସମୟରେ ଶ୍ରଦ୍ଧା ଏବଂ ଅଫତାବ୍ ପିନ୍ଧିଥିବା ପୋାଷାକକୁ ମଧ୍ୟ ପୋଲିସ ଜବତ କରିନାହିଁ । ହତ୍ୟାକାଣ୍ଡ ଘଟାଇବା ପରେ ପୋଷାକଗୁଡିକୁ ପ୍ରମାଣ ନଷ୍ଟ ପାଇଁ ଡଷ୍ଟବିନ୍ରେ ପକାଇ ଦେଇଥିବା କହିଛି ଅଫତାବ୍ ।
ହତ୍ୟାକାଣ୍ଡ ଗତ ମେ ମାସରେ ଘଟିଥିବାବେଳେ ଏବେ ଏହି ପୋଷାକକୁ ଖୋଜି ପାଇବା ପୋଲିସ ପାଇଁ କଷ୍ଟକର ହୋଇ ପଡିଛି । ଘଟଣାକୁ କୋର୍ଟରେ ପ୍ରମାଣ କରିବାକୁ ହେଲେ ପୋଲିସକୁ ବଳିଷ୍ଠ ପ୍ରମାଣ ସଂଗ୍ରହ କରିବାକୁ ପଡିବ । ଅନେକ ସମୟରେ ଏହି ଭଳି ମାମଲାରେ ଅଭିଯୁକ୍ତ ପୋଲିସ ପାଖରେ ଦେଇଥଇବା ବୟାନକୁ କୋର୍ଟରେ ବଦଳାଇ ଦେଇଥାଏ । ବଳିଷ୍ଠ ପ୍ରମାଣ ନଥିଲେ ମାମଲାରେ ଅଭିଯୁକ୍ତକୁ ଦୋଷୀକୁ ସାବ୍ୟସ୍ତ କରିବା ଅସମ୍ଭବ ହୋଇଥାଏ ।
ଘଟଣାକୁ ନେଇ ଉଦବେଗ ପ୍ରକାଶ କରିଛନ୍ତି ଜାତୀୟ ମହିଳା କମିଶନ । ଦିଲ୍ଲୀରେ ଏଭଳି ଘଟଣା ହୃଦୟ ବିଦାରକ । ଦିଲ୍ଲୀ ପୋଲିସ ଅଭିଯୁକ୍ତ ବିରୋଧରେ ଆଖିଦୃଶିଆ କାର୍ଯ୍ୟାନୁଷ୍ଠାନ ନେବାକୁ କହିଛନ୍ତି କମିଶନ ଅଧ୍ୟକ୍ଷା ରେଖା ଶର୍ମା । ଏହା ସହ ଦିଲ୍ଲୀ ପୋଲିସକୁ ରିପୋର୍ଟ ତଲବ କରିଛନ୍ତି ।