Viral Vande Bharat Sleeper Train Interior: ବଦଳି ଗଲା ଲାଇଟ୍ ଆଉ କମ୍ବଳ; ବନ୍ଦେ ଭାରତ ସ୍ଲୀପର ଟ୍ରେନ ମହିଳା ଯାତ୍ରୀଙ୍କ ପ୍ରଥମ ଅଭିଜ୍ଞତା

ସୋସିଆଲ ମିଡିଆ ପ୍ଲାଟଫର୍ମ X ରେ ବନ୍ଦେ ଭାରତ ସ୍ଲୀପର ଟ୍ରେନର ଗୋଟିଏ ଭିଡିଓ ଦ୍ରୁତ ଗତିରେ ଭାଇରାଲ୍ ହେଉଛି। ଏହି ଭିଡିଓରେ ଜଣେ ଯୁବତୀ ସେକେଣ୍ଡ ଏସି କୋଚର ସୁବିଧାଗୁଡ଼ିକୁ ଦେଖାଉଛନ୍ତି। ସେ କହୁଛନ୍ତି ଯେ କୋଚ୍‌ରେ ଭଲ କ୍ୱାଲିଟିର ପର୍ଦ୍ଦା, ଆକର୍ଷଣୀୟ ଆଲୋକ ବ୍ୟବସ୍ଥା ରହିଛି ଏବଂ ସମ୍ପୂର୍ଣ୍ଣ କେବିନ୍ ଆନ୍ତର୍ଜାତୀୟ ସ୍ତର ଭଳି ଲାଗୁଛି। ତାଙ୍କ କଥାରେ ଉଭୟ ଆଶ୍ଚର୍ଯ୍ୟ ଓ ଖୁସି ସ୍ପଷ୍ଟ ବାରିହୋଇ ପଡୁଛି।

ଭିଡିଓରେ ଯୁବତୀ ସବୁଠାରୁ ଅଧିକ ପ୍ରଶଂସା କମ୍ବଳଗୁଡ଼ିକର କରୁଥିବା ଦେଖାଯାଉଛି। ସେ କମ୍ବଳ ଦେଖାଇ କହୁଛନ୍ତି ଯେ ଏଥିରେ ଭାରତୀୟ ରେଲୱେର ଟ୍ୟାଗ୍ ଲାଗିଛି ଏବଂ ସେଗୁଡ଼ିକ ସମ୍ପୂର୍ଣ୍ଣ ନୂଆ ଲାଗୁଛି। କଭରର ରଙ୍ଗ, ଡିଜାଇନ୍ ଓ ସଫାସୁତୁରା ଦେଖି ସେ କହୁଛନ୍ତି ଯେ ସମ୍ଭବତଃ ଯାତ୍ରୀମାନେ ପୂର୍ବରୁ ଏପରି କମ୍ବଳ କେବେ ଦେଖି ନଥିବେ। ତାଙ୍କ କହିବା ଅନୁସାରେ, ରେଲୱେ ପ୍ରତ୍ୟେକ ଛୋଟ ଛୋଟ ଜିନିଷ ପ୍ତତି ମଧ୍ୟ ଗଭୀର ଧ୍ୟାନ ଦେଇଛି।

ଏହା ସହିତ ଚିକ୍‌ଚିକ୍ ମାରୁଥିବା ଟ୍ରେନର ପ୍ରଶଂସା ସହିତ ସେ ଯାତ୍ରୀମାନଙ୍କୁ ଗୋଟିଏ ବିଶେଷ ଅନୁରୋଧ ମଧ୍ୟ କରିଛନ୍ତି। ସେ କହୁଛନ୍ତି ଯେ ଏତେ ଭଲ ସୁବିଧାଗୁଡ଼ିକୁ ଅତୁଟ ରଖିବା ପାଇଁ ଲୋକମାନେ ସିଭିକ୍ ସେନ୍ସ ଦେଖାଇବା ଆବଶ୍ୟକ। ସଫାସୁତୁରା ଓ ବ୍ୟବସ୍ଥାକୁ ରକ୍ଷା କରିବା ଯାତ୍ରୀମାନଙ୍କର ଦାୟିତ୍ୱ, ଯାହାଦ୍ୱାରା ବନ୍ଦେ ଭାରତ ସ୍ଲୀପର ଟ୍ରେନ ସବୁବେଳେ ଏଭଳି ରହିପାରିବ।

ଏହି ଭିଡିଓଟି @Alpakanya ନାମକ ଆକାଉଣ୍ଟରୁ ସେୟାର କରାଯାଇଛି। କ୍ୟାପ୍ସନରେ ଭାରତୀୟ ରେଲୱେର ପରିବର୍ତ୍ତନ ଓ ନେତୃତ୍ୱର ପ୍ରଶଂସା କରାଯାଇଛି। ୧ ମିନିଟ୍ ୮ ସେକେଣ୍ଡର ଏହି ଭିଡିଓକୁ ଖବର ଲେଖାହେବା ବେଳକୁ ୨ ଲକ୍ଷ ୩୩.୪ ହଜାରରୁ ଅଧିକ ଲୋକ ଦେଖିଥିବାବେଳେ ୭.୮ ହଜାରରୁ ଅଧିକ ଲାଇକ୍ ମିଳିଥିଲା।

ଏହି ଭିଡିଓ ପ୍ରମାଣ କରୁଛି ଯେ Indian Railways modernization ଏବେ ସିଧାସଳଖ ଭାବେ ଲୋକମାନଙ୍କୁ ପ୍ରଭାବିତ କରୁଛି। ବନ୍ଦେ ଭାରତ ସ୍ଲୀପର ଟ୍ରେନର ଏହି ଭିଡିଓ କେବଳ ସୁବିଧାର ଝଲକ ନୁହେଁ, ବରଂ ଯାତ୍ରୀମାନଙ୍କ ମଧ୍ୟରେ ଦାୟିତ୍ୱବୋଧକୁ ମଧ୍ୟ ଜାଗ୍ରତ କରୁଛି।