PF Holders May Get: PF ଆକାଉଣ୍ଟ ଥିଲେ ମିଳିବ ୪୫ ହଜାର ! ଜାଣି ନିଅନ୍ତୁ ପୂରା ପ୍ରକ୍ରିୟା

ନୂଆବର୍ଷରେ EPFO କର୍ମଚାରୀଙ୍କ ପାଇଁ ଆସିପାରେ ଖୁସି ଖବର। ବଢ଼ିପାରେ EPF ଆକାଉଣ୍ଟର ସୁଧହାର। ଆର୍ଥିକ ବର୍ଷ, 2025-26 ପାଇଁ ସୁଧ ହାର ବୃଦ୍ଧି କରିବା ଉପରେ ଆଲୋଚନା ଆରମ୍ଭ ହୋଇଛି। PF ଆକାଉଣ୍ଟଧାରୀଙ୍କୁ ଆର୍ଥିକ ସୁରକ୍ଷା ପ୍ରଦାନ କରିବା ପାଇଁ EPFO ନୂତନ ଯୋଜନା ପ୍ରସ୍ତୁତ କରୁଛି। ଆଉ ଆଶା କରାଯାଉଛି ଯେ ସରକାର ଏଥର PF କର୍ମଚାରୀମାନଙ୍କୁ 9% ପର୍ଯ୍ୟନ୍ତ ସୁଧ ପ୍ରଦାନ କରିପାରନ୍ତି। ବର୍ତ୍ତମାନ, 2024-25ରେ କର୍ମଚାରୀଙ୍କୁ 8.25% ସୁଧ ପ୍ରଦାନ କରାଯାଇଥିଲା। ତେଣୁ ସୁଧ ବଢିଲେ ଏହା 0.75% ବୃଦ୍ଧି ହେବ। ଯଦି ପ୍ରସ୍ତାବଟି ଗୃହୀତ ହୁଏ, ତେବେ ପ୍ରାୟ ୭.୫ କୋଟି EPF କର୍ମଚାରୀ ଏଥିରୁ ସିଧାସଳଖ ଉପକୃତ ହେବେ। ଆଉ ଅନେକ କର୍ମଚାରୀ ₹୪୫,୦୦୦ ଟଙ୍କା ପର୍ଯ୍ୟନ୍ତ ଅତିରିକ୍ତ ରାଶି ପାଇ ପାରିବେ। EPFO ଦ୍ୱାରା ଖୁବ୍ ଶୀଘ୍ର ଏନେଇ ସମ୍ପୂର୍ଣ୍ଣ ବିବରଣୀ ପ୍ରକାଶ କରାଯିବ।

ଯଦି ସୁଧ ହାର ୯ ପ୍ରତିଶତ ସ୍ଥିର କରାଯାଏ, ତେବେ PF ଜମା ଉପରେ ଲାଭ ଆହୁରି ବୃଦ୍ଧି ପାଇବ। ₹୫ ଲକ୍ଷ ଜମା କଲେ ₹୪୫,୦୦୦ ସୁଧ ମିଳିବ। ₹୪ ଲକ୍ଷ ଜମା କଲେ ₹୩୬,୦୦୦ ଲାଭ ମିଳିବ। ₹୩ ଲକ୍ଷ ଜମା କଲେ ₹୨୭,୦୦୦ ଲାଭ ମିଳିବ। ତଥାପି, ସୁଧ ହାର ବୃଦ୍ଧି ନେଇ ଏପର୍ଯ୍ୟନ୍ତ କୌଣସି ସରକାରୀ ଘୋଷଣା କରାଯାଇ ନାହିଁ। ହେଲେ ଗଣମାଧ୍ୟମ ରିପୋର୍ଟଗୁଡ଼ିକ ଅନୁସାର ଏହି ପ୍ରସ୍ତାବ ଫେବୃଆରୀରେ ମଞ୍ଜୁର ହୋଇପାରେ, ଏବଂ ଅନୁମୋଦନ ପରେ ଅତିରିକ୍ତ ପାଣ୍ଠି ସିଧାସଳଖ କର୍ମଚାରୀଙ୍କ ଆକାଉଣ୍ଟକୁ ସ୍ଥାନାନ୍ତରିତ ହେବ। ଏହା ଲକ୍ଷ ଲକ୍ଷ ନିଯୁକ୍ତିପ୍ରାପ୍ତ ଲୋକଙ୍କୁ ଆର୍ଥିକ ଆଶ୍ୱସ୍ତି ପ୍ରଦାନ କରିବ।

EPFO ପ୍ରତିବର୍ଷ ସୁଧ ରାଶି ପ୍ରକାଶ କରେ ଏବଂ ସିଧାସଳଖ PF ଆକାଉଣ୍ଟକୁ ସ୍ଥାନାନ୍ତର କରେ। ଏହି ବର୍ଷ, ୮.୨୫% ସୁଧ ପ୍ରଦାନ କରାଯାଇଛି; ଏବେ, ପ୍ରତ୍ୟେକ କର୍ମଚାରୀ 2025-26 ପାଇଁ ନୂତନ ସୁଧହାର ଅପେକ୍ଷା କରିଛନ୍ତି। ଆଶା କରାଯାଉଛି ଯେ ଏଥର ସୁଧ ହାର ବୃଦ୍ଧି କର୍ମଚାରୀଙ୍କ ପକେଟକୁ ଆହୁରି ମଜବୁତ କରିବ।