ଅବଦୁର ରେହମାନ ସମେତ ଆତଙ୍କବାଦରେ ଲିପ୍ତଥିବା ୪ ଦୋଷୀଙ୍କୁ ସଶ୍ରମ କାରାଦଣ୍ଡ

ଆତଙ୍କବାଦୀ ଷଡ଼ଯନ୍ତ୍ରରେ ଲିପ୍ତ ଥିବା ଚାରିଜଣଙ୍କୁ ଦୋଷୀ ସାବ୍ୟସ୍ତ ପରେ ଆଜି ସଜା ଶୁଣାଇଛନ୍ତି ଦିଲ୍ଲୀର ପଟିଆଲା ହାଉସ କୋର୍ଟ । ଦୋଷୀମାନଙ୍କୁ ୭ ବର୍ଷ ୫ମାସ ସଶ୍ରମ କାରାବାସ ସହିତ ୨୫ ହଜାର ଟଙ୍କା ଜୋରିମାନା କରାଯାଇଛି ।

ଦେଶ ବିରୋଧରେ ଆତଙ୍କବାଦୀ ଷଡଯନ୍ତ୍ରରେ ଲିପ୍ତ ଥିବା ଚାରିଜଣ ମହମ୍ମଦ ଆସିଫ, ଅବଦୁର ରେହମାନ, ଜାଫର ମାସୁଦ ଏବଂ ଅବଦୁଲ ସାମିଙ୍କୁ ଜେଲଦଣ୍ଡ ଶୁଣାଇଛନ୍ତି ଦିଲ୍ଲୀର ପଟିଆଲା ହାଉସ କୋର୍ଟ । ସେମାନଙ୍କ ବିରୋଧରେ ଆତଙ୍କବାଦୀ ଷଡ଼ଯନ୍ତ୍ରରେ ଲିପ୍ତ ଥିବା ଅଭିଯୋଗ ପ୍ରମାଣିତ ହେବା ପରେ ଦିଲ୍ଲୀ ପଟିଆଲା କୋର୍ଟ ଏହି ରାୟ ଶୁଣାଇଛନ୍ତି ।

ଦୋଷୀଙ୍କ ଭିତରେ ଅଛି କଟକରୁ ଗିରଫ ହୋଇଥିବା ଅବଦୁର ରେହମାନ । ସେ ପାକିସ୍ତାନ ଯାଇ ଆତଙ୍କବାଦୀ ଟ୍ରେନିଂ ନେଇଥିବା ପ୍ରମାଣିତ ହୋଇଥିଲା । ୨୦୧୫ରେ ଦିଲ୍ଲୀ ପୋଲିସ ଆତଙ୍କବାଦୀ ଲିଂକରେ ଏହି ୪ଜଣଙ୍କୁ ଗିରଫ କରିଥିଲା ।

ସେବେଠାରୁ ଏହି ମାମଲାର ଶୁଣାଣି ଜାରି ରହିଥିଲା । ହେଲେ ଆଜି ସମସ୍ତ ୪ଜଣ ଆଭିଯୁକ୍ତଙ୍କ ବିରୋଧରେ ରାୟ ପ୍ରକାଶ କରିଛନ୍ତି ଦିଲ୍ଲୀର ପଟିଆଲା ହାଉସ କୋର୍ଟ । ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ବେଳେ ଜୋରିମାନା କରାଯାଇଛି ।

ପୂର୍ବରୁ ସମସ୍ତ ଅଭିଯୁକ୍ତ ଆତଙ୍କବାଦୀ ଷଡ଼ଯନ୍ତ୍ରରେ ଲିପ୍ତ ଥିବା ଆଭିଯୋଗ ହୋଇଥିଲା । ଘଟଣାକୁ ନେଇ ପୋଲିସ ତନାଘନା କରିବା ସହ ୪ଜଣଙ୍କୁ ଗିରଫ କରିଥିଲା । ଗିରଫ ୪ଜଣଙ୍କ ମଧ୍ୟରେ ରହିଥିଲା କଟକର ଅବଦୁର ରେହମାନ ।

ସେ ମଧ୍ୟ ଆତଙ୍କବାଦ କାର୍ଯ୍ୟକଳାପରେ ଲିପ୍ତ ରହିଥିଲା । ପାକିସ୍ତାନ ଯାଇ ଆତଙ୍କବାଦୀ ଟ୍ରେନିଂ ନେଇଥିଲା ଅବଦୁର । ଏହା ପ୍ରମାଣିତ ହେବା ପରେ ୨୦୧୫ରେ ତାକୁ ପୋଲିସ ଗିରଫ କରିଥିଲା ।