ED Row Escalates: ମମତା ବାନାର୍ଜୀ ବନାମ ଇଡି ବିବାଦ, ସୁପ୍ରିମକୋର୍ଟରେ ପଶ୍ଚିମବଙ୍ଗ ସରକାରଙ୍କୁ ୫ ବଡ଼ ଝଟକା

ସୁପ୍ରିମକୋର୍ଟରେ I-PAC ରେଡ୍ ମାମଲାର ଶୁଣାଣି ହୋଇଥିଲା। ପ୍ରବର୍ତ୍ତନ ନିର୍ଦ୍ଦେଶାଳୟ (ED) ର ପ୍ରତିନିଧିତ୍ୱ କରୁଥିବା ସଲିସିଟର ଜେନେରାଲ ତୁଷାର ମେହେଟା ଯୁକ୍ତି ଦର୍ଶାଇଥିଲେ ଯେ ମୁଖ୍ୟମନ୍ତ୍ରୀ ନିଜେ ଏହି ମାମଲାରେ ଅଭିଯୁକ୍ତ । ପଶ୍ଚିମବଙ୍ଗ ଡିଜିପି ତାଙ୍କର ଜଣେ ସହଯୋଗୀ ଭାବରେ କାର୍ଯ୍ୟ କରିଥିଲେ, କାରଣ କାର୍ଯ୍ୟାଳୟରୁ ଫାଇଲ୍ ଏବଂ ଡକ୍ୟୁମେଣ୍ଟ ଚୋରି ମୁଖ୍ୟମନ୍ତ୍ରୀ ମମତା ବାନାର୍ଜୀ ନିଜେ କରିଥିଲେ। କୋର୍ଟ ଏହି ମାମଲାରେ ମମତା ବାନାର୍ଜୀ ସରକାରଙ୍କ ଉପରେ ମଧ୍ୟ କଠୋର ଆଭିମୁଖ୍ୟ ଗ୍ରହଣ କରିଛନ୍ତି, ଯାହାକୁ ମମତା ସରକାରଙ୍କ ପାଇଁ ଏକ ବଡ଼ ଝଟକା ଭାବରେ ଦେଖାଯାଉଛି।

ସୁପ୍ରିମକୋର୍ଟରୁ ମମତା ବାନାର୍ଜୀ ସରକାରଙ୍କୁ ୫ଟି ବଡ଼ ଝଟକା

1.    ସୁପ୍ରିମକୋର୍ଟ କହିଛନ୍ତି ଯେ ଇଡି ଚଢାଉ ସମୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ପୋଲିସ ଅଧିକାରୀମାନେ କୋଲକାତାର ଆଇ-ପିଏସି କାର୍ଯ୍ୟାଳୟରେ ପ୍ରବେଶ କରି ଫାଇଲଗୁଡ଼ିକ ଛଡ଼ାଇ ନେଇଥିଲେ, ଯାହା ତଦନ୍ତ ଏଜେନ୍ସିର କାର୍ଯ୍ୟରେ ହସ୍ତକ୍ଷେପ ଥିଲା। ଶୁଣାଣି ସମୟରେ ସଲିସିଟର ଜେନେରାଲ ତୁଷାର ମେହେଟ୍ଟା କହିଥିଲେ ଯେ ଇଡି ଅଧିକାରୀମାନେ ଚଢାଉ ସ୍ଥାନରେ କିଛି ଦସ୍ତାବିଜ ବିଷୟରେ ସୂଚନା ପାଇଥିଲେ ଯାହା ତଦନ୍ତାଧୀନ ଥିଲା। ସ୍ଥାନୀୟ ପୋଲିସକୁ ଚଢାଉ ବିଷୟରେ ସୂଚନା ଦିଆଯାଇଥିଲା, କିନ୍ତୁ ମୁଖ୍ୟମନ୍ତ୍ରୀ ମମତା ବାନାର୍ଜୀ ବେଆଇନ ଭାବରେ ସେହି ସ୍ଥାନରେ ପ୍ରବେଶ କରି ଡକ୍ୟୁମେଣ୍ଟ ଚୋରି କରିଥିଲେ। 

କେନ୍ଦ୍ରୀୟ ତଦନ୍ତରେ ହସ୍ତକ୍ଷେପ କରିବାର ଅଧିକାର ନାହିଁ

2.    ସୁପ୍ରିମକୋର୍ଟ ଇଡି ଅଧିକାରୀଙ୍କ ବିରୋଧରେ ଦାୟର ଚାରୋଟି ଏଫଆଇଆରରେ କାର୍ଯ୍ୟାନୁଷ୍ଠାନ ଉପରେ ରୋକ ଲଗାଇଛନ୍ତି। କୋର୍ଟ କହିଛନ୍ତି ଯେ ରାଜ୍ୟ ସରକାରୀ ସଂସ୍ଥାଗୁଡ଼ିକର କେନ୍ଦ୍ରୀୟ ତଦନ୍ତରେ ହସ୍ତକ୍ଷେପ କରିବାର କୌଣସି ଅଧିକାର ନାହିଁ। ଏହି ମାମଲା ଦେଶର ଆଇନର ଶାସନ ଏବଂ ସାମ୍ବିଧାନିକ ପ୍ରତିଷ୍ଠାନଗୁଡ଼ିକର ସ୍ୱାଧୀନ କାର୍ଯ୍ୟକାରିତା ଉପରେ ଗମ୍ଭୀର ପ୍ରଶ୍ନ ଉଠାଇଛି।

3.    ସୁପ୍ରିମକୋର୍ଟ ପଶ୍ଚିମବଙ୍ଗ ପୋଲିସ ପ୍ରଶାସନ ଏବଂ ମମତା ବାନାର୍ଜୀ ସରକାରଙ୍କଠାରୁ ଜବାବ ତଲବ କରିଛନ୍ତି। କୋର୍ଟ ସରକାର ଏବଂ ରାଜ୍ୟ ପୋଲିସ ଅଧିକାରୀମାନଙ୍କୁ ନୋଟିସ ଜାରି କରିଛନ୍ତି ଏବଂ ଦୁଇ ସପ୍ତାହ ମଧ୍ୟରେ ଜବାବ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି।

4.    ପଶ୍ତିମବଙ୍ଗର ଡିଜିପି ରାଜୀବ କୁମାର ଏବଂ କୋଲକାତା ପୋଲିସ କମିଶନର ମନୋଜ ବର୍ମାଙ୍କୁ ନିଲମ୍ବନ ଦାବି ଉପରେ କେନ୍ଦ୍ର ଗୃହ ମନ୍ତ୍ରଣାଳୟ ଏବଂ ମମତା ସରକାରଙ୍କଠାରୁ ମତାମତ ଲୋଡାଯାଇଛି।

5.    ସୁପ୍ରିମକୋର୍ଟ ପଶ୍ଚିମବଙ୍ଗର ପୋଲିସ ପ୍ରଶାସନକୁ ଅପରାଧ ସ୍ଥଳର ସିସିଟିଭି ଫୁଟେଜ୍ ସଂରକ୍ଷଣ କରିବାକୁ ନିର୍ଦ୍ଦେଶ ଦେଇଛନ୍ତି। କୋର୍ଟ କହିଛନ୍ତି ଯେ ସମସ୍ତ ସିସିଟିଭି ଫୁଟେଜ୍ ଏବଂ ଇଲେକ୍ଟ୍ରୋନିକ୍ ଉପକରଣଗୁଡ଼ିକୁ ସଂରକ୍ଷଣ କରାଯିବା ଉଚିତ ।  

ସୁପ୍ରିମକୋର୍ଟ ସ୍ପଷ୍ଟ ଭାବରେ କହିଛନ୍ତି ଯେ ପ୍ରବର୍ତ୍ତନ ନିର୍ଦ୍ଦେଶାଳୟ (ED)ର ନିର୍ବାଚନ ପ୍ରଚାର କିମ୍ବା ଦଳୀୟ କାର୍ଯ୍ୟକଳାପରେ ହସ୍ତକ୍ଷେପ କରିବାର କୌଣସି ଅଧିକାର ନାହିଁ, ଏବଂ ରାଜ୍ୟ ସରକାରୀ ଏଜେନ୍ସିଗୁଡ଼ିକର ମଧ୍ୟ କେନ୍ଦ୍ରୀୟ ତଦନ୍ତରେ ହସ୍ତକ୍ଷେପ କରିବାର କୌଣସି ଅଧିକାର ନାହିଁ।

କୋର୍ଟ ତାଙ୍କ ଆଦେଶରେ EDର ଯୁକ୍ତି ମଧ୍ୟ ଉଲ୍ଲେଖ କରିଛନ୍ତି ଯେ TMCର ଲିଗାଲ୍ ସେଲ୍ ଜାନୁଆରୀ ୯ ତାରିଖରେ ହାଇକୋର୍ଟରେ ଭିଡ଼ କରିବା ପାଇଁ ହ୍ୱାଟ୍ସଆପ୍ ମେସେଜ୍ ପଠାଇଥିଲା ।  ଫଳରେ କୋର୍ଟ ପରିସରରେ ବିଶୃଙ୍ଖଳା ସୃଷ୍ଟି ହୋଇଥିଲା। SG ତୁଷାର ମେହେଟ୍ଟା ଏହି ମାମଲାକୁ ଏକ ଗମ୍ଭୀର ବିଷୟ ବୋଲି କହିଛନ୍ତି ।