ରାସ୍ତାରେ ଗାଡ଼ି ଅଟକାଇ ଚେକିଂ କରୁଥିଲେ କନଷ୍ଟେବଲ୍‌, ଫୁଲ୍‌ ସ୍ପିଡ୍‌ରେ ଆସି ଧକ୍କା ଦେଲା ଏସୟୁଭି କାର୍‌...

ଦିଲ୍ଲୀରେ ହିଟ୍ ଆଣ୍ଡ୍‌ ରନ୍ । ଦିଲ୍ଲୀ ପୋଲିସ କନଷ୍ଟେବଲଙ୍କୁ ଧକ୍କା ଦେଇ ଫେରାର୍ ମାରିଲେ କାର୍ ଡ୍ରାଇଭର । ଏଭଳି ଏକ ମର୍ମନ୍ତୁଦ ଦୁର୍ଘଟଣାର ସିସିଟିଭି ଚିତ୍ର ଏବେ ସାମ୍ନାକୁ ଆସିଛି । ଗତ ୨୪  ଓ ୨୫ ତାରିଖ ମଧ୍ୟ ରାତ୍ରରେ ଏହି ଘଟଣା ଘଟିଥିଲା। 

ମିଳିଥିବା ସୂଚନା ଅନୁସାରେ, ଦିଲ୍ଲୀର କନ୍ନଟ ପ୍ଲେସ୍‌ରେ ପୋଲିସ କନଷ୍ଟେବଲ ଜଣକ ଚେକ୍‌ ପୋଷ୍ଟରେ ଥିବା ଏକ ଗାଡ଼ି ନିକଟରେ ଛିଡ଼ା ହୋଇ ଚେକିଂ କରୁଥିଲେ । ଏହି ସମୟରେ ଦ୍ରୁତ ଗତିରେ ଏକ ଏସୟୁଭି କାର୍‌ ଆସି କନଷ୍ଟେବଲଙ୍କୁ ଧକ୍କା ଦେଇଥିଲା ।

ଦୁର୍ଘଟଣା ଏତେ ଭୟଙ୍କର ଥିଲା ଯେ, ପୋଲିସ କର୍ମଚାରୀ ଜଣକ ଛିଟ୍‌କି ହୋଇ କିଛି ଦୂରରେ ଯାଇ ପଡ଼ିଥିଲେ । ଦୁର୍ଘଟଣାରେ ତାଙ୍କର ଗୋଡ଼ ଏବଂ ମୁଣ୍ଡରେ ଆଘାତ ଲାଗିଛି । ଦୁର୍ଘଟରା ପରେ କାର୍ ସହ ଡ୍ରାଇଭର ଘଟଣାସ୍ଥଳରୁ ଫେରାର୍ ମାରିଥିଲେ । ହେଲେ ପୋଲିସ ପରେ ଡ୍ରାଇଭରକୁ ଅଟକ ରଖିଥିଲା ।  

ଅନ୍ୟପକ୍ଷେ, ପୋଲିସ୍‌ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି ।