ବୟସ ୨୭; ଲଣ୍ଡନରୁ ଭାରତ ସବୁଠି ଚର୍ଚ୍ଚା...୩ ମାସରେ ତିଆରି କଲେ ୯୧୦୦ କୋଟିର କମ୍ପାନୀ

ଗତ କିଛି ବର୍ଷ ମଧ୍ୟରେ ଭାରତରେ ଷ୍ଟାର୍ଟଅପ୍ ବଢିବାରେ ଲାଗିଛି । ଅନେକ ଯୁବକ ଚାକିରି ଛାଡି ନିଜର ଷ୍ଟାର୍ଟଅପ୍ ଆରମ୍ଭ କରୁଛନ୍ତି । ଅନେକ ଯୁବକ ଆଗାମୀ ଯୁବପିଢିଙ୍କ ପାଇଁ ଉଦାହରଣ ସୃଷ୍ଟି କରୁଛନ୍ତି । ତେବେ ଆଜି ଆମେ ଆପଣଙ୍କୁ ଜଣେ ବ୍ୟକ୍ତିଙ୍କ ବିଷୟରେ ସୂଚନା ଦେବୁ ଯିଏ ଲଣ୍ଡନ ଭିତ୍ତିକ ଷ୍ଟାର୍ଟଅପ୍‌କୁ ୧.୨ ବିଲିୟନ ଡଲାରର ଏକ କମ୍ପାନୀରେ ପରିଣତ କରିଛନ୍ତି ଅର୍ଥାତ୍ ମାତ୍ର ତିନି ମାସ ମଧ୍ୟରେ ୯୧୦୦ କୋଟି ଟଙ୍କା ମାଲିକ ହୋଇପାରିଛନ୍ତି । ଏହି ବ୍ୟକ୍ତିର ନାମ ହେଉଛି ପର୍ଲ କପୁର । ମେ ୨୦୨୩ରେ ସାଇବର ସୁରକ୍ଷା କମ୍ପାନୀ ଜାଇବର ୩୬୫ର ସିଇଓ ପର୍ଲ କାପୁରଙ୍କ ଦ୍ବାରା ପ୍ରତିଷ୍ଠିତ ହୋଇଥିଲା । ବର୍ତ୍ତମାନ ଏହି କମ୍ପାନୀ ବ୍ରିଟେନ ଭିତ୍ତିକ କମ୍ପାନୀ SRAM ଓ MRAM ଗ୍ରୁପ୍ ଠାରୁ ମୋଟ ୧୦୦ ମିଲିୟନ୍ ଡଲାର୍ ସଂଗ୍ରହ କରିଛି । ଏହ କମ୍ପାନୀ ତିଆରି ହେବାର ତିନିମାସ ମଧ୍ୟରେ କମ୍ପାନୀର ମୋଟ ମୂଲ୍ୟ ୯୧୦୦ କୋଟିରେ ପହଞ୍ଚିଛି ।

କେଉଁ ବ୍ୟବସାୟରେ ଭଲ ଟଙ୍କା ରୋଜଗାର କଲେ ଜାଣନ୍ତୁ...

ଜାଇବର ୩୬୫ (Zyber 365) ହେଉଛି ଏକ ସାଇବର ଆଧାରିତ କମ୍ପାନୀ ଯାହାକି ଅନ୍ୟ କମ୍ପାନୀର ସାଇବର ସୂଚନାକୁ ହ୍ୟାକିଂରୁ ସୁରକ୍ଷିତ ରଖିବା କ୍ଷେତ୍ରରେ କାର୍ଯ୍ୟ କରିଥାଏ । ଏହି କମ୍ପାନୀ ୨୦୨୩ରେ  ହ୍ୟାକର୍ ସନ୍ନି ଭାଗେଲାଙ୍କ ସହ ପର୍ଲ କପୁରଙ୍କ ଦ୍ୱାରା ଆରମ୍ଭ ହୋଇଥିଲା । ବର୍ତ୍ତମାନ, ସନ୍ନି ଏହି କମ୍ପାନୀରେ ସିଇଓ ଭାବରେ କାମ କରୁଛନ୍ତି ଓ ତାଙ୍କର ଏକ ଫାର୍ମ ରହିଛି  ଯେଉଁଠି ଦୈନନ୍ଦିନ କାମ ପରିଚାଳନା କରୁଛନ୍ତି । 

କେମିତି ଆରମ୍ଭ କଲେ ପର୍ଲ କପୁର ତାଙ୍କ କ୍ୟାରିଅର୍...
ଜାଇବର ୩୬୫ ମାଧ୍ୟମରେ ସଫଳତାର ଉଚ୍ଚତାକୁ ଛୁଇଁଥିବା ପର୍ଲ କପୁର, ଲଣ୍ଡନର ରାଣୀ ମେରି ୟୁନିଭରସିଟିରୁ ଇନଭେଷ୍ଟମେଣ୍ଟ ବ୍ୟାଙ୍କିଙ୍ଗରେ ଏମ୍‌ଏସ୍‌ସି ଅଧ୍ୟୟନ କରିଛନ୍ତି । ଏହା ପରେ ସେ ଏମ୍ପିଏମ୍ ଷ୍ଟୋର କମ୍ପାନୀ ପାଇଁ ଆର୍ଥିକ ପରାମର୍ଶଦାତା ଭାବରେ କାମ କରୁଥିଲେ । ଏହା ପରେ ସେ ଆଣ୍ଟିଅର୍ ସଲ୍ୟୁସନ୍ ପାଇଁ ବ୍ୟବସାୟ ପରାମର୍ଶଦାତା ଭାବରେ ମଧ୍ୟ କାର୍ଯ୍ୟ କରିଥିଲେ । ଏହା ପରେ, ସେ ଫେବୃଆରୀ ୨୦୨୨ରେ ବିଲିୟନ ପେ ଟେକ୍ନୋଲୋଜି ନାମକ ଏକ କମ୍ପାନୀ ଆରମ୍ଭ କରିଥିଲେ । ଏହା ପରେ, ମେ ୨୦୨୩ରେ, ସାଇବର ସୁରକ୍ଷା ଉପରେ କାର୍ଯ୍ୟ କରୁଥିବା ଏକ କମ୍ପାନୀ ଜାଇବର ୩୬୫ ଆରମ୍ଭ ହୋଇଥିଲା । 

କପୁରଙ୍କ ଜାଇବର ୩୬୫ କମ୍ପାନୀ ମୁଖ୍ୟାଳୟ ଲଣ୍ଡନରେ ଅବସ୍ଥିତ ଓ ଭାରତରୁ କାମ କରୁଛି । ତାଙ୍କ ଯୋଜନା ବିଷୟରେ ପର୍ଲ କପୁର ଗଣମାଧ୍ୟମ ସହ କଥାବାର୍ତ୍ତା ବେଳେ କହିଥିଲେ ଯେ ସେ ଭବିଷ୍ୟତରେ ଭାରତରେ ତାଙ୍କ କମ୍ପାନୀର ଅପରେସନ୍ ହବ୍ କରିବାକୁ ଚାହୁଁଛନ୍ତି । ଏହା ସହିତ ସେ ନିଶ୍ଚିତ ଅଛନ୍ତି ଯେ ଆଗାମୀ ସମୟରେ ଭାରତ ସାଇବର ଅପରେସନର ଏକ ବଡ଼ କେନ୍ଦ୍ର ଭାବରେ ଉଭା ହେବ ।

ବର୍ତ୍ତମାନ ଜାଇବର୍ ୩୬୫ ବ୍ରିଟେନର ଏକ କମ୍ପାନୀରୁ ମୋଟ ୧୦୦ ମିଲିୟନ୍ ଡଲାର୍ ପାଇଛି । ଏହି ପାଣ୍ଠି ବିଷୟରେ କମ୍ପାନୀର ସହ-ପ୍ରତିଷ୍ଠାତା ସନ୍ନି ଭାଗେଲା କହିଛନ୍ତି ଯେ ଏହି ଟଙ୍କା ସହିତ କମ୍ପାନୀ ଏହାର ଉତ୍ପାଦର ଉନ୍ନତି ପାଇଁ କାର୍ଯ୍ୟ କରିବ । ଏହି ଉତ୍ପାଦଗୁଡିକ AI ଆଧାରିତ ହେବ, ଯାହା ଭବିଷ୍ୟତରେ AI ସହିତ ସାଇବର ସୁରକ୍ଷାକୁ ସୁଦୃଢ କରିବାରେ ସାହାଯ୍ୟ କରିବ ।