ବଢ଼ିବାରେ ଲାଗିଛି କୋରାପୁଟ ଡକରିଘାଟିରେ ବସ୍ ଦୁର୍ଘଟଣାରେ ମୃତକଙ୍କ ସଂଖ୍ୟା। ଏବେ ଯାଏଁ ଦୁର୍ଘଟଣାରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୨୮ରୁ ଅଧିକ ଆହତ ହୋଇଛନ୍ତି। କୋରାପୁଟ ଡକରିଘାଟିରେ ଆଜି ସକାଳୁ ବସ୍ ଓଲଟିପଡ଼ିଥିଲା। ସମସ୍ତ ଆହତଙ୍କୁ ବୈପାରୀଗୁଡ଼ା ମେଡିକାଲରେ ଭର୍ତ୍ତି କରାଯାଇଛି।
ମିଳିଥିବା ସୂଚନା ମୁତାବକ କଟକ ଓ ପୁରୀ ଜିଲ୍ଲାରୁ ଗୁପ୍ତେଶ୍ବର ଦର୍ଶନ ପାଇଁ ଯାଇଥିବା ବେଳେ ବସ୍ ଟି ଦୁର୍ଘଟଣା ଗସ୍ତ ହୋଇଛି। ୬୦ରୁ ୬୫ ପର୍ଯ୍ୟଟକ ବସ୍ ରେ ଗୁପ୍ତେଶ୍ୱର ଦର୍ଶନ ପାଇଁ ଯାଉଥିଲେ। ରାମଗିରି ୧୮୦ ବାଟାଲିୟନ୍ ପକ୍ଷରୁ ଉଦ୍ଧାରକାର୍ଯ୍ୟ ଜାରି ରହିଛି । ଏବେ ବି ଅନେକ ପର୍ଯ୍ୟଟକ ବସ୍ ଭିତରେ ଚାପି ହୋଇ ରହିଥିବାର ଜଣାପଡିଛି ।
Also Read
କୋରାପୁଟ ଡକରିଘାଟିରେ ବସ୍ ଦୁର୍ଘଟଣାରେ ମୃତ୍ୟୁ ସଂଖ୍ୟା ବଢିବାର ଆଶଙ୍କା କରାଯାଉଛି । ବୈପାରୀଗୁଡ଼ା ଥାନା ଡକରିଘାଟିରେ ବସ୍ ଦୁର୍ଘଟଣାଗ୍ରସ୍ତ ହୋଇଛି । ଆହତମାନଙ୍କୁ ବୈପାରୀଗୁଡ଼ା ମେଡିକାଲରେ ଭର୍ତ୍ତି କରାଯାଇଛି । କଟକ ଓ ପୁରୀ ଜିଲ୍ଲାରୁ ଗୁପ୍ତେଶ୍ବର ଦର୍ଶନ ପାଇଁ ଯାଇଥିଲେ ପର୍ଯ୍ୟଟକ । ମୃତକଙ୍କ ପରିବାରକୁ ୨ ଲକ୍ଷ ଟଙ୍କାର ଅନୁକମ୍ପାମୂଳକ ସହାୟତା ରାଶି ଦେବା ପାଇଁ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ । ଆହତମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା କରିବାକୁ ନିର୍ଦ୍ଦେଶ ଦେଇଛନ୍ତି ।